ដោយ ៖ ទឹកថ្លា ថ្ងៃទី 10 កក្កដា 2012ម៉ោង 17:52:07
ខេត្ដស្រះកែវ-បន្ទាយមានជ័យ ៖ អាជ្ញាធរខេត្ដបន្ទាយមានជ័យនិងអាជ្ញាធរខេត្ដស្រះកែវ បានបើកកិច្ចប្រជុំគណៈកម្មការព្រំដែនកម្ពុជា-ថៃថ្នាក់តំបន់មួយ រួមគ្នា កាលពីព្រឹកថ្ងៃទី១០ ខែកក្កដា ឆ្នាំ២០១២ នៅសាលប្រជុំនៃសណ្ឋាគារអារញ្ញមឿម៉េត ស្រុកអារញ្ញ ក្រោមអធិបតីភាពលោក អ៊ុង អឿន អភិបាល ខេត្ដបន្ទាយមានជ័យ, លោក សានីត សាកស៊ុកស៊ី អភិបាលខេត្ដស្រះកែវ ។ ភាគីខេត្ដទាំង២បានលើកឡើងនូវរបៀបវរ៣មកពិភាក្សារួមគ្នា ដែលរបៀបវារនោះបានពិភាក្សាលើការកំណត់បើកច្រកព្រំដែនរបៀង សេដ្ឋកិច្ច“បានមូន ពិតមុន”(ភាសាថៃ)ដែលប្រឈមនឹង ច្រកអូរនាង ស្ថិតក្នុងស្រុកស្វាយចេក និងច្រកអន្ដរជាតិណងអៀន ប្រឈមនឹងច្រកស្ទឹងបត់ ក្រុងប៉ោយប៉ែត ។ ពិភាក្សាលើប្រធានបទសហគមន៍អាស៊ានសេដ្ឋ កិច្ច សង្គមកិច្ចនិងសន្ដិសុខ សង្គមនៃប្រទេសទាំង២ខេត្ដទាំង២ ។
លោក អ៊ុង អឿន អភិបាលខេត្ដបន្ទាយ មានជ័យបាននិយាយក្នុងកិច្ចប្រជុំនោះថា យើងទទួលបានសន្ដិភាព ស្ថិរភាពនៅ តាមខ្សែបន្ទាត់ព្រំដែនរវាងខេត្ដទាំង២ ប្រទេសយើងទាំង២ ធ្វើឱ្យមានការរីកចម្រើនផ្នែកសេដ្ឋកិច្ច ពាណិជ្ជកម្ម ទេសចរណ៍ ហើយត្រូវបន្ដកិច្ចសហការលើ គ្រប់វិស័យ ដើម្បីអនុវត្ដតាមទិសដៅអាស៊ានវាសនាតែមួយ ពិសេសពីពេលបច្ចុប្បន្នដល់ឆ្នាំ២០១៥។ កន្លងមកយើងបានរួមគ្នាធ្វើកិច្ចការយ៉ាងច្រើន ហើយ ទទួលបានជោគជ័យជាបន្ដបន្ទាប់ ជាក់ស្ដែងការរួមគ្នាដោះស្រាយធ្វើឱ្យមានសន្ដិភាពនៅតាមព្រំដែន បង្កលក្ខណៈដល់ការធ្វើអាជីវកម្មរបស់ប្រជាជនយើង សម្រួលដល់ដំណើរការរទេសចរណ៍ ពិសេសយើងបានកសាងប្រវត្ដិសាស្ដ្ររវាងខេត្ដ យើងទាំង២ ដូចជាពិធីអបអរសាទរខួប លើកទី៦០ឆ្នាំ ថ្ងៃទំនាក់ទំនងការទូតរវាង ប្រទេសទាំង២ ព្រះរាជាណាចក្រកម្ពុជានិងព្រះរាជាណាចក្រថៃ ស្របពេលនោះខេត្ដយើងទាំង២បានធ្វើពិធីផ្លាស់ប្ដូរទិដ្ឋការ នៅស្ថានមិត្ដភាពកម្ពុជា-ថៃ ។ ថ្មីៗនេះ កាលពីថ្ងៃទី១៤ ខែមិថុនា ប្រទេសទាំង២បានផ្លាស់ប្ដូររថយន្ដចំនួន៨០គ្រឿង ចេញ-ចូលក្នុងប្រទេសដោយផ្អែកតាមអនុស្សរណៈយោគយល់គ្នា ( MOU) កាលពីឆ្នាំ២០០៨កន្លងមក កិច្ចសហប្រតិបត្ដិការល្អ ស្នើឱ្យយើងរក្សាបន្ដដើម្បី ផលប្រយោជន៍ប្រទេសនិងប្រជាជនយើងទាំង២ ៕nokowat