ស្ត្រីដែលសមត្ថកិច្ចឃាត់ខ្លួនមានឈ្មោះ ងួន ស៊ីណេត មានប្ដីជាគ្រូបង្រៀនអសកម្មឈ្មោះ ក្រូច កែវ ។ តាមប្រភពព័ត៌មានបានខ្សឹបប្រាប់ថា ការឃាត់ខ្លួនស្ត្រីជើងខ្លាំងរូបនោះដោយសារតែរូបគាត់ មានគំនិតអាក្រក់ជំពាក់លុយគេជាងមួយម៉ឺនដុល្លា ពុំព្រមសង ព្រោះអាងខ្នងជាក្មួយឧកញ៉ាម្នាក់ ។
ប្រភពបន្តទៀតថា ក្រោយពេលសមត្ថកិច្ចឃាត់ខ្លួនស្ត្រីខាងលើបញ្ចូលគុកបានមួយយប់ ស្រាប់តែ មានអស់លោកអ្នកធំ និងអ្នកកាសែតបានជួយអន្តរាគមន៍ឲ្យស្ត្រីនោះបាននៅក្រៅឃុំវិញ ។ សូមរំលឹកផងដែរថា ជារៀងរាល់ថ្ងៃស្ត្រីឈ្មោះ ងួន ស៊ីណេត បានធ្វើសកម្មភាពដឹកហ្គាសគេចពន្ធតាមច្រករបៀងបន្តកន្ទុយគ្នា ទាំងយប់ទាំងថ្ងៃ បង្ករសំឡេងរំខានដល់អ្នកជិតខាង និងបង្ករការបំផ្លិចបំផ្លាញផ្លូវប្រជាពលរដ្ឋដែលរស់នៅតាមបន្ទាត់ ព្រំប្រទល់ដែន កម្ពុជា-ថៃ ខូចខាតស្ទើរគ្មានសល់ ព្រោះតែទ្រាំនឹងរថយន្តធុនធ្ងន់ដឹកហ្គាសធុនយីឌុបរបស់ស្ត្រី ខាងលើមិនបាន ខណៈដែលរដូវវស្សាឈានចូលមកដល់ ។
ការរកស៊ីល្មើសច្បាប់របស់ស្ត្រីរូបនេះបណ្ដាលឲ្យបាត់បង់ចំណូល ចូលរដ្ឋរាប់សែនដុល្លាក្នុងមួយខែៗ បែរជាគ្មានសមត្ថកិច្ចណាហ៊ានបង្ក្រាបឡើយ ដោយពួកគេគិតតែអំពីផលប្រយោជន៍ផ្ទាល់ខ្លួនដោយនាំគ្នាទៅដាក់ខែយក លុយពីស្ត្រីនោះគ្រប់គ្នា ។ ម្យ៉ាងវិញទៀត ងួន ស៊ីណេត តែងតែយកច្បាប់របស់លោកធំម្នាក់នៅក្រុងប៉ោយប៉ែតទៅគំរាមគេគំរាមឯង ថាហ្គាសរបស់ខ្លួនមានច្បាប់ ប៉ុន្តែធាតុពិតច្បាប់នោះ គឺសម្រាប់ដឹកជញ្ជូនតាមផ្លូវត្រង់តាមច្រកទ្វារអន្តរជាតិប៉ុណ្ណោះ មិនមែនឲ្យយកច្បាប់នេះទៅចេញហ្គាសតាមច្រករបៀងឡើយ ។
ប្រជាពលរដ្ឋ និងអ្នករកស៊ីមួយចំនួនត្រេកអរស្ទើរគ្រប់គ្នានៅពេលដែលឃើញ សមត្ថកិច្ចឃាត់ខ្លួនស្ត្រីខាងលើ ព្រោះរយៈពេលកន្លងមក ងួន ស៊ីណេត រូបនេះធ្លាប់ស្រែកប្រមាថអ្នកកាសែតយ៉ាងចាស់ដៃដែលសុទ្ធសឹងជាពាក្យ សម្ដី អសីលធម៌បំផុត ហើយថែមទាំងបោកបំផ្លាញកាមេរ៉ាអ្នកកាសែតចោល ទៀតផង ហើយប្រកាសមិនព្រមសង ឥឡូវពិតជាកម្មតាមស្នងមែនប្រព្រឹត្តអំពើអាក្រក់ ឃើញទាន់ហន់នឹងភ្នែកមែន
