Jul-13-2012
គ្រោះថ្នាក់ចរាចរណ៍មួយបានកើតឡើងរវាងម៉ូតូស៊េរីឆ្នាំ២០០៤ បុកជាមួយរ៉ឺម៉កម៉ូតូក្នុងទិសដៅច្រាសគ្នារួចមក។ហេតុការណ៍នេះបានកើតឡើងកាលពីវេលាម៉ោង ១៧យប់ថ្ងៃទី ១២ កក្កដា ឆ្នាំ២០១២ នៅលើកំណាត់ផ្លូវលេខ១៣២
ចន្លោះគីឡូម៉ែត្រលេខ១២-១៣ ចំណុចភូមិស្វាយ ឃុំត្រពាំងចំលង ស្រុកត្រាំកក់។
លោក ធី វណ្ណា អធិការរងទទួលបន្ទុកចរាចរផ្លូវគោក បានប្រាប់ឲ្យដឹងថា ភាគីអ្នកជិះម៉ូតូស៊េរី២០០៤ ដែលស្លាប់នៅ
កន្លែងកើតហេតុ និងរងរបួសក្នុងករណីគ្រោះថ្នាក់ចរាចរណ៍នោះមាន ទី១ឈ្មោះ ឡេន សំណាង ភេទប្រុស អាយុ
២៥ឆ្នាំ ជាអ្នកបើកបរ(ស្លាប់ រស់នៅភូមិត្រពាំងខ្ចៅ ឃុំអូសារាយ ស្រកត្រាំកក់ ខេត្តតាកែវ។ ទី២ឈ្មោះ ឡេន នួន
ភេទប្រុស អាយុ ២៦ឆ្នាំ ស្លាប់ រស់នៅភូមិបឹងសាទង ឃុំអូសារាយ ស្រុកត្រាំកក់ ខេត្តតាកែវ។ ទី៣ឈ្មោះ ឡាច ចាន់ធី
ភេទប្រុស អាយុ ៣០ឆ្នាំ ស្លាប់ រស់នៅភូមិត្រពាំងខ្ចៅ ឃុំអូសារាយ ស្រុកត្រាំកក់ ខេត្តតាកែវ។ ទី៤ឈ្មោះ នេ ហ៊ីម
ភេទប្រុស អាយុ ២៥ឆ្នាំ រងរបួសធ្ងន់ រស់នៅភូមិបឹងសាទង ឃុំអូសារាយ ស្រុកត្រាំកក់ ខេត្តតាកែវ។
ចំណែកភាគីខាងម៉ូតូរ៉ឺម៉កមាន ទី១ឈ្មោះ ស៊ីម សារុំ ភេទប្រុស អាយុ ២១ឆ្នាំ ជាបើកបររ៉ឺម៉ក បានស្លាប់បន្ទាប់ពីដឹកទៅ
សង្គ្រោះនៅមន្ទីរពេទ្យ ហើយមានរស់នៅភូមិពោធិ៍ដុះ ឃុំត្រពាំងធំខាងជើង ស្រុកត្រាំកក់ ខេត្តតាកែវ។ ទី២ឈ្មោះ
ទៀង តុលា ភេទប្រុស អាយុ ២២ឆ្នាំ រងរបួសធ្ងន់មានទីលំនៅភូមិ-ឃុំជាមួយគ្នាខាងលើ។
តាមប្រភពពីអ្នកឃើញហេតុការណ៍បានឲ្យដឹងថា មុនពេលកើតហេតុ គេឃើញម៉ូតូ ស៊េរី២០០៤ បិតតែមឡើង២០១២
ជិះគ្នា ៤នាក់ក្នុងស្ថានភាពស្រវឹង ធ្វើដំណើរពីទិសខាងលិចទៅកើតក្នុងល្បឿនលឿន។ លុះដល់ចំណុចកើតហេតុ
ម៉ូតូនោះក៏បានបោលបុកម៉ូតូរ៉ឺម៉កដែលជិះគ្នា ២នាក់ក្នុងទិសដៅច្រាសគ្នាយ៉ាងពេញទំហឹងលាន់ឮដូចរន្ទះ បណ្ដាលឲ្យ
ភាគីម៉ូតូរ៉ឺម៉កស្លាប់ម្នាក់ របួសធ្ងន់ម្នាក់ រីឯភាគីម៉ូតូ៤ ស្លាប់៣នាក់ របួសធ្ងន់ម្នាក់។
ក្រោយពេលកើតហេតុ មធ្យោបាយទាំង២ត្រូវបានសមត្ថកិច្ចជំនាញស្រុកត្រាំកក់អូសយកទៅរក្សាទុក៕cam111
