ក្រសួងធនធានទឹក និងឧតុនិយមនៅថ្ងៃទី០៤ កក្កដា នេះ បានចេញសេចក្តីជូនដំណឹងមួយប្រាប់ដល់ប្រជាពលរដ្ឋដែលរស់នៅតាមដង ទន្លេទាំងអស់ឲ្យមានការប្រុងប្រយ័ត្នចំពោះគ្រោះទឹកជំនន់ដែលនឹង កើតមានក្នុងពេលឆាប់ៗនេះ។
ជំនន់ទន្លេមេគង្គគំរាមកំហែងដល់ប្រជាពលរដ្ឋរស់នៅប្របដងទន្លេកន្លងទៅ
ចំពោះស្ថានភាពនេះ នឹងបណ្តាលឲ្យទឹកទន្លេមេគង្គកម្ពុជា ទន្លេបាសាក់ ទន្លេសាប និងទឹកក្នុងបឹងទន្លេសាប ចាប់កើនឡើង ធ្វើឲ្យតំបន់ទំនាបមួយចំនួនដែលស្ថិតនៅអមដងទន្លេខាងលើ ចាប់ផ្តើមលិចជាបន្តបន្ទាប់ ដែលការលិចនេះក៏នឹងធ្វើឲ្យមានការប៉ះពាល់ដល់ដំណាំកសិកម្មរបស់ ប្រជាពលរដ្ឋនៅតំបន់ទាំងនោះផងដែរ។
ជាមួយគ្នានេះ ក្រសួងធនធានទឹកក៏បានប្រាប់ទៅដល់អាជ្ញាធរដែនដី និងប្រជាពលរដ្ឋដែលរស់នៅតាមដងទន្លេមេគង្គកម្ពុជា ទន្លេសាប ទន្លេបាសាក់ និងនៅតំបន់ជុំវិញបឹងទន្លេសាប ឲ្យមានវិធានការប្រមូលកសិផលឲ្យទាន់ពេលវេលា និងបង្កើនការយកចិត្តទុកដាក់ប្រុងប្រយ័ត្នខ្ពស់ ចំពោះស្ថានភាពទឹកជំនន់ខាងលើ ដើម្បីចៀសវាងនូវគ្រោះថ្នាក់ផ្សេងៗដែលអាចកើតមានឡើងជាយថាហេតុ៕Free press
