ក្រុមគ្រូពេទ្យជំនាញ ចិនបានមកដល់ប្រទេសកម្ពុជាហើយកាលពីថ្ងៃទី១២ កក្កដា កន្លងទៅនេះ ដើម្បីជួយខាងបច្ចេកទេសក្នុងការសង្គ្រោះ និងព្យាបាលជំងឺប្រភេទថ្មី ដែលបានសម្លាប់កុមារកម្ពុជាអស់រាប់សិបនាក់នោះ។
តាមការផ្សាយរបស់វិទ្យុចិន អន្តរជាតិជាភាសាខ្មែរ ក្រុមគ្រូពេទ្យចិនទាំងនោះបានជួបជាមួយរដ្ឋមន្រ្តីក្រសួងសុខាភិបាល កម្ពុជា និងស្ថាប័នពាក់ព័ន្ធរួចហើយ ដើម្បីយល់ដឹងពីសភាពការណ៍ ទាក់ទងនឹងជំងឺប្រភេទថ្មី ដែលគេឲ្យឈ្មោះថា Enterovirus 71។
សូមបញ្ជាក់ថា ការមកដល់របស់ក្រុមគ្រូពេទ្យជំនាញប្រទេសចិនទាំងនេះ គឺធ្វើឡើងតាមការសំណូមពររបស់ប្រទេសកម្ពុជា ក្នុងជំនួបមួយរវាងនាយករដ្ឋមន្រ្តីខ្មែរ ហ៊ុន សែន និងរដ្ឋមន្រ្តីការបរទេសចិនកាលពីដើមសប្តាហ៍នេះ៕
កុមារកម្ពុជាយ៉ាងហោចណាស់៦០នាក់ហើយបានស្លាប់ដោយសារជំងឺ ប្រភេទថ្មី Enterovirus 71
សូមបញ្ជាក់ថា ការមកដល់របស់ក្រុមគ្រូពេទ្យជំនាញប្រទេសចិនទាំងនេះ គឺធ្វើឡើងតាមការសំណូមពររបស់ប្រទេសកម្ពុជា ក្នុងជំនួបមួយរវាងនាយករដ្ឋមន្រ្តីខ្មែរ ហ៊ុន សែន និងរដ្ឋមន្រ្តីការបរទេសចិនកាលពីដើមសប្តាហ៍នេះ៕
