ដោយ ៖ ថ្ងៃទី 23 កក្កដា 2012ម៉ោង 12:10:20
ខេត្ដឧត្ដរមានជ័យ ៖ នាព្រឹកថ្ងៃទី២៣ ខែកក្កដា ឆ្នាំ២០១២ នៅទីស្នាក់ការគណបក្សប្រជាជនខេត្ដឧត្ដរមានជ័យ មានប្រារឰកម្មវិធីប្រកួតប្រជែងវាគ្មិនយុវជនគណបក្សប្រជាជនកម្ពុជា ខេត្ដក្រោមអធិបតីភាពនាយឧត្ដមសេនីយ៍ គន់ គីម ប្រធានទីប្រឹក្សាសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា សមាជិកគណៈអចិន្ដ្រៃយ៍ គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានគណៈដឹកនាំគណៈពង្រឹងមូលដ្ឋានខេត្ដឧត្ដរមានជ័យ ។
ពិធីនេះ ក៏មានការចូលរួមពីយុវជនឆ្នើមរបស់គណបក្សប្រជាជនកម្ពុជាខេត្ដឧត្ដរមានជ័យចំនួន៧០នាក់ផងដែរ។
នៅក្នុងឱកាសនោះ លោក គីម រិទ្ធី បានឡើងអានរបាយការណ៍បូកសរុបវគ្គបំពាក់បំប៉នជ្រើសរើសវាគ្មិនយុវជន គណបក្ស និងកម្មវិធីប្រកួតប្រជែងជ្រើសរើសវាគ្មិនយុវជនគណបក្សប្រជាជនកម្ពុជា ខេត្ដឧត្ដរមានជ័យ និងលក្ខខណ្ឌមួយចំនួននៃការប្រកួតយកជ័យលាភីលេខ១ លេខ២ និងលេខ៣ ។
នៅក្នុងឱកាសនោះ លោក គីម រិទ្ធី បានឡើងអានរបាយការណ៍បូកសរុបវគ្គបំពាក់បំប៉នជ្រើសរើសវាគ្មិនយុវជន គណបក្ស និងកម្មវិធីប្រកួតប្រជែងជ្រើសរើសវាគ្មិនយុវជនគណបក្សប្រជាជនកម្ពុជា ខេត្ដឧត្ដរមានជ័យ និងលក្ខខណ្ឌមួយចំនួននៃការប្រកួតយកជ័យលាភីលេខ១ លេខ២ និងលេខ៣ ។
នៅក្នុងជុំទី១ គណៈកម្មការរៀបចំធ្វើការបែងចែកក្រុង-ស្រុកទាំង៥ និងបោះឆ្នោតជ្រើសរើសយកបេក្ខជន២រូបសម្រាប់ចូលរួមប្រកួតប្រជែងក្នុងជុំទី២ (វគ្គផ្ដាច់ព្រ័ត្រ)។
នៅជុំ ទី២ បេក្ខជន៦រូបដែលបានជាប់ឆ្នោតក្នុងជុំទី១ នឹងត្រូវមកប្រកួតជាមួយគ្នា ដោយមាន១ការប្រកួត ។ ជុំនេះខុសពីជុំទី១ ព្រោះការបោះឆ្នោតនឹងប្រព្រឹត្ដទៅក្រោយពេលដែលបេក្ខជនទាំងអស់បាន ធ្វើបទបង្ហាញចំនួន៣នាទី ក្នុងម្នាក់ៗ បន្ទាប់មកអង្គបោះឆ្នោត ត្រូវបោះឆ្នោតឱ្យបេក្ខជនដែលល្អជាងគេចំនួន៣រូប ក្នុងចំណោម៦រូប ដោយគូសលេខ១ លេខ២ និងលេខ៣ អនុវត្ដតាមប្រព័ន្ធលេខរៀងបេក្ខជន ។ រីឯលទ្ធផលនៃការប្រកួតប្រជែងនេះ នឹងដឹងនៅរេសៀលថ្ងៃទី២៣ ខែកក្កដា ឆ្នាំ២០១២នេះ ។
នៅ ក្នុងឱកាសនោះដែរ នាយឧត្ដមសេនីយ៍ គន់ គីម បានឧបត្ថម្ភដល់យុវជនទាំង៧០នាក់ ក្នុងម្នាក់ៗទទួលបានថវិកា ២ម៉ិឺនរៀល ដែលថវិកានេះ ជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និងលោកជំទាវកិត្ដិព្រឹទ្ធបណ្ឌិត ប៊ុនរ៉ានី ហ៊ុនសែន ៕