និងជាប្រធានអាជ្ញាធរជាតិព្រះវិហារ បានដឹកនាំប្រតិភូអង្គការយូណេស្កូ មួយក្រុម
ទៅធ្វើទស្សនកិច្ចនៅរមណីយដ្ឋានវប្បធម៌ប្រាសាទព្រះវិហារតាមឧទ្ធម្ភាគចក្ររបស់លោក TESANE DE
CARO ជនជាតិអ៊ីតាលីជាអគ្គនាយកមជ្ឈមណ្ឌលសិក្សាដើម្បីថែរក្សានិងអភិរក្សសម្បត្តិវប្បធម៌អន្តរជាតិ
(ICCROM)នៃអង្គការយូណេស្កូ។អមដំណើរប្រតិភូនេះដែរមានលោកសួស យ៉ារ៉ា អនុរដ្ឋលេខាធិការទីស្តី
ការគណៈរដ្ឋមន្ត្រី និងជាអនុប្រធានអចិន្ត្រៃយ៍ ក្រុមការងារថ្នាក់ជាតិ តំបន់ប្រាសាទព្រះវិហារ ។
លោក TESANE DECARO អគ្គនាយកមជ្ឈមណ្ឌលសិក្សាដើម្បីថែរក្សានិងអភិរក្សសម្បត្តិវប្បធម៌អន្តរជាតិ
(ICCROM) នៅពេលអញ្ជើញទៅដល់តំបន់ប្រាសាទព្រះវិហារបានចូលជួបមន្ត្រីអ្នកមុខអ្នកការនៃអាជ្ញាធរ
ជាតិព្រះវិហារ និងមន្ត្រីក្នុងក្រុមការងារថ្នាក់ជាតិតំបន់ប្រាសាទព្រះវិហារ ធ្វើបដិសណ្ឋារកិច្ចដើម្បីស្វែងយល់
អំពីរមណីយដ្ឋានប្រាសាទព្រះវិហារ នៅក្នុងនាយកដ្ឋាននៃអាជ្ញាធរជាតិព្រះវិហារចំណុចទួល៩៥ ។
លោកសួស យ៉ារ៉ា អនុប្រធានអចិន្ត្រៃយ៍ក្រុមការងារថ្នាក់ជាតិ តំបន់ប្រាសាទព្រះវិហារក៏បានសម្តែងការស្វា
គមន៍និងបានរៀបរាប់អំពីប្រវត្តិ និងបង្ហាញអំពីផែនទីនៃប្រាសាទព្រះវិហារ ដែលជាមរតកដូនតាខ្មែរស្ថិតនៅ
លើភ្នំដងរែកក្នុងអធិបតេយ្យភាពរបស់កម្ពុជា។បន្ទាប់ពីស្តាប់ការធ្វើអត្ថាធិប្បាយរបស់លោកសួសយ៉ារ៉ារួចមក
លោករដ្ឋលេខាធិការ ជុច ភឿន ប្រធានអាជ្ញាធរជាតិព្រះវិហារ ក៏បានដឹកនាំប្រតិភូឡើងទៅទស្សនាប្រាង្គ
ប្រាសាទព្រះវិហារនៅលើកំពូលភ្នំដងរែកអស់រយៈពេលប្រមាណ២ម៉ោងចាប់ពីម៉ោង១០ព្រឹករហូតដល់ម៉ោង
១២ថ្ងៃត្រង់ ។
តំណាងអង្គការយូណេស្កូ ជាអគ្គនាយកមជ្ឈមណ្ឌលសិក្សាដើម្បីថែរក្សា និងអភិរក្សសម្បត្តិវប្បធម៌អន្តរជាតិ
លោក TESANE DECARO ក៏បានថ្លែងនូវការស្ងើចសរសើរដល់ក្បូរក្បាច់រចនាដ៏ស្រស់ស្អាតដែលបន្សល់
ទុកពីស្នាដៃនៃស្ថាបត្យកម្មខ្មែរនាសម័យដើមដែលបានលើកផ្ទាំងថ្មទៅសង់ប្រាសាទដ៏ស្កឹមស្កៃនៅលើកំពូល
ភ្នំដងរែក ។ លោកបានថ្លែងថា ប្រាសាទនេះពិតណាស់ជាវប្បធម៌របស់ខ្មែរ ហើយការធ្វើទស្សនកិច្ចរបស់
លោកនេះធ្វើឡើងក្នុងគោលបំណងពីរគឺ ទី១-ស្វែងយល់ អំពីរមណីយដ្ឋានវប្បធម៌ប្រាសាទព្រះវិហារ ទី២-
ស្វែងយល់អំពីសម្បត្តិវប្បធម៌ដែលជាបេតិកភណ្ឌពិភពលោក និងធ្វើការអភិវឌ្ឍទៅតាមផែនការមេ ។
ការធ្វើទស្សនកិច្ចសិក្សាស្វែងយល់អំពីសម្បត្តិវប្បធម៌របស់ខ្មែរដោយតំណាងអង្គការយូណេស្កូចំពេលដែល
ស្ថានការណ៍យោធានៅតំបន់ប្រាសាទព្រះវិហារបានស្ងប់ស្ងាត់គ្មានការប្រឈមមុខខាងយោធាទេ តែអ្វីដែល
តុលាការឡាអេ ចេញដីកាបង្គាប់ឱ្យមានតំបន់គ្មានកងទ័ពនោះមិនទាន់ត្រូវបានអនុវត្តនៅឡើយទេ មុនពេល
ដែលតុលាការអន្តរជាតិនេះ ប្រកាសបកស្រាយសាលដីកាឆ្នាំ១៩៦២ស្តីពីប្រាសាទព្រះវិហារ ៕
អត្ថបទដកស្រង់ពីកាសែតកោះសន្តិភាព