(ដោយ ៖ គឹម សុខជា ថ្ងៃទី 26 កក្កដា 2012ម៉ោង 15:04:38)
ខេត្ដបាត់ដំបង ៖ មន្ដ្រីនគរបាលស្រុកបវេលបានឃាត់ខ្លួនបុរសម្នាក់ តាមពាក្យបណ្ដឹងរបស់ក្រុមគ្រួសារក្មេងស្រីរងគ្រោះ បន្ទាប់ពីធ្វើសកម្មភាពលួងលោមរំលោភ លើក្មេងស្រីអាយុ១៣ឆ្នាំម្នាក់បានសម្រេច៣ថ្ងៃជាប់ៗគ្នា ។ ហេតុការណ៍ខាងលើនេះ បានកើតឡើងតាំងពីថ្ងៃទី២១-២២-២៣ ខែកក្កដាឆ្នាំ២០១២ នៅភូមិបឹងស្នួល ឃុំអំពិល៥ដើម ស្រុកបវេល ខេត្ដបាត់ដំបង ហើយជនសង្ស័យត្រូវសមត្ថកិច្ចចាប់ឃាត់ខ្លួននៅថ្ងៃទី២៥ខែកក្កដា ឆ្នាំ២០១២ ។លោក ឌី សារ៉េត មន្ដ្រីនគរបាលស្រុកបវេលបានឱ្យដឹងថា ជនសង្ស័យដែលសមត្ថកិច្ចចាប់ខ្លួនឈ្មោះ ឡុក ណាក់ អាយុ៣៦ឆ្នាំ ជាបុរសពោះម៉ាយ ពីមុន រស់នៅខណ្ឌសាលាក្រៅ ខេត្ដប៉ៃលិន មកសុំស្នាក់នៅជាមួយបងប្រុស ។ ចំណែកក្មេងស្រីរងគ្រោះឈ្មោះ ស.ស.ជ អាយុ ១៣ឆ្នាំ រស់នៅភូមិបឹងស្នួល ឃុំអំពិល៥ដើម ស្រុកបវេល ។
លោក ឌី សារ៉េត បន្ដថា បើតាមសំដីក្រុមគ្រួសារក្មេងស្រីរងគ្រោះ គឺនៅវេលាម៉ោង១០យប់ថ្ងៃទី២១ខែកក្កដាឆ្នាំ២០១២ នៅពេលក្មេងស្រីរងគ្រោះដេកក្នុងមុងលើផ្ទះម្នាក់ឯងក្បែរនឹងមុង ជនសង្ស័យ ពេលនោះជនសង្ស័យបានលូនចូលទៅចាប់ខ្ទប់មាត់ លួងលោមរំលោភលើក្មេងស្រីរងគ្រោះសម្រេចម្ដង ។ លុះនៅ វេលាជិតភ្លឺថ្ងៃដដែល ជនសង្ស័យបាន ចូលទៅរំលោភក្មេងស្រីរងគ្រោះបាន សម្រេចម្ដងទៀត ដោយលួងលោមនិង គំរាមហើយមិនឱ្យក្មេងស្រីរងគ្រោះនិយាយប្រាប់ឪពុកម្ដាយនោះទេ ។
ប្រភពដដែលបន្ដថា លុះនៅយប់ថ្ងៃទី២៣ខែឆ្នាំដដែលបុរសរូបនេះនៅពេលត្រឡប់មកពី បាញ់សត្វកណ្ដុរ ក៏ចាប់បីក្មេងស្រីរងគ្រោះយកទៅរំលោភនៅ ក្រោលគោក្រោយផ្ទះបានសម្រេចម្ដងទៀត ។
បន្ទាប់ពីត្រូវជនសង្ស័យរំលោភជា បន្ដបន្ទាប់ រូបនាងក្មេងស្រីរងគ្រោះមាន សភាពេស្លេកស្លាំង ធ្វើឱ្យអ្នកជិតខាង រួមទាំងអាណាព្យាបាលមានការសង្ស័យក៏ ហៅក្មេងស្រីរងគ្រោះមកសួរនាំ ទើបដឹងថា បុរសពោះម៉ាយឈ្មោះ ឡុក ណាក់ ដែលមកសុំស្នាក់នៅជាមួយបងប្រុស បានចាប់រំលោភនាងបានសម្រេចជាបន្ដបន្ទាប់ ។
ជនសង្ស័យ ឡុក ណាក់ បន្ទាប់ពីត្រូវ សមត្ថកិច្ចចាប់ខ្លួន បានសារភាពថា ខ្លួន ពិតជាបានលួងលោមរំលោភក្មេងស្រី រងគ្រោះខាងលើបានសម្រេច៣ថ្ងៃជាប់ៗ គ្នាប្រាកដមេន លុះនៅថ្ងៃទី២៥ខែកក្កដា ឆ្នាំ២០១២ ក៏ត្រូវកម្លាំងសមត្ថកិច្ចចុះ ទៅឃាត់ខ្លួននាំមកអធិការដ្ឋាននគរបាល ស្រុកបវេលតែម្ដង ។
លោក ឌី សារ៉េត បញ្ជាក់ថា ជនសង្ស័យ ឡុក ណាក់ ជាបុរសពោះម៉ាយ ហើយបានមកសុំស្នាក់នៅជាមួយបងប្រុស ចំណែកក្មេងស្រីរងគ្រោះ គឺជាប្អូនថ្លៃរបស់ បងប្រុសជនសង្ស័យ ។
បន្ទាប់ពីសមត្ថកិច្ចចាប់ខ្លួន ខាងក្រុម គ្រួសារជនសង្ស័យ ឡុក ណាក់ បានសម្របសម្រួលជាមួយគ្រួសារក្មេងស្រីរងគ្រោះ ដោយសុំយកគ្នាជាប្ដី-ប្រពន្ធ ប៉ុន្ដែដោយ សារតែក្មេងស្រីរងគ្រោះជាអនីតិជនអាយុ ទើបតែ១៣ឆ្នាំ គឺមិនអាចទៅរួច ។ បន្ទាប់ពីសម្របសម្រួលមិនត្រូវគ្នា ជនសង្ស័យ ក៏ត្រូវកម្លាំងនគរបាលស្រុកបវេលកសាងសំណុំរឿងបញ្ជូនទៅ ស្នងការដ្ឋាននគរបាលខេត្ដ និងបន្ដទៅតុលាការចាត់ការតាមច្បាប់ ចំណែកក្មេងស្រីរងគ្រោះត្រូវបាន អង្គការបន្ទាយស្រីប្រចាំខេត្ដបាត់ដំបង និងមន្ទីរកិច្ចការនារីនាំយកទៅថែរក្សា ៕អត្ថបទនគរវត្ត