លោកស្រី យ៊ីងឡាក់ ស៊ីណាវ៉ាត្រា នាយករដ្ឋមន្រ្តីថៃ និងលោក ហ៊ុន សែន នាយករដ្ឋមន្រ្តីខ្មែរ
សូមបញ្ជាក់ថា កាលពីថ្ងៃម្សិលមិញនេះ រដ្ឋមន្រ្តីការបរទេសកម្ពុជានៅភ្នំពេញ និងរដ្ឋមន្រ្តីក្រសួងការពារជាតិកម្ពុជានៅខេត្តសៀមរាប បានប្រកាសដូចគ្នាថា ប្រទេសកម្ពុជានឹងដកកងទ័ពចំនួន៤៨៥នាក់ចេញពីតំបន់គ្មានកងទ័ព ក្បែរប្រាសាទព្រះវិហារនៅថ្ងៃទី១៨ កក្កដា ខាងមុខ ដើម្បីអនុវត្តទៅតាមសាលដីកាបង្គាប់របស់តុលាការយុត្តិធម៌អន្តរជាតិ ចុះថ្ងៃទី១៨ កក្កដា ឆ្នាំ២០១១នោះ។
ចំពោះការដកកងទ័ពរបស់ប្រទេសកម្ពុជាចេញពីតំបន់ប្រាសាទ ព្រះវិហារនេះ នាយករដ្ឋមន្រ្តីថៃ យ៊ីងឡាក់ ស៊ីណាវ៉ាត្រា បានប្រាប់នាយករដ្ឋមន្រ្តីខ្មែរ ហ៊ុន សែន ឯជំនួបនៅខេត្តសៀមរាបថា ប្រទេសថៃឯកភាពនឹងការដកកងទ័ពនេះ ហើយថា ខ្លួនក៏នឹងដកកងទ័ពចេញពីតំបន់ប្រាសាទព្រះវិហារដែរ ប៉ុន្តែមិនបានប្រកាសថានឹងដកចេញនៅពេលណានោះទេ៕Free press
