(ដោយ៖អ.ស.មប៉ោយប៉ែត)៖មេបងធំពីរនាក់ត្រូវបានប៉េអឹមក្រុងប៉ោយប៉ែតអូស.កយកទៅញាត់ទ្រុងទាំងយប់ ព្រោះពូកែអុកឡុកអ្នកស្រុកញឹកញាប់ហួសហេតុពេកផ្អើលដល់ភ្ញៀវទេសចរណ៍ពេញក្រុងប៉ោយប៉ែតស្ទើររាល់ថ្ងៃ ឥឡូវនេះត្រូវបានបង្ក្រាបមេខ្លោងអស់ហើយ។
ថ្មីៗនេះកម្លាំងល្បាតរបស់សមត្ថកិច្ចប៉េអឹមក្រុងខាងលើបានធ្វើសកម្មភាពទប់ស្កាត់ទាន់ពេលវេលា ខណៈពេលដែលក្រុមក្មេងទំនើងពីរនាក់ទៅអុកឡុកដល់តំបន់ទេសចរណ៍នៅខាងមុខផ្កាយ៥ ហើយបានដកហូតយកវត្ថុតាងដូចជា កាំបិត ដំបង បំពង់ទីបនិង រថយន្តមួយគ្រឿង ដែលចាក់សំឡេងធុងបាសឮកក្រើកពេញក្រុងប៉ោយប៉ែតកន្លងទៅបញ្ជូនទៅតុលាការចាត់ការតាមនីតិវិធីច្បាប់។
សមត្ថកិច្ចបញ្ជាក់ថាមេខ្លោងបងធំទី១. ឈ្មោះ ឌឹម សុភ័ក្រ ភេទប្រុស ហៅផៃ រស់នៅភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ជាមេបងធំ និងទី២. ឈ្មោះ សុវណ្ណចិន្តា ភេទប្រុសអាយុ២៤ឆ្នាំ រស់នៅក្រុងដូចគ្នាខាងលើ ជាអនុប្រធានបងធំ៕
