ភ្នំពេញ ៖ តាមរយៈ កម្មវិធី Media Familiarization Trip.ដែលរៀបចំ ឡើងដោយក្រសួងការបរទេសថៃ អ្នកសារព័ត៌មានកម្ពុជាចំនួន១០រូបមានមកពីក្រសួងព័ត៌មាន ទូរទស្សន៍ជាតិកម្ពុជា , ទូរទស្សន៍បាយ័ន , កាសែតកម្ពុជាថ្មី , កាសែតរស្មីកម្ពុជា , កាសែត កោះសន្តិភាព
បានបំពេញទស្សនកិច្ចនៅទីក្រុងបាងកកខេត្តឈៀង រ៉ៃ មួយសប្ដាហ៍ចាប់ពីថ្ងៃទី ២២ កក្កដា ២០១២ ។
ព្រឹកថ្ងៃទី១គឺ ថ្ងៃទី ២៣ កក្កដា ២០១២ អ្នកសារព័ត៌មានកម្ពុជាបានបំពេញទស្សនៈកិច្ចក្នុងក្រសួងការបរទេសថៃ ហើយក៏មានអ្នកសារព័ត៌មានពីប្រទេសចិន មីយ៉ាម៉ា ឡាវ ដាច់ដោយឡែកពីគ្នា បានបំពេញទស្សនៈកិច្ចក្នុងប្រទេសថៃផងដែរ ។ ក្នុងជំនួបជាមួយអ្នកសារព័ត៌មានកម្ពុជា លោក ណាត តាវុធ ពុធិសារ៉ូ (Natta vudh.Pho tisaro) អនុរដ្ឋលេខាធិការ អចិន្ត្រៃយ៍របស់ក្រសួងការបរទេសថៃ បានថ្លែងថា វត្តមានរបស់អ្នកកាសែតកម្ពុជានៅប្រទេសថៃ ពេលនេះវាជារឿងដ៏ល្អ ព្រោះថារដ្ឋាភិបាលថៃបច្ចុប្បន្ន គឺមានគំនិតបង្កើតមិត្តភាពរវាងប្រទេសជិតខាង ជាពិសេសប្រទេសថៃ កម្ពុជា តែម្ដង។កម្ពុជា ថៃជាប្រទេសជាប់គ្នាមានការប៉ះទង្គិចគ្នាតិចតួច ប៉ុន្តែអាចដោះស្រាយគ្នាដោយសន្តិវិធីដោយមានការពិភាក្សាគ្នាទៅវិញទៅមក និងស្មើរភាពគ្នា ។
លោកណាត តាវុធ ពុធិសារ៉ូ បានបញ្ជាក់ថា ក្នុងដំណើរទស្សនៈកិច្ចរបស់អ្នកសារព័ត៌មានកម្ពុជាមានសារៈសំខាន់ ក្នុងការផ្សព្វផ្សាយព័ត៌មានដល់ប្រជាជនកម្ពុជាទាំងមូលហើយនឹងនាំមក នូវមិត្តភាព សន្តិភាពសំរាប់ប្រជាជនកម្ពុជា ថៃ អោយមានការយោគយល់គ្នានិងអាចកសាងទំនាក់ទំនងប្រជាជននៅតាមព្រំដែនទាំង ២ ។ លោកគិតថាអ្នកសារព័ត៌មានមាន សារៈសំខាន់ណាស់សំរាប់អ្នកអនុវត្តតាមទិសដៅអាស៊ានវាសនាតែមួយ លើវិស័យសេដ្ឋកិច្ចពាណិជ្ជកម្ម ទេសចរណ៍ នៅឆ្នាំ ២០១៥ ។ក្នុងថ្ងៃទី១នេះដែរ អ្នកសារព័ត៌មានខ្មែរក៏បានជួបជាមួយនិស្សិតថៃរៀនភាសាខ្មែរនៅ សាកលវិទ្យាល័យ Srinak.harin wiro ។
នៅ ថ្ងៃអង្គារ ទី២៤ កក្កដានេះក្រុមអ្នកកាសែតកម្ពុជា បានទៅទស្សនកិច្ចស្វែងយល់នៅកាសែតបាងកក ប៉ុស្តិ៍ដ៏ល្បីល្បាញរបស់ប្រទេសថៃ ព្រមទាំងជួបជាមួយគណៈកម្មាធិការអចិន្ត្រៃយ៍ចម្រុះលើវិស័យពាណិជ្ជកម្ម ឧស្សាហ៍កម្ម និងធនាគាររបស់ប្រទេសថៃ ។
នៅ ថ្ងៃ ពុធ ទី២៥ កក្កដាស្អែក ក្រុមអ្នកកាសែតកម្ពុជា នឹងស្ដាប់បទបង្ហាញរបស់ទីភ្នាក់ងារសហប្រតិបត្តិការ សម្រាប់ការអភិវឌ្ឍន៍អន្តរជាតិ របស់ប្រទេសថៃ(TICA) នៃក្រសួងការបរទេសថៃ និងជួបជាមួយនឹងតំណាងទូរទស្សន៍រដ្ឋរបស់ថៃ Thai Public Broadcasting Service (Thai PBS) ៕