Wednesday, July 4, 2012

ឪពុកចុងតិរចា្ឆន រំលោភកូនស្រីចំនួន ៣នាក់ ទាំងខ្លួនផ្ទុកមេរោគអេដស៍


                                   


  Jul-04-2012
បាត់ដំបង៖​ បុរស​ម្នាក់​ដែល​ផ្ទុកមេរោគ​អេដស៍​តាំងពី​ជំនាន់​ អ៊ុនតាក់ ​ចូល​ស្រុក​ខ្មែរ ​និងបាន​ក្លាយ​ខ្លួន​ជា​ជនជាប់ចោទ
​ពីប​ទ​រំលោភ​សេពសន្ថវៈ​ទៅលើ​កូនចុង​របស់​ខ្លួន​ចំនួន ​៣​នាក់​ ត្រូវ​បាន​កម្លាំង​ការិយាល័យ​ជំនាញ​ធ្វើការ​ឃាត់ខ្លួន
បន្ទាប់ពី​មាន​ពាក្យបណ្ដឹង​របស់​ស្ត្រី​ម្នាក់​ឈ្មោះ ជុំ សូត្រ អាយុ ៣៨​ឆ្នាំ រស់នៅ​ភូមិ​ចាម​រអា ឃុំ​ព្រៃ​ស្វាយ
ស្រុក​មោងឫស្សី ខេត្តបាត់ដំបង ដែល​បាន​ចោទប្រកាន់​ទៅលើ​ប្ដី​របស់​ខ្លួន​ឈ្មោះ ប៉ាច អុន អាយុ ៤៧​ឆ្នាំ បច្ចុប្បន្ន​កំពុង​
ស៊ីឈ្នួល​កាប់​ចំការ​នៅ​ភូមិ​ស្ទឹង ឃុំប្រមោយ ស្រុក​វាលវែង ខេត្តពោធិ៍សាត់ ពី​ករណី​ចាប់រំលោភ​កូនចុង​របស់​ខ្លួន​ចំនួន​
៣​នាក់ កាលពី​អំឡុង​ឆ្នាំ​២០០០​ ដែល​ទើប​ធ្លាយអាថ៌កំបាំង​។
ពាក្យបណ្ដឹង​បាន​ឲ្យដឹងថា កាលពី​ថ្ងៃទី​១៨ មិថុនា ឆ្នាំ​២០១២ ស្ត្រី​ជា​ម្ដាយ​បាន​ធ្វើ​ដំណើរ​មក​ខេត្តបាត់ដំបង​
ដើម្បី​សុំ​យក​កូនស្រី​ទាំងអស់​ត្រឡប់​ទៅផ្ទះ​វិញ ព្រោះ​បច្ចុប្បន្ន​កូនស្រី​ទាំងនោះ​បាន​មក​ធ្វើការ​ឲ្យ​គេ​នៅក្នុង​ខេត្ត
ប៉ុន្តែ​ខណៈនោះ​កូនស្រី​បាន​ធ្វើ​ការ​បដិសេធ​ដាច់ខាត​មិន​ត្រឡប់​ទៅផ្ទះ​ឡើយ នៅ​ទីបំផុត​មូលហេតុ​នេះ ​ត្រូវ​បាន​ធ្លាយ​
អាថ៌កំបាំង​ដោយសារតែ​ពួកនាង ខ្លាច​មានការ​ចាប់រំលោភ​ពី​សំណាក់​ឪពុកចុង​បន្តទៀត​។ ដោយ​មូលហេតុ​នេះ​ហើយ
​ទើប​ស្ត្រី​ជា​ម្ដាយ​មានការ​ភ្ញាក់ខ្លួន ហើយក៏​នាំ​កូនស្រី​ទាំងអស់​ទៅ​បំភ្លឺ​នៅ​ចំពោះមុខ​សមត្ថកិច្ច​។

កូនស្រី​ទាំង​ ៣​នាក់​ត្រូវ​ឪពុកចុង​របស់​ខ្លួន​ចាប់រំលោភ​នោះ​មាន ទី១ឈ្មោះ​ ធ .​ស​.​ន អាយុ​ ១៨​ឆ្នាំ​(​រំលោភ​កាលពី​អាយុ
១២​ឆ្នាំ ទីឈ្មោះ ធ​.​ស​.​ព អាយុ ១៥​ឆ្នាំ ​រំលោភ​កាលពី​អាយុ​ ១០​ឆ្នាំ​)និង៣ឈ្មោះ ធ​.​ស​.​ម អាយុ ៩​ឆ្នាំ ​រំលោភ​កាលពី​
អាយុ​ ៨​ឆ្នាំ​។

ពាក់ព័ន្ធ​នឹង​ជីវិត​ដ៏​អភ័ព្វ​នេះ​ យុវតី​ទាំង ​៣​នាក់​ បាន​រៀបរាប់​ស្រដៀងៗ​គ្នា​នូវ​ការ​ចាប់​បង្ខំ ​ដើម្បី​រំលោភ​ពី​សំណាក់​ឪពុក
ដោយ​គេ​ប្រើប្រាស់​សកម្មភាព​​រំលោភ​យ៉ាង​ព្រៃ​ផ្សៃ ធ្វើ​ឲ្យ​ពួក​នាង​មានការ​ឈឺចាប់​ជាទីបំផុត ថែមទាំង​មាន​វិប្បដិសារី
​អស់​មួយជីវិត ​ព្រោះ​ឪពុកចុង​របស់​នាង​មាន​ផ្ទុកមេរោគ​អេដស៍ ហើយ​នៅ​រៀងរាល់​ដំណាច់ខែ គាត់ និង​ម្ដាយ​របស់
​នាង​តែងតែ​ទៅ​ទទួលយក​ថ្នាំ​ពន្យារ​នៅ​មន្ទីរពេទ្យ​ស្រុក​មោងឫស្សី​ជាប្រចាំ​។

នៅ​ចំពោះមុខ​សមត្ថកិច្ច​ជនសង្ស័យ​ឈ្មោះ ប៉ាច អុន បាន​ព្យាយាម​បដិសេធ​នូវ​ចំណុច​ខ្លះ​នៅក្នុង​ពាក្យបណ្ដឹង​ក៏ដោយ
ក៏​មាន​ចំណុច​ខ្លះ ដែល​គេ​បាន​សារភាព​ថា ជា​ការ​ពិត​ផងដែរ ព្រមទាំង​បាន​សារភាព​ថា​ ខ្លួន​បាន​ផ្ទុកមេរោគ​អេដស៍​នេះ
តាំងពី​ជំនាន់​អ៊ុនតាក់​ចូល​ស្រុក​។

​​
ករណីនេះ​គឺ​បាន​បំពាន​ទៅលើ​មាត្រា​២៣៩ – ២៤០ និង​ ២៤១ នៃ​ក្រមព្រហ្មទណ្ឌ ដោយ​បច្ចុប្បន្ន​លោកវរសេនីយ៍ទោ
កុយ ហៀ​ង កំពុង​រៀបចំ​កសាង​សំណុំរឿង បញ្ជូន​ខ្លួន​ទូ​តុលាការ​ជា​អ្នក​វិនិច្ឆ័យ​ទោស​តាមច្បាប់​៕ អត្ថបទ(cam111)

 
Design by Free WordPress Themes | Bloggerized by Lasantha - Premium Blogger Themes | Best Buy Coupons