ការអូសរទេះដឹកទំនិញឆ្លងកាត់ព្រំដែនកម្ពុជា-ថៃ ច្រកអន្តរជាតិប៉ោយប៉ែតដែលភាគច្រើនជាពលរដ្ឋកម្ពុជានោះ នឹងត្រូវបញ្ឈប់លែងឲ្យមាននៅចុងឆ្នាំ២០១៣ខាងមុខ។ នេះបើតាមការអះអាងរបស់លោក អ៊ុង អឿន អភិបាលខេត្តបន្ទាយមានជ័យ។
របរអូសរទេះឆ្លងកាត់ព្រំដែននៅច្រកប៉ោយប៉ែត
បុរសជាកម្មករអូសរទេះម្នាក់នៅច្រកអន្តរជាតិប៉ោយប៉ែតបានសម្តែង ការព្រួយបារម្ភថា នៅពេលដែលគេបិទមិនឲ្យអូសរទេះនៅច្រកអន្តរជាតិនេះ លោកអាចនឹងទទួលបានប្រាក់កម្រៃប្រចាំថ្ងៃទាប ប៉ុន្តែលោកនឹងធ្វើតាមការបញ្ជារបស់អាជ្ញាធរ។
ប៉ុន្តែទោះជាយ៉ាងណាក៏ដោយ បើតាមលោក អ៊ុង អឿន រទេះអូសអីវ៉ាន់នៅច្រកប៉ោយប៉ែត កាលពីមុនមានជិត១០០០ តែឥឡូវនេះសល់តែជាង២០០ប៉ុណ្ណោះ។ នោះគឺដោយសារតែមានការកើនឡើងរថយន្តដឹកទំនិញឆ្លងកាត់ព្រំដែន ច្រើនជាងមុន៕ព័ត៌មានសេរី
