Aug-10-2012
តាមប្រភពពីបងប្អូនជនរងគ្រោះបានឲ្យដឹងថា ជនរងគ្រោះឈ្មោះ កុយ ផាត អាយុ ៣៥ឆ្នាំ ជាអ្នករត់ម៉ូតូឌុប
ស្នាក់នៅភូមិសាវង្ស ឃុំតាជេស ស្រុកកំពង់ត្រឡាច ខេត្តកំពង់ឆ្នាំង រងរបួសក្បាល ប្រេះដល់លលាដ៍ក្បាល ត្រូវបាន
គ្រូពេទ្យដេរអស់ ១០ថ្នេរ និងរយះបបូរមាត់លើខាងឆ្វេង។ ភ្នំពេញ៖ បុរសម្នាក់បានរងរបួសធ្ងន់ ពេលដែលកំពុងជិះម៉ូតូឌុបគ្នា ត្រូវបានជនសង្ស័យលបកាប់ ២កាំបិតផ្គាក់។
ចំណែកមនុស្សម្នាក់ទៀតបានលោតចេញពីលើម៉ូតូទាន់។ ហេតុការណ៍នេះកើតឡើងកាលពីម៉ោង ៦ និង ៣០នាទី
ថ្ងៃទី៩ ខែសីហា ឆ្នាំ២០១២ ត្រង់ចំណុចផ្លូវជាតិលេខ៥ ភូមិថ្លកយល់ ឃុំតាជេស ស្រុកកំពង់ត្រឡាច។ចំណែកមនុស្សម្នាក់ទៀតដែលអង្គុយខាងក្រោយដឹងខ្លួន
លោតចេញទាន់ឈ្មោះ រ៉ា អាយុ ២៥ឆ្នាំ មុខរបរលាងម៉ូតូ ស្នាក់នៅភូមិជាមួយគ្នា។
ចំណែកជនសង្ស័យជាអ្នកបង្កឈ្មោះ វ៉េង អាយុ ២៨ឆ្នាំ ជាកសិករ ស្នាក់នៅភូមិកើតហេតុ ក្រោយពីកាប់គេឲ្យរបួស
ហើយបានរត់បាត់។
ប្រភពដដែលបានបន្តថា មុនពេលកើតហេតុ ជនរងគ្រោះបានជិះម៉ូតូសង់ចិន ពណ៌ខ្មៅ ឌុបគ្នាមកពីលេងផ្ទះបងប្អូន
ជិតភូមិកើតហេតុ ខណៈដែលកំពុងជិះម៉ូតូត្រឡប់មកផ្ទះវិញ ស្រាប់តែជនសង្ស័យលោតចេញពីកន្លែងស្ងាត់មកកាប់
ចំនួន ២ កាំបិតផ្គាក់ បណ្ដាលឲ្យជនរងគ្រោះដេកដួលក្នុងថ្លុកឈាម ហើយជនសង្ស័យបានរត់គេចខ្លួនបាត់ទៅ។
ប្រភពបញ្ជាក់ថា រវាងជនសង្ស័យ និងជនរងគ្រោះធ្លាប់មានរឿងទំនាស់នឹងគ្នានាពេលកន្លង ប៉ុន្តែពុំដឹងថាជារឿងអ្វីទេ។
បច្ចុប្បន្ន ជនរងគ្រោះត្រូវបងប្អូនបញ្ជូនមកព្យាបាលនៅមន្ទីរពេទ្យព្រះកុសមៈ ចំណែកជនសង្ស័យត្រូវបានសមត្ថកិច្ច
កំពុងស្វែងរកចាប់ខ្លួន ពីព្រោះបានស្គាល់អត្តសញ្ញាណហើយ៕www.tcnewscambodia.com