Tuesday, July 24, 2012

ស្ថានភាព​សុខភាព​លោក​ឧបនាយករដ្ឋមន្ត្រី សុខ អាន ធម្មតា​ឡើងវិញ​ហើយ

 

 

  Tuesday, 24 July 2012 14:21

ភ្នំពេញ: ​ជាថ្មី​ម្តងទៀត នៅ​ថ្ងៃទី​២៤ ខែកក្កដា ឆ្នាំ​២០១២​នេះ អង្គភាព​ព័ត៌មាន និង​ប្រតិកម្ម​រហ័ស នៃ​ទីស្តីការគណៈរដ្ឋមន្ត្រី បានចេញ​នូវ​សេចក្តីប្រកាស​ព័ត៌មាន ជម្រាបជូន​ដល់​សាធារណជន​ឲ្យ​បាន​ជ្រាបថា នៅ​ប៉ុន្មាន​ថ្ងៃ​ចុង​ក្រោយនេះ មានការ​ផ្សព្វផ្សាយ​នូវ​ព័ត៌មាន ដែលមាន​ចរិត​ជា​សង្គ្រាមចិត្តសាស្ត្រ និង​ពាក្យ​ចចាមអារ៉ាម​មួយចំនួន ដែល​បំផ្លើស​ខុសពី​ការពិត​ទាំងស្រុង អំពី​ស្ថានភាព​សុខភាព​របស់លោក​ឧបនាយករដ្ឋមន្ត្រី សុខ អាន រដ្ឋមន្ត្រី​ទទួលបន្ទុក​ទីស្តីការគណៈរដ្ឋមន្ត្រី​។​
​នៅក្នុង​ សេចក្តីប្រកាស​ព័ត៌មាន​ដដែល​នោះ បានបញ្ជាក់​យ៉ាងច្បាស់​ថា ដើម្បី​បញ្ជា​ក់នូវ​ការពិត​ខាងលើនេះ អ្នកនាំពាក្យ​អង្គភាព​ព័ត៌មាន និង​ប្រតិកម្ម​រហ័ស មាន​កាតព្វកិច្ច​សូម​ជម្រាបជូន​សាធារណមតិ​ឲ្យ​បាន​ជ្រាបថា “​បច្ចុប្បន្ននេះ ស្ថានភាព​សុខភាព​របស់​ឯកឧត្តម​បណ្ឌិតសភា​ចា​រ្យ សុខ អាន មាន​ភាពល្អប្រសើរ និង​មាំទាំ​ជាធម្មតា​ឡើងវិញ​ហើយ បន្ទាប់ពី​បានទទួល​ការព្យាបាល​ប្រកបដោយ​ជោគជ័យ (​ជំងឺ​ក្រួស​ក្នុង​តម្រងនោម​) ដោយ​ក្រុម​វេជ្ជបណ្ឌិត​ជំនាញៗ នៅឯ​ក្រៅប្រទេស​រួចមក​នោះ​”​។​

​សេចក្ដីប្រកាស​ព័ត៌មាន​បាន​ បញ្ជាក់ថា លោក​ឧបនាយករដ្ឋមន្ត្រី សុខ អាន នឹង​វិល​ត្រឡប់មក​មាតុប្រទេស​វិញ នៅក្នុងពេល​ដ៏​ខ្ចី​ខាងមុខនេះ​៕ ដោយ: លីនណា (CEN.COM.KH)

 
Design by Free WordPress Themes | Bloggerized by Lasantha - Premium Blogger Themes | Best Buy Coupons