ដោយ ៖ ស៊ាង ឡាយ ថ្ងៃទី 05 កក្កដា 2012ម៉ោង 09:10:08
ខេត្ដក្រចេះ៖កម្លាំង នគរបាលនៃអធិការដ្ឋានក្រុងក្រចេះបានចាប់ខ្លួនជនសង្ស័យម្នាក់ពីបទ រំលោភសេពសន្ថវៈ លើកូនស្រីខ្លួនឯងបានសម្រេចជាច្រើនដងបញ្ជូនមកកាន់ការិយាល័យ ព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ដ ក្រចេះ កាលពីថ្ងៃទី៤ ខែកក្កដា ឆ្នាំ២០១២ ស្ថិតក្នុងសង្កាត់អូរឫស្សី ក្រុងក្រចេះ ខេត្ដក្រចេះ ។លោកហួត លឹមហ៊ាង នាយរងការិយា ល័យព្រហ្មទណ្ឌកម្រិតធ្ងន់ខេត្ដបានប្រាប់ ឱ្យដឹងថា ជនសង្ស័យឈ្មោះស តី ហៅផាត អាយុ៣៧ឆ្នាំ រស់នៅសង្កាត់អូរឫស្សី ក្រុងក្រចេះ ខេត្ដក្រចេះ ត្រូវបាននគរបាល ចាប់ខ្លួនពីបទរំលោភសេពសន្ថវៈលើកូន ស្រីខ្លួនឯងឈ្មោះច.រ.ន. អាយុ១៧ឆ្នាំ បានសម្រេចជាច្រើនដង ខណៈពេល ម្ដាយមិននៅផ្ទះ ។
មន្ដ្រីនគរបាលនៃអធិការដ្ឋានក្រុងក្រចេះបានប្រាប់ឱ្យដឹងថា បន្ទាប់ពីបានទទួលពាក្យបណ្ដឹងពីម្ដាយនារីរងគ្រោះភ្លាម នគរបាលក៏បានចាប់ខ្លួនជនសង្ស័យយកមកសាកសួរតែម្ដង ។ មន្ដ្រីនគរបាលបានប្រាប់ឱ្យដឹងទៀតថា ជនសង្ស័យ ឈ្មោះស តី ហៅផាត នេះបានធ្វើសកម្ម ភាពចាប់រំលោភលើកូនស្រីខ្លួនឯងតាំង ពីរូបនាងនៅមានអាយុ៧ឆ្នាំមកម្ល៉េះ ហើយមកដល់បច្ចុប្បន្ននេះនារីរងគ្រោះ មានអាយុ១៧ឆ្នាំហើយ ។
ក្មេងស្រីរងគ្រោះបានប្រាប់ឱ្យដឹងថា រូបនាងត្រូវបានឪពុកចាប់រំលោភសេពសន្ថវៈជាច្រើនដងមកហើយ ប៉ុន្ដែ នាងមិនហ៊ានប្រាប់ម្ដាយទេ ព្រោះរាល់ ការរំលោភម្ដងៗ ឪពុកតែងគំរាមមិន ឱ្យនិយាយប្រាប់ម្ដាយនាង ឬអ្នកណា ឡើយ បើមិនស្ដាប់តាមគឺជនល្មើសនឹង វាយធ្វើបាបនិងសម្លាប់ចោល ។ មិនតែប៉ុណ្ណោះជនសង្ស័យតែងតែបង្កជម្លោះជា មួយប្រពន្ធរហូតដល់ប្រពន្ធទ្រាំលែងបាន ក៏សម្រេចចិត្ដលែងលះគ្នាតែទុកឱ្យកូន រស់នៅជាមួយប្ដីទាំងអស់ ។ ក្មេងស្រីរង គ្រោះបានបន្ដទៀតថា នៅថ្ងៃទី១៧ ខែ មិថុនា ឆ្នាំ២០១២ រូបនាងមានអាការ មិនស្រួលខ្លួន ហើយជនសង្ស័យដែលជា ឪពុកជូនទៅពិនិត្យនៅមន្ទីរពេទ្យទើបដឹង ថាក្មេងស្រីរងគ្រោះមានផ្ទៃពោះ១៦សបា្ដហ៍ និង៣ថ្ងៃ ។ ពេលនោះជនល្មើសដែលជាឪពុកបានគំរាមឱ្យនាងយកកូនចេញមិនតែប៉ុណ្ណោះ ជនល្មើសប្រឹងយកដៃកាយពោះនាងដើម្បីឱ្យកូនរលូតហើយជនល្មើសនៅតែបន្ដ ចាប់រំលោភលើរូបនាងដូចពេលមុនៗដដែល ។
រហូតដល់នាងទ្រាំលែង បាននៅថ្ងៃទី២ ខែកក្កដា ឆ្នាំ២០១២ នាងទៅរស់ជា មួយម្ដាយនៅឯស្រុកស្នួល ហើយបាន និយាយប្រាប់ម្ដាយ ។ ពេលឮកូននិយាយ ពីរឿងឪពុកចាប់រំលោភភ្លាម ម្ដាយនារី រងគ្រោះក៏ទៅប្ដឹងសមត្ថកិច្ចឱ្យចាប់ខ្លួន អតីតប្ដីតែម្ដង ។
គួរបញ្ជាក់ថារហូតមកដល់ថ្ងៃទី៥ ខែកក្កដា ឆ្នាំ២០១២នេះ ឳពុកដែលចាប់រំលោភកូនស្រីឯង បានសម្រេចចិត្តចង.កធ្វើអត្តឃាតហើយ ៕អត្ថបទnokowat