កាល ពីថ្ងៃម្សិលមិញលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បានបញ្ជាក់ថា លោកបានបញ្ជូនលិខិតទៅខាងតុលាការក្រុងភ្នំពេញហើយចំពោះសំណុំរឿង អ្នកបឹងកក់ ព្រោះរឿងនោះជារឿងរបស់តុលាការទេ។ ជាមួយគ្នានេះ សហរដ្ឋអាមេរិកក៏បានសម្តែងការព្រួយបារម្ភផងដែរចំពោះចំណាត់ការ របស់តុលាការក្រុងភ្នំពេញ ដែលបានកាត់ក្តីឲ្យតំណាងពលរដ្ឋបឹងកក់ចំនួន ១៣នាក់ជាប់ពន្ធនាគាររហូតដល់២ឆ្នាំកន្លះ។ ទាក់ទងបញ្ហានេះដែរ លោក ជាម យៀប មន្ត្រីជាន់ខ្ពស់គណបក្សប្រជាជនកម្ពុជា និងជាប្រធានគណៈកម្មការសេដ្ឋកិច្ច ធនាគារ និងសវនកម្មរបស់រដ្ឋសភា កាលពីថ្ងៃទី៧ ខែមិថុនា ក៏បានស្នើឲ្យតុលាការពិនិត្យសំណុំរឿងកាត់ទោសអ្នកភូមិបឹងកក់សារ ជាថ្មី ព្រោះលោកយល់ថា សវនាការនេះមានប្រតិកម្មច្រើនពីសង្គមស៊ីវិល និងពលរដ្ឋជាបន្តបន្ទាប់។សូមស្តាប់កិច្ចសន្ទនានយោបាយ រវាងលោក យូ សារ៉ាវុឌ្ឍ តំណាងវិទ្យុសំឡេងខ្មែរដើម្បីសេរីភាព ជាមួយលោក យៀម យៀប ពាក់ព័ន្ធនឹងបញ្ហានេះដូចតទៅ ៖
