ថ្ងៃទី 21 ខែកក្កដា ឆ្នាំ2012, ម៉ោង 06:16 AM ជុន សុផល
បច្ចុប្បន្ន ប្រទេសកម្ពុជា ដែលកំពុងមាន ការអភិវឌ្ឍន៍ និងសេដ្ឋកិច្ចរីកចម្រើន ទន្ទឹមនឹងនោះ អត្រាកំណើន នៃការប្រើប្រាស់យានយន្ត ក៏កាន់តែ ច្រើនឡើងៗពីមួយឆ្នាំ ទៅមួយឆ្នាំដែរ។ អាស្រ័យ ដោយសារកំណើនឥតឈប់ឈរ នៃយានយន្តគ្រប់ ប្រភេទនេះ តម្រូវការនៃការប្រើប្រាស់ប្រេងរំអិល ក៏ មានសន្ទុះកើនឡើងទៅតាមនោះដែរ។
លោកព្រី ដា ប្រធានផ្នែកទីផ្សារ នៃក្រុមហ៊ុនPPT គ្រុប បានមានប្រសាសន៍ប្រាប់ “អង្គរធំ” នៅ ក្នុងបទសម្ភាសន៍កាលពីថ្ងៃទី១១ ខែកក្កដា ឆ្នាំ២០១២ ថា ក្រុមហ៊ុនរបស់លោក ដែលមានសាខានៅក្នុង ប្រទេសកម្ពុជា នឹងបើកទីផ្សារលក់ប្រេងរំអិល សម្រាប់យានយន្តគ្រប់ប្រភេទនៅក្នុងប្រទេសកម្ពុជា ចាប់ពីឆ្នាំនេះទៅ ហើយនឹងពង្រីកកាន់តែធំថែមទៀត នៅក្នុងឆ្នាំខាងមុខ។
លោកព្រី ដា បានមានប្រសាសន៍ទៀតថា សព្វថ្ងៃ ក្រុមហ៊ុនបាន និងកំពុងតែបើកយុទ្ធនាការទីផ្សារលក់ ប្រេង ដែលមានគុណភាពខ្ពស់នេះនៅតាមស្ថានីយ៍ ប្រេងឥន្ធនៈរបស់ខ្លួន ដែលមានទាំងអស់នៅក្នុង ប្រទេសកម្ពុជា ហើយនិងនៅតាមកន្លែងជួសជុលរថយន្ត ព្រមទាំងដេប៉ូលក់ប្រេងឯកជនមួយចំនួន ទៀតនៅក្នុងបណ្តាខេត្តសំខាន់ៗ ដែលមានប្រជាពលរដ្ឋរស់នៅ និងប្រើប្រាស់យានយន្តច្រើន។
លោកព្រី ដា បានគូសបញ្ជាក់ថា “យើងសង្ឃឹម ថា ប្រេងរំអិលរបស់យើង ដែលមានគុណភាព ស្តង់ដារខ្ពស់ នឹងទទួលបានចំណែកទីផ្សារយ៉ាងទូលំទូលាយនៅក្នុងប្រទេសកម្ពុជា នាពេលដ៏ខ្លីខាងមុខនេះ ជាមួយនឹងការប្រើប្រាស់ដ៏ច្រើនសន្ធឹកសន្ធាប់ ពី សំណាក់អតិថិជនទូទៅ”។
បច្ចុប្បន្ន ក្រុមហ៊ុនPPT គ្រុប ដែលមានស្ថានីយ៍ ប្រេងឥន្ធនៈផ្ទាល់របស់ខ្លួនចំនួន១៤កន្លែង នៅទូទាំង ប្រទេស តាំងពីឆ្នាំ២០០០មកនោះ កំពុងតែធ្វើប្រតិបត្តិការនៅក្នុងការលក់ប្រេងរំអិលទៅដល់អតិថិន ដែលប្រើយានយន្តហើយ ដោយក្នុងនោះមានទាំង ប្រភេទប្រេងសម្រាប់ប្រើជាមួយម៉ូតូលេខអូតូម៉ាទិច ដូចជា អ៊ែរប៊្លេក អាយខន ហ្វីណូ និងប្រភេទប្រើប៊ិក ដែលរួមមានដូចជា វីវ៉ា និងឌ្រីមសង់ ជាដើម ទៅតាម ប្រភេទម៉ាស៊ីន ដែលមានចំណុះចាប់ពី០,៧លីត្រ ០,៨លីត្រ និង១លីត្រ ដោយក្នុងនោះមានថ្លៃជាមធ្យម ប្រមាណពី៨.០០០រៀល រហូតទៅដល់១៦.០០០រៀល ក្នុង១កំប៉ុង ទៅតាមចំណុះនីមួយៗ។
ដោយឡែក ចំពោះប្រេងរំអិលសម្រាប់ប្រើ ជាមួយរថយន្តវិញ ក្រុមហ៊ុនក៏មានលក់ប្រេងគ្រប់ ប្រភេទម៉ូដែលដែរ ក្នុងនោះមានដូចជាប្រេងសម្រាប់ប្តូរក្នុងចម្ងាយផ្លូវ៣.០០០គីឡូម៉ែត្រ ប្រេងសម្រាប់ប្តូរ លើចម្ងាយផ្លូវ៧.០០០ និង១០.០០០គីឡូម៉ែត្រ។ ប្រេងរំអិលសម្រាប់រថយន្តនេះ មានថ្លៃជាមធ្យមប្រមាណ ពី១៤ដុល្លារអាមេរិក រហូតដល់៤០ដុល្លារ ក្នុងមួយ ធុង ទៅតាមប្រភេទ និងចំណុះនីមួយៗដែលក្នុងនោះ មានទាំងធុងចំណុះ៤លីត្រ ៥លីត្រ ៦លីត្រ និង៧លីត្រ ដែលជាប្រភេទប្រេងសម្រាប់ដាក់រថយន្តហ្វីហ្គោ ដែលប្រើម៉ាហ្ស៊ូត។
សូមបញ្ជាក់ថា ក្រុមហ៊ុនPPT គ្រុប បានបើកស្ថានីយ៍ប្រេងឥន្ធនៈលើកដំបូង នៅក្នុងប្រទេសកម្ពុជា ចាប់តាំងពីឆ្នាំ២០០០មកម៉្លេះ ប៉ុន្តែ ច្រើនឆ្នាំមកនេះ ក្រុមហ៊ុនលក់តែប្រេងសាំងប៉ុណ្ណោះ ហើយមិនដែលលក់ប្រេងរំអិលទេ។ ក្នុងរយៈពេលកន្លងមក ក្រុមហ៊ុន PTTគ្រុប ធ្លាប់បានធ្វើការផ្គត់ផ្គង់ប្រេងឥន្ធនៈទៅឱ្យអាកាសយានដ្ឋាននានាមួយចំនួន នៅក្នុងប្រទេស កម្ពុជា ផងដែរ។
លោកព្រី ដា បានឱ្យដឹងថា តាំងពីការចាប់ផ្តើម បើកសាខារបស់ខ្លួនលើកដំបូងនៅក្នុងប្រទេសកម្ពុជា មក ភីធីធី មិនធ្លាប់លក់ប្រេងរំអិលទេ គឺលក់តែប្រេង សាំងប៉ុណ្ណោះ ប៉ុន្តែ ដោយសារពេលនេះ ក្រុមហ៊ុន សម្លឹងឃើញមានកំណើនយានយន្តច្រើន ហើយ ផ្លូវថ្នល់ក៏មានការអភិវឌ្ឍន៍ល្អ ទើបបានជាក្រុមហ៊ុន បន្ថែមការលក់ប្រេងរំអិលមួយមុខទៀត ។
លោកព្រី ដា បានបញ្ជាក់ឱ្យដឹងបន្តទៀតថា“ នៅក្នុងឆ្នាំខាងមុខ PTT នឹងវាយលុកទីផ្សារប្រេងរំអិល នៅកម្ពុជា ហើយនឹងបង្កើនភាពគ្របដណ្តប់ ឱ្យបានពាសពេញនៅទូទាំងផ្ទៃប្រទេស”។
បច្ចុប្បន្ន មានប្រេងរំអិលជាច្រើនម៉ាកត្រូវបាន គេធ្វើចរាចរលក់នៅលើទីផ្សារ និងនៅតាមបណ្តាស្ថានីយ៍ចាក់ប្រេងជាច្រើនកន្លែង នៅក្នុងប្រទេស ហើយក្នុងចំណោមនោះមានប្រេងរំអិលខ្លះមិនមាន និមិត្តសញ្ញា និងស្តង់ដារផលិតត្រឹមត្រូវទេ។
លោកណុប ផន ប្រធានទីផ្សារក្រុមហ៊ុនPPT បានឱ្យដឹងថា ប្រេងរំអិលដែលក្រុមហ៊ុននាំយកមក ចែកចាយលក់នៅក្នុងប្រទេសកម្ពុជា នៅពេលនេះ គឺសុទ្ធតែជាប្រេងមានគុណភាព ISO ដែលមាន ការទទួលស្គាល់ជាលក្ខណៈអន្តរជាតិ ក្នុងនោះមាន ដូចជាប្រេងប្រភេទ PTT-CHALLENGER SYNTHETIC eRbg PTT-PERFORMA SUPER SYNTHETIC HYBRID និងប្រភេទ ប្រេង PTT- DYNAMIC SYNTHETIC។
លោកណុប ផន បានឱ្យដឹងទៀតថា ប្រេងរំអិល ប្រភេទ PTT-CHALLENGER SYNTHETIC គឺជាប្រេងដែលបង្កើតឡើងដោយបច្ចេកវិទ្យាទំនើបទាន់សម័យល្អឥតខ្ចោះ១០០ភាគរយសម្រាប់ទោចក្រយានយន្ត PTT-CHALLENGER SYN- THETIC SAE 5W-40 API SL ហើយ ប្រេងប្រភេទ PTT-PERFORMA SUPER SYNTHETIC HYBRID ដែលជាប្រេងមាន ស្តង់ដារលំដាប់ថ្នាក់ពិភពលោក សម្រាប់ប្រើជាមួយ គ្រឿងយន្តដែលមានប្រព័ន្ធHybrid ផ្ទាល់តែ ម្តង ព្រោះវាមានភាពខាប់ ពិសេសនៃ SAE OW-30 ដែលអាចជួយការពារយានយន្តរាល់ពេលបញ្ឆោះ ព្រមទាំងអាចការពារគ្រឿងយន្តបានល្អអស្ចារ្យ នៅគ្រប់សីតុណ្ហភាព។ ដោយឡែក ចំពោះ PTT-DYNAMIC SYN- THETIC វិញ គឺជាប្រេងរំអិល ដែលផលិតឡើង សម្រាប់ប្រើប្រាស់ស៊ីគ្នាជាមួយម៉ាស៊ីនប្រើម៉ាហ្ស៊ូត ដោយវាមានគុណភាណលើសពីកម្រិតស្តង់ដារ API CJ4៕Agkor thom
