(ដោយ៖អ៊ិនសាមិត្តប៉ោយប៉ែត)៖ ទីតាំងថ្លឹងរថយន្តដែលរងនូវការខូចខាតដោយសារតែរថយន្តដឹកទំនិញ ដឹកអេតចាយ បំផ្លាញ កន្លងទៅនោះ ត្រូវបានក្រុមកូរ៉េ កសាងឡើងវិញ ហើយតែនៅមិនទាន់ដំណើរការថ្លឹងរថយន្តនោះទេ គេសុខចិត្តតម្រូវឲ្យម្ចាស់រថយន្តទាំងអស់ ចូលទៅបង់លុយនៅខាងក្រៅជញ្ជីងទៅវិញ។
សូម បញ្ជាក់ផងដែរថា ទីតាំងថ្លឹងទម្ងន់រថយន្តនោះ គឺស្ថិតនៅតាមបណ្ដោយផ្លូវជាតិលេខ៥ ពីបន្ទាយមានជ័យ ទៅប៉ោយប៉ែត ស្ថិតនៅក្នុងភូមិកូនដំរី សងា្កត់និមិត្ត ក្រុងប៉ោយប៉ែត ហើយទីតាំងខាងលើនោះត្រូវបានរថយន្តដឹកអេតចាយបុកបំផ្លាញទាំងស្រុង កាលពីចុងឆ្នាំ២០១១ កន្លងទៅ។ ក្រោយមកក្រុមហ៊ុនអេវិបីបានកសាងរួចរាល់អស់ហើយ កាលពីដើមឆ្នាំ២០១២ នេះដើម្បីសម្រួលដល់ការថ្លឹងរថយន្តដែលដឹកលើសចំណុះ ពីក្រុងប៉ោយប៉ែតទៅភ្នំពេញ ឬនៅតាមបណ្ដោយខេត្តផ្សេងៗទៀត។
គួរ រលឹកដែរថា គេបានសម្គាល់ឃើញម្ចាស់រថយន្តរាប់រយគ្រឿងបាននាំគ្នាឈប់ត្រៀបត្រា រួចយកលុយទៅបង់ជូនមន្ត្រីជំនាញទាំងយប់ទាំងថ្ងៃនៅក្រៅជញ្ជីង ទង្វើទាំងនេះវាមិនខុសពីកុងត្រូលជជុះនោះទេ។ ព្រោះថាមន្ត្រីថ្លឹងទម្ងន់រថយន្តទាំងនោះ គាត់ជាអ្នករៀបចំយកលុយពីតៃកុងរថយន្តទាំងអស់។
មន្ត្រី ថ្លឹងទម្ងន់រថយន្តអះអាងថា ពេលខាងក្រុមហ៊ុនអេវិបីជួសជុលស្ថានីយថ្លឹងរួចស្រាប់តែគ្មាន គ្រឿងសម្ភារៈសម្រាប់ថ្លឹងរថយន្តឡើយ ។ មន្ត្រីដដែលបន្តថា មានជញ្ជីងមួយសម្រាប់ថ្លឹង ប៉ុន្តែឥឡូវខូចអស់ទាំងស្រុងទៅហើយ។
ប្រភពត៌មានបានឲ្យដឺងថា ក្រុមមន្ត្រីជញ្ជីងនៅទីនោះពួកគេបាននិយាយដាក់លក្ខ័ណទៅលើឡានធំៗមិនឲ្យចូលមកនៅ
ពេលថ្ងៃៗទេព្រោះខ្លាចគេឃើញ ចាំយប់ស្ងាត់ទើបឲ្យចូលមក។ពេលថ្ងៃទំនេមន្ត្រីនាំគ្នាលេងល្បែងស៊ីសង។
មតិមហាជនបានរិះគន់ថាជញ្ជីងដាក់ដើម្បីថ្លឺងឡាន ឬដើម្បីថ្លឺងលុយ? ៕
