សម្តេចហ៊ុន សែន
តបទៅនឹងអ្វីដែល«អ្នកទោសនិរទេសខ្លួនម្នាក់»បាននិយាយថាគេមិនចាំបាច់ចរចា
ជាមួយហ៊ុន សែន ទេព្រោះវាគ្រាន់តែជាអាយ៉ងគេទេ គេត្រូវការចរចាជាមួយវៀត
ណាមដែលអាចបញ្ជារដ្ឋាភិបាលហ៊ុនសែនបាន ដែលសម្តីនេះជាពាក្យពេចន៍របស់ខៀវសំផន កាលពីអតីត
កាលនោះ ។
ថ្វីត្បិតតែមិនបានបញ្ចេញអត្តសញ្ញាណក្តីក៏ « អ្នកទោសនិរទេសខ្លួនម្នាក់ » ដែលស្ថិតនៅក្នុង សង្កថារបស់
សម្តេចតេជោនាយករដ្ឋមន្ត្រីនោះ គឺបានសំដៅទៅលើរូបលោកសម រង្ស៊ី ប្រធានគណបក្ស សម រង្ស៊ី ដែល
បានផ្តល់បទសំភាសន៍ដល់វិទ្យុមួយកាលពីពេលថ្មីៗនោះឯង ។
សម្តេចនាយករដថ្ឋមន្ត្រីដែលបានឆែកព័ត៌មានតាមប្រព័ន្ធអេឡិចត្រូនិកក្នុងខណៈដែលលោកបានធ្វើដំណើរ
តាមរថយន្តក្នុងទស្សនកិច្ចការងាររយៈពេល២ថ្ងៃទៅកាន់ខេត្តបន្ទាយមានជ័យដើម្បីបើកការដ្ឋានសាងសង់
ផ្លូវលេខ៥៦ កាលពីថ្ងៃទី ៧ មិថុនានោះ បានមានប្រសាសន៍ថា«អរគុណសូម លោកឯងថតសម្លេងខ្លួនឯង
ហើយកត់ត្រាទុកខ្លួនឯង។សូមអញ្ជើញលោកទៅចរចាជាមួយវៀត ណាម ឬអ្នកណាដែលមានឥទ្ធិពលលើ
វៀតណាមដើម្បីសង្កត់វៀតណាម » ។ សម្តេចតេជោមានប្រសាសន៍ថា « ខ្ញុំនៅចាំបាន នេះជាសម្តីរបស់
ខៀវ សំផន ដែលប្រើប្រាស់នៅពេលដែលខ្ញុំឈានជើងជិតចរចា ជាមួយសម្តេចព្រះនរោត្តម សីហនុ ។
ខៀវ សំផន ក៏បាននិយាយដូចគ្នាថា « មិនត្រូវចរចាជា មួយពួកអាយ៉ងភ្នំពេញទេត្រូវចរចាជាមួយក្រុងហា
ណូយ»វិញ ។
ដោយបញ្ឈឺទៅដល់មេបក្សប្រឆាំងកំពុងតែរត់គេច ពីការជាប់ព័ន្ធនាគារនៅកម្ពុជានោះ សម្តេចហ៊ុន សែន
មានប្រសាសន៍ថា « ខ្ញុំអរគុណ ព្រោះខ្ញុំក៏មិនចង់ឲ្យអ្នកទោសម្នាក់មករំខានខ្ញុំទេ ។ ប៉ុន្តែសូមកត់ទុកទៅតិច
លោថ្ងៃក្រោយសរសេរសំបុត្រ ឬឲ្យភ្នាក់ងារមកចរចាសម្របសម្រួលជាមួយខ្ញុំ អត់ទេ ព្រោះខ្ញុំជាអាយ៉ងខ្ញុំ
គ្មានសិទ្ធិទេ » ។ សម្តេចតេជោមានប្រសាសន៍ថា នៅលើលោកនេះអ្នកដែល មានសិទ្ធិត្រួតត្រា ហ៊ុន សែន
បានគឺមានតែប្រជាពលរដ្ឋតែប៉ុណ្ណោះ។សម្លេងភាគច្រើននៃប្រជាពលរដ្ឋខ្មែរទើបមានសិទ្ធិត្រួតត្រាហ៊ុនសែន
ព្រោះបើប្រជាពលរដ្ឋបោះឆ្នោតទម្លាក់គណបក្សប្រជាជនកម្ពុជាបោះឆ្នោតទម្លាក់ ហ៊ុន សែន ហើយខ្ញុំត្រូវតែ
គោរពមានន័យថាអ្នកដែលខ្ញុំគោរពកោតខ្លាចបំផុតគឺ ប្រជាជន ចំណែកមនុស្ស ៣ ប្រភេទទៀតដែលខ្ញុំខ្លាច
និងចុះញ៉មនោះគឺទី១ឳពុករបស់ខ្ញុំ ដែលកំពុងតែមានជំងឺ ទី២ភរិយារបស់ខ្ញុំ និងទី៣គឺចៅរបស់ខ្ញុំ ៕
អត្ថបទដកស្រង់ពីកាសែតកម្ពុជាថ្មី
