ដោយ ៖ ស៊ាង ឡាយ ថ្ងៃទី 13 កក្កដា 2012ម៉ោង 15:57:19
ខេត្ដក្រចេះ ៖ បុរសម្នាក់ត្រូវនគរបាល ស្រុកស្នួលចាប់ឃាត់ខ្លួនកាលពីថ្ងៃទី១៣ ខែកក្កដា ឆ្នាំ២០១២ តាមអំណាចដីកា របស់សាលាដំបូងខេត្ដក្រចេះ បន្ទាប់ពី ធ្វើសកម្មភាពរំលោភកូនស្រីបង្កើតរហូត មានផ្ទៃពោះ៦ខែ ហើយបានរត់គេចខ្លួន អស់រយៈពេល២ឆ្នាំ ។ ជនជាប់ចោទពីបទរំលោភកូនស្រី បង្កើតរហូតដល់មានផ្ទៃពោះ៦ខែខាង លើនេះមានឈ្មោះឌីម ឃីម អាយុ៦០ឆ្នាំ មានទីលំនៅភូមិ-ឃុំឃ្សឹម ស្រុកស្នួល ខេត្ដក្រចេះ មានកូនក្នុងបន្ទុក៨នាក់ ក្នុង នោះស្រី២នាក់ ។ ក្មេងស្រីរងគ្រោះ២នាក់ មានអាយុ២១ឆ្នាំ ជាកូនច្បង ។
លោកប៊ុត ងឿន អធិការរងនគរបាល ស្រុកស្នួលមានប្រសាសន៍ថា ជនជាប់ ចោទខាងលើនេះត្រូវកម្លាំងអធិការដ្ឋាន នគរបាលស្រុកចាប់ខ្លួនតាមអំណាចដីកា លេខ២៣៦ ចេញដោយលោកចៅក្រម ស៊ើបសួរនៃសាលាដំបូងខេត្ដក្រចេះ ជា ភា កាលពីថ្ងៃទី២៧ ខែធ្នូ ឆ្នាំ២០១០ ។
លោកបន្ដថា សកម្មភាពចាប់រំលោភ កូនស្រីបង្កើតរបស់ជនសង្ស័យខាងលើ នេះបានបែកធ្លាយដោយស្ដ្រីជាម្ដាយនិង កូនស្រីបានមកប្ដឹងនគរបាលស្រុក កាល ពីថ្ងៃទី១២ ខែធ្នូ ឆ្នាំ២០០៩ ។ ក្រោយពី ដឹងហេតុការណ៍មិនស្រួល ជនសង្ស័យ បានគេចខ្លួនបាត់ ដែលរហូតមកដល់ ពេលនេះគឺមានរយៈពេលជាង២ឆ្នាំមក ហើយ បន្ទាប់ពីបង្កហេតុហើយត្រូវ កម្លាំងនគរបាលស្រុកតាមចាប់ខ្លួនបាន ទៅតាមអំណាចដីកាតុលាការ ។
ប្រភពព័ត៌មានពីប្រជាពលរដ្ឋដែល រស់នៅជិតជនរងគ្រោះបានឱ្យដឹងថា ឪពុកចិត្ដជាសត្វតិរច្ឆានខាងលើនេះ បាន ចាប់រំលោភកូនស្រីបង្កើតរបស់ខ្លួនជា ច្រើនលើកច្រើនសាបណ្ដាលឱ្យមានផ្ទៃ ពោះ៦ខែទើបដឹងដល់ម្ដាយ ។ បន្ទាប់ពី មានរឿងហេតុ ហើយឪពុករត់គេចខ្លួន បាត់ ស្ដ្រីរងគ្រោះបានសម្រាលបានកូន១ ហើយត្រូវគេសុំយកទៅចិញ្ចឹម ។ បន្ទាប់ ពីចាប់ខ្លួន ជនសង្ស័យរំលោភកូនឯងខាង លើនេះ ត្រូវនគរបាលស្រុកស្នួលបញ្ជូន ទៅស្នងការដ្ឋាននគរបាលខេត្ដដើម្បីចាត់វិធានការតាមផ្លូវច្បាប់បន្ដ ៕
