ទំនិញខូចគុណភាព
មន្ត្រីជំនាញពាក់ព័ន្ធបានរឹបអូសទំនិញម្ហូបអាហារខូចគុណភាពនាំចូលពីប្រទេសថៃ។
ទំនិញទាំងអស់ត្រូវបានអាជ្ញាធរយកទៅដុតបំផ្លាញចោល នៅវេលាថ្ងៃត្រង់ ថ្ងៃទី១៣
ខែមិថុនា ឆ្នាំ២០១២ ។
លោកទេព ស៊ីណាត អនុប្រធានសាខាកាំកុងត្រូលខេត្តបន្ទាយមានជ័យបានឲ្យដឹងថាទំនិញទាំងអស់នោះមាន
ចំនួន៦មុខ មានទម្ងន់១.៨៣០គីឡូក្រាម ដែលរួមមាន សាច់មាន់, គ្រឿងត្រាំចម្រុះ ដូចជា ម្រេចត្រាំ ស្វាយត្រាំ
ត្រពាំងបាយជូត្រាំជាដើម, កម្ទេចមីឆ្អិនស្រាប់, កម្ទេចនំចំនួន ៥ ការុង, នំផ្អែម, ដំណាប់កន្ទួត និងកម្ទេចយីហ៊ឺ។
លោក អ៊ុត សុភាព ប្រធានសាខាកាំកុងត្រូលខេត្តបន្ទាយមានជ័យ បានប្រាប់ថា “ទំនិញខូចគុណភាពទាំងអស់
លួចនាំចូលដោយលាក់ក្នុងទំនិញអូសរទេះរបស់ពួកកម្មករ។ កម្មករ និងម្ចាស់ទំនិញបានឃុបឃិតគ្នាក្នុងការនាំ
ចូលទំនិញ។ បើសិនជាចាប់មិនបានទេ វានឹងទៅដល់ដៃ ដល់មាត់អ្នកហូប ធ្វើឲ្យគ្រោះថ្នាក់” ៕
