ដោយ ៖ វិច្ឆិកា ថ្ងៃទី 28 កក្កដា 2012ម៉ោង 19:03:32
ប៉ោយប៉ែត ៖ រថយន្ដឡិចស៊ីសមីនី ពណ៌ខ្មៅ១គ្រឿង បានក្រឡាប់ផ្ងារជើងអូសចម្ងាយប្រមាណ៧០ម៉ែត្រ នៅតាម បណ្ដោយផ្លូវជាតិលេខ៥ កាលពីវេលាម៉ោង៦ល្ងាច ថ្ងៃទី២៨ ខែកក្កដា ឆ្នាំ២០១២ នៅខាងលិងខ្លោងទ្វារវត្ដស្ទឹងបត់ ភូមិស្ទឹងបត់ សង្កាត់ផ្សារកណ្ដាល ក្រុងប៉ោយប៉ែត បណ្ដាឱ្យនារីវ័យក្មេងម្នាក់ស្លាប់នៅកន្លែងកើតហេតុ និង៥នាក់ទៀតរងរបួសធ្ងន់ទៅសង្រ្គោះនៅមន្ទីរពេទ្យ ។តាមប្រភពព័ត៌មានឱ្យដឹងថា រថយន្ដខាងលើត្រូវបានគេដឹងថាមកពីរមណីយដ្ឋានដុងអារញ្ញ បើកតាមបណ្ដោយផ្លូវ ជាតិលេខ៥ក្នុងល្បឿនយ៉ាងលឿន និងមានភ្លៀងរលឹម លុះមកដល់កន្លែងកើតហេតុមិនដឹងជាវាក់អ្វីមួយ ធ្វើអ្នកបើកបរជាន់ហ្វ្រាំងហើយក្រឡាប់ផ្ងារជើងអូសប្រមាណ៧០ម៉ែត្រ បែបនេះ ៕nokor wat