- Tuesday, 24 July 2012 09:11
មន្រ្តី ជាន់ខ្ពស់អាជ្ញាធរជាតិប្រយុទ្ធប្រឆាំងគ្រឿងញៀនកម្ពុជានៅ ថ្ងៃ ចន្ទនេះបានថ្លែងថា ប្រទេសកម្ពុជា មានការលំបាកជាខ្លាំង ក្នុងការទប់ ស្កាត់ការធ្វើ ចរាចរណ៍គ្រឿង ញៀនឆ្លងដែន ពីប្រទេសដទៃ ចូលមកកម្ពុជា ជាពិសេសការ ដែល កម្ពុជាគ្មានទោសប្រហារ ជីវិត នាំឱ្យជនសង្គមងងឹតកាន់តែ បានដៃ។
លោកឧបនាយករដ្ឋមន្រ្តី កែ គឹមយ៉ាន ប្រធានអាជ្ញាធរប្រឆាំង គ្រឿងញៀន បានមានប្រសាសន៍ បែបនេះជម្រាបដល់ លោក ឃែរី ឡឺវីស តំណាងការិយាល័យគ្រប់គ្រងគ្រឿងញៀនអង្គការសហប្រជាជាតិប្រចាំតំបន់ អាស៊ីប៉ាស៊ីហ្វិក។
លោកបន្តថា ដោយសារតែភាពធូរលុងនៃច្បាប់កម្ពុជា វាបានធ្វើឱ្យកម្ពុជាក្លាយជាជង្រុក និងជាគោលដៅសម្រាប់ក្រុមឧក្រិដ្ឋជនទាំងនោះព្រោះកម្ពុជាអត់មាន ទោសប្រហារជីវិតដូចជាប្រទេសជិតខាងរបស់ខ្លួនពាក់ព័ន្ធនឹងបញ្ហា គ្រឿងញៀន។
នៅក្នុងតំបន់អាស៊ីមានប្រទេសមួយចំនួនដែលមានការ ដាក់ទោសប្រហារជីវិតចំពោះអ្នកជួញដូរគ្រឿងញៀនក្នុងនោះមានប្រទេស វៀតណាម, ចិន, ឥណ្ឌូណេស៊ី និងសិង្ហបុរី។
នៅក្នុងតំបន់អាស៊ីមានប្រទេសមួយចំនួនដែលមានការ ដាក់ទោសប្រហារជីវិតចំពោះអ្នកជួញដូរគ្រឿងញៀនក្នុងនោះមានប្រទេស វៀតណាម, ចិន, ឥណ្ឌូណេស៊ី និងសិង្ហបុរី។
ការជួញដូរ និងប្រើប្រាស់គ្រឿងញៀនរហូតដល់មានការផលិតគ្រឿងញៀនក្នុងប្រទេស កម្ពុជា ចាប់ផ្តើមកើតមានក្រោយឆ្នាំ១៩៩៣ បន្ទាប់ពីមានការបោះឆ្នោតដែលគំាទ្រដោយអង្គការសហប្រជាជាតិ៕ ប្រភពព័ត៌មានៈ វិទ្យុអូស្រ្តាលី ខេមរភាសា