សេដ្ឋកិច្ច និងហិរញ្ញវត្ថុបានដឹកនាំគណៈប្រតិភូក្រសួងសេដ្ឋកិច្ច និងហិរញ្ញវត្ថុ ដើម្បី
ចូលរួមចរចា និងចុះហត្ថលេខា លើកិច្ចព្រមព្រៀង ហិរញ្ញប្បទានសហប្រតិបត្តិការ ជាមួយមូលនិធិអន្តរជាតិ
សម្រាប់អភិវឌ្ឍន៍កសិកម្ម ( International Fund for Agricultural Development - IFAD ) សម្រាប់គម្រោង
អភិវឌ្ឍន៍កសិកម្មនិងជំរុញកំណើនសេដ្ឋកិច្ចនៅទីស្នាក់ការកណ្តាលរបស់IFADនាទីក្រុងរ៉ូមប្រទេសអ៊ីតាលីចាប់
ពីថ្ងៃទី០៤ ដល់ថ្ងៃ ទី៩ ខែមិថុនា ឆ្នាំ២០១២ ។
កិច្ចព្រមព្រៀងហិរញ្ញប្បទានសហប្រតិបត្តិការខាងលើត្រូវបានចុះហត្ថលេខានៅថ្ងៃទី០៨ ខែមិថុនាឆ្នាំ២០១២
រវាងឯកឧត្តមបណ្ឌិតអូន ព័ន្ធមុនីរ័ត្ន រដ្ឋមន្រ្តីប្រតិភូអមនាយករដ្ឋមន្រ្តីនិងជារដ្ឋលេខាធិការក្រសួងសេដ្ឋកិច្ចនិង
ហិរញ្ញវត្ថុ ជាមួយឯកឧត្តម កាណាយូ អេស្វ ណ្វាន់ហ្សេ (Kanayo F. Nwanze) ប្រធាន IFAD លើកិច្ចព្រមព្រៀង
ដែលមានហិរញ្ញប្បទានសរុបចំនួន៣៥លានដុល្លារអាមេរិក(៥០% ជាហិរញ្ញប្បទានឥណទាននិង៥០%ជាហិ
រញ្ញប្បទានឥតសំណង)លើហិរញ្ញប្បទានគម្រោងសរុបចំនួន៤៣,២លានដុល្លារអាមេរិកក្នុងចំណោមហិរញ្ញប្ប
ទានសរុបខាងលើដៃគូសហហិរញ្ញប្បទានអនុវត្តគម្រោងបានចូលរួមផ្តល់ហិរញ្ញប្បទានឥតសំណង់ចំនួន១,៤
លានដុល្លារអាមេរិកក្នុងនោះមាន ៖
១. អង្គការស្បៀង និងកសិកម្មនៃអង្គការសហប្រជាជាតិ (Food and Agriculture Organization – FAO) មាន
ចំនួន ០,៣លានដុល្លារអាមេរិក
២. អង្គការអភិវឌ្ឍន៍ប្រទេសហូឡង់ (Netherlads Development Organization – SNV) មានចំនួន ០,៧លាន
ដុល្លារអាមេរិក និង៣. សហគ្រាសអភិវឌ្ឍន៍អន្តរជាតិ (Intermational Development Enterprises –IDE)មាន
ចំនួន០,៤លានដុល្លារអាមេរិក។ក្រៅពីនេះក៏មានការចូលរួមហិរញ្ញប្បទានពីសហគមន៍អ្នកទទួលផលនៃគោល
ដៅគម្រោងមានចំនួន២,១លានដុល្លារអាមេរិក និងហិរញ្ញប្បទានថវិកាបដិភាគរបស់រាជរដ្ឋាភិបាលចំនួន៤,៧
លានដុល្លារអាមេរិក (រួមទាំងកាតព្វកិច្ចពន្ធចំនួន២,៣លានដុល្លារអាមេរិក)ផងដែរ ។
គម្រោងខាងលើនឹងចូលរួមលើកកម្ពស់ជីវភាពរស់នៅរបស់ប្រជាកសិករក្រីក្រ ប្រមាណជា ៤៧០.០០០គ្រួសារ
ក្នុងតំបន់គោលដៅ អនុវត្តគម្រោងសរុបចំនួន២៤៦ឃុំ ស្ថិតក្នុងស្រុកចំនួន៣៣ នៃខេត្តគោលដៅ ចំនួន៥គឺ
កណ្តាល កំពត ព្រៃវែង ស្វាយរៀង និងតាកែវ និងមានរយៈពេលអនុវត្តចំនួន៦ឆ្នាំ ដោយចាប់ផ្តើម ពីខែកក្កដា
ឆ្នាំ២០១២ រហូតដល់បំណាច់ឆ្នាំ២០១៨ ។
ក្រសួងកសិកម្ម រុក្ខាប្រមាញ់និងនេសាទជាភ្នាក់ងារដឹកនាំ និងអនុវត្តគម្រោង និងមានការចូលរួម អនុវត្ត ពី
ក្រសួងកិច្ចការនារី គណៈកម្មាធិការជាតិសម្រាប់ការអភិវឌ្ឍតាមបែបប្រជាធិប្បតេយ្យនៅថ្នាក់ក្រោមជាតិរដ្ឋ
បាលខេត្តគោលដៅ រដ្ឋបាលស្រុកគោលដៅ ក្រុមប្រឹក្សាឃុំគោលដៅ និងដៃគូសហហិរញ្ញប្បទានអនុវត្ត
គម្រោងចំនួន៣ទៀតគឺFAO,SNV និងIDE ៕
(អត្ថបទដកស្រង់ចេញពីAKP)(everyday)