- Thursday, 12 July 2012 02:45
ស្ទឹងត្រែង: កងកំលាំងរាជអាវុធហត្ថ ខេត្តស្ទឹង ត្រែង បានធ្វើការឃាត់ខ្លួនមន្ត្រីរដ្ឋាភិបាលចំនួន ៥នាក់ ដែលបំរើការ ក្នុងទីស្តីការគណរដ្ឋមន្ត្រីនិងក្រសួងការ ពារជាតិ បន្ទាប់ពីមានទំនាស់ដីធ្លីជាមួយក្រុមនិស្សិត ស័្មគ្រចិត្ត ដែលចុះទៅវាស់វែងដី ដើម្បីចែកអោយ ពលរដ្ឋដែលមានទំនាស់ដីធ្លី ជាមួយក្រុមហ៊ុនទទួល បានសមប្បទានសេដ្ឋកិច្ច នៅក្នុងចំណុចដុងក្រឡ សង្កាត់សាមគ្គី ក្រុងស្ទឹងត្រែង។លោកឳ បូរិន មេបញ្ជាការកងរាជអាវុធហត្ថខេត្ត បានបដិសេធមិនធ្វើការអត្ថាធិប្បាយ ទេទាក់ទិនទៅ និងករណីឃាត់ខ្លួនមនុស្សចំនួន១៣នាក់នោះ។ ប៉ុន្តែលោកមេបញ្ជាការកងរាជអាវុធហត្ថខេត្តស្ទឹងត្រែងដែល បានបដិសេធពុំព្រមផ្តល់ឈ្មោះបានអោយដឹងថា កាលពីព្រលប់ថ្ងៃទី១០ ខែកក្តដា កងកំលាំងរាជអាវុធហត្ថខេត្តស្ទឹងត្រែងបានធ្វើការឃាត់ខ្លូន មនុស្សចំនួន៥ នាក់ដែលពួកគេធ្វើការនៅក្នុងនៅក្រសួងការពារជាតិនិងទីស្តី ការគណៈរដ្ឋមន្ត្រី ហើយខ្លះមានឋានៈជាមេធាវីរបស់រដ្ឋាភិបាលទៀត។ ហើយបច្ចុប្បន្ននេះសមត្ថកិច្ចរបស់លោកកំពុងធ្វើការស្រាវជ្រាវ បន្ថែមទៀតទាក់ទិនទៅនឹងករណីជម្លោះនោះ។ ដោយៈ ម៉ៃ ទិត្យថារ៉ា (ភ្នំពេញប៉ុស្តិ៍)
