Tuesday, July 3, 2012

សារធាតុ​គីមី​៨៧​ធុង​ដែល​សង្ស័យ​ថា​សម្រាប់​ផលិត​គ្រឿង​ញៀន​ត្រូវ​រក​ឃើញ​នៅ​ខេត្ត​កំពង់ស្ពឺ


អង្គារ 03 កក្តដា 2012 - 11:02 am

 

មន្រ្តី​កងរាជ​អាវុធ​ហត្ថ​ ខេត្ត​កំពង់ស្ពឺ​បាន​ឲ្យ​ដឹង​ថា សាធាតុ​គីមី​ដែល​សង្ស័យ​ថា​ជា​ធាតុ​ផ្សំ​សម្រាប់​ផលិត​គ្រឿង​ញៀន​ចំនួន​៨៧​ ធុង​ត្រូវ​បាន​គេ​រក​ឃើញ​នៅ​ត្រែង​ត្រយឹង ស្រុក​ភ្នំស្រួច ខេត្ត​កំពង់ស្ពឺ។ ហើយ​ពេល​នេះ​កំពុង​រង់ចាំ​ការ​ត្រួត​ពិនិត្យ​ពី​អាជ្ញាធរ​ជាតិ​ប្រឆាំង​ គ្រឿង​ញៀន។
សារធាតុគីមីសម្រាប់ផលិតគ្រឿងញៀនដែលសមត្ថកិច្ចរកឃើញកន្លងមក
លោក ម៉ែន ស៊ីប៊ន មេ​បញ្ជា​ការ​កងរាជ​អាវុធ​ហត្ថ​ខេត្ត​កំពង់ស្ពឺ​បាន​ឲ្យ​កាសែត​ក្នុង​ស្រុក​ ដឹង​ថា សារធាតុ​ដែល​សង្ស័យ​ពាក់ព័ន្ធ​នឹង​ការ​ផលិត​គ្រឿង​ញៀន ត្រូវ​បាន​រក​ឃើញ​កាល​ពី​រសៀល​ថ្ងៃទី​០២ កក្កដា នៅ​ចំណុច​ដីចិន ក្នុង​ឃុំ​ត្រែង​ត្រយឹង ស្រុក​ភ្នំស្រួច ខេត្ត​កំពង់ស្ពឺ បន្ទាប់​ពី​មាន​សេចក្តី​រាយការណ៍​ពី​ប្រជាពលរដ្ឋ។
នៅ​ពេល​ចុះ​ឆែកឆេរ​សមត្ថកិច្ច​ បាន​រក​ឃើញ​សារធាតុ​គីមី​ចំនួន​៨៧ធុង ក្នុង​នោះ​មាន​ធុង​តូច​ចំនួន​១១ និង​ធុង​ធំ​ចំនួន​៧៦។ ហើយ​ពេល​នេះ​កំពុង​រង់ចាំ​អ្នក​ជំនាញ​ពី​ក្រសួង​មហាផ្ទៃ និង​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញៀន ដើម្បី​ពិសោធន៍​បញ្ជាក់​អំពី​សារធាតុ​គីមី​នេះ។
លោក ម៉ែន ស៊ីប៊ន បញ្ជាក់​ថា ករណី​នេះ​វា​ប្រហាក់​ប្រហែល​ទៅ​នឹង​ករណី​រក​ឃើញ​សារធាតុ​គីមី​ផលិត​គ្រឿង​ ញៀន​កាល​ពី​ឆ្នាំ​២០០០​ នៅ​ស្រុក​ភ្នំស្រួច​នេះ​ដែរ៕អត្ថបទFree press magacine

 
Design by Free WordPress Themes | Bloggerized by Lasantha - Premium Blogger Themes | Best Buy Coupons