ថ្ងៃទី 7 មិថុនា 2012
ដោយ: លីនណា
CEN
ភ្នំពេញ: លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ នៅថ្ងៃទី៧ ខែមិថុនា ឆ្នាំ២០១២ បានទូលថ្វាយសារលិខិតដល់ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងជាប្រធានឧត្តមក្រុមប្រឹក្សា នៃអង្គចៅក្រម ស្នើសុំព្រះរាជអន្តរាគមន៍ ដោះលែងតំណាងអ្នកបឹងកក់ទាំង១៥នាក់ និងដាក់វិន័យចៅក្រម និងព្រះរាជអាជ្ញា។
លិខិតលោក រ៉ុង ឈុន ទូលថ្វាយព្រះមហាក្សត្រ បានលើកឡើងថា ប្រជាពលរដ្ឋរស់នៅក្នុងតំបន់បឹងកក់ទាំង៧ភូមិ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ មានចំនួនជិត៨០០គ្រួសារ បានទទួលរងការរំលោភយ៉ាងធ្ងន់ធ្ងរពីក្រុមហ៊ុនស៊ូកាកូអ៊ីន បូមខ្សាច់ពន្លិច និងវាយផ្ទះសម្បែងរបស់ពួកគាត់ ក្រោមគោលនយោបាយអភិវឌ្ឍន៍ របស់រាជរដ្ឋាភិបាលកម្ពុជាដោយគ្មានដោះស្រាយ និងផ្ដល់សំណងជូនពួកគាត់សមរម្យឡើយ។
លោក រ៉ុង ឈុន បន្តថា ចំពោះការបាត់បង់ផ្ទះ និងដីធ្លីនេះ ប្រជាពលរដ្ឋបឹងកក់បានធ្វើការទាមទារ ម្ដងហើយម្ដងទៀតអស់រយៈពេលជាច្រើនឆ្នាំ ដើម្បីស្វែងរកដំណោះស្រាយ និងយុត្តិធម៌សម្រាប់ពួកគាត់ ប៉ុន្តែការប្រើប្រាស់សិទ្ធិស្របច្បាប់ របស់ពួកគាត់ត្រូវបានអាជ្ញាធរក្រុងភ្នំពេញសហការណ៍ជាមួយក្រុមហ៊ុន បង្គ្រាបដោយហិង្សាមកលើប្រជាពលរដ្ឋបឹងកក់។
លោក រ៉ុង ឈុន បានបញ្ជាក់ថា “នៅថ្ងៃទី២២ ខែឧសភា ឆ្នាំ២០១២ អាជ្ញាធរក្រុងភ្នំពេញ ចាប់តំណាងអ្នកបឹងកក់ចំនួន១៣នាក់ ខណៈពួកគាត់កំពុងធ្វើសន្និសីទកាសែត ស្ដីពីការសាងសង់ផ្ទះមានចំនួន១៨គ្រួសារឡើងវិញ ដោយគ្មានដីកាពីតុលាការ ជាការរំលោភច្បាប់ និងសិទ្ធិមនុស្ស។ នៅថ្ងៃទី២៤ ខែឧសភា ឆ្នាំ២០១២ តុលាការសាលាដំបូងរាជធានីភ្នំពេញ បានបើកសវនាការយ៉ាងតក់ក្រហល់ ដោយកាត់សេចក្ដីដាក់ទោសតំណាងពលរដ្ឋទាំង១៣នាក់ រងគ្រោះដោយសារការរំលោភដីធ្លី ហើយរងគ្រោះថែមមួយទៀត ឱ្យជាប់គុកមានរយៈពេល២ឆ្នាំ និង៦ខែ ប៉ុន្តែការអនុវត្តពេល១ឆ្នាំ មាន១នាក់ ២ឆ្នាំមាន៥នាក់ និង២ឆ្នាំ ៦ខែមាន៧នាក់ ដោយការកាត់សេចក្ដីរបស់តុលាការក្រុងភ្នំពេញ គឺជារឿងអយុត្តិធម៌សម្រាប់ប្រជាពលរដ្ឋរងគ្រោះ”។
លោក រ៉ុង ឈុន បានបញ្ជាក់ទៀតថា “ប្រព័ន្ធតុលាការ មិនបានអនុត្តន៍អំណាចខ្លួនឱ្យស្របតាមមាត្រា១២៨ថ្មី នៃរដ្ឋធម្មនុញ្ញដែលចែងថា អំណាចតុលាការជាអំណាចឯករាជ្យ និងត្រូវធានារក្សាអនាគត និងការពារសិទ្ធិសេរីភាពរបស់ប្រជាពលរដ្ឋ។ ការយកប្រព័ន្ធតុលាការ ទៅបម្រើផលប្រយោជន៍អ្នកមានអំណាច និងអ្នកមានលុយ ជាការរំលោភរដ្ឋធម្មនុញ្ញ”។
ប្រធានសមាគមគ្រូបង្រៀនកម្ពុជាឯករាជ្យ បានសូមព្រះមហាក្សត្រធ្វើព្រះតំរិះ ចំពោះការកាត់សេចក្ដីរបស់ចៅក្រម និងព្រះរាជអាជ្ញាដាក់ទោសប្រជាពលរដ្ឋរងគ្រោះ ដោយសារសកម្មភាពទាមទារស្របច្បាប់ រកយុត្តិធម៌ពីក្រុមហ៊ុនរំលោភយកដីធ្លី និងផ្ទះសម្បែងរបស់ពួកគាត់ ហើយសូមឱ្យព្រះអង្គដាក់វិន័យចៅក្រម និងព្រះរាជអាជ្ញាឱ្យបានធ្ងន់ធ្ងរបំផុត ដែលប្រើប្រាស់អំណាច ដាក់ទោសប្រជាពលរដ្ឋដោយអយុត្តិធម៌។ ទង្វើរបស់អាជ្ញាធរក្រុងភ្នំពេញ និងប្រព័ន្ធតុលាការមិនគោរពច្បាប់ នាំឱ្យកុមារាកុមារីបែកពីម្ដាយ គ្មានផ្ទះសម្បែងជ្រកកោន និងបាត់បង់ការសិក្សា ជារឿងអាម៉ាស់សម្រាប់ប្រទេសកម្ពុជា។
នៅចុងបញ្ចប់នៃលិខិត លោក រ៉ុង ឈុន បានសង្ឃឹមថា ព្រះអង្គនឹងធ្វើព្រះរាជអន្តរាគមន៍ដោះលែង តំណាងអ្នកបឹងកក់ទាំង១៥នាក់ឱ្យមានសេរីភាព និងដាក់វិន័យលើចៅក្រម និងព្រះរាជអាជ្ញាដែលរំលោភច្បាប់៕
ដោយ: លីនណា
CEN
ភ្នំពេញ: លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ នៅថ្ងៃទី៧ ខែមិថុនា ឆ្នាំ២០១២ បានទូលថ្វាយសារលិខិតដល់ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងជាប្រធានឧត្តមក្រុមប្រឹក្សា នៃអង្គចៅក្រម ស្នើសុំព្រះរាជអន្តរាគមន៍ ដោះលែងតំណាងអ្នកបឹងកក់ទាំង១៥នាក់ និងដាក់វិន័យចៅក្រម និងព្រះរាជអាជ្ញា។
លិខិតលោក រ៉ុង ឈុន ទូលថ្វាយព្រះមហាក្សត្រ បានលើកឡើងថា ប្រជាពលរដ្ឋរស់នៅក្នុងតំបន់បឹងកក់ទាំង៧ភូមិ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ មានចំនួនជិត៨០០គ្រួសារ បានទទួលរងការរំលោភយ៉ាងធ្ងន់ធ្ងរពីក្រុមហ៊ុនស៊ូកាកូអ៊ីន បូមខ្សាច់ពន្លិច និងវាយផ្ទះសម្បែងរបស់ពួកគាត់ ក្រោមគោលនយោបាយអភិវឌ្ឍន៍ របស់រាជរដ្ឋាភិបាលកម្ពុជាដោយគ្មានដោះស្រាយ និងផ្ដល់សំណងជូនពួកគាត់សមរម្យឡើយ។
លោក រ៉ុង ឈុន បន្តថា ចំពោះការបាត់បង់ផ្ទះ និងដីធ្លីនេះ ប្រជាពលរដ្ឋបឹងកក់បានធ្វើការទាមទារ ម្ដងហើយម្ដងទៀតអស់រយៈពេលជាច្រើនឆ្នាំ ដើម្បីស្វែងរកដំណោះស្រាយ និងយុត្តិធម៌សម្រាប់ពួកគាត់ ប៉ុន្តែការប្រើប្រាស់សិទ្ធិស្របច្បាប់ របស់ពួកគាត់ត្រូវបានអាជ្ញាធរក្រុងភ្នំពេញសហការណ៍ជាមួយក្រុមហ៊ុន បង្គ្រាបដោយហិង្សាមកលើប្រជាពលរដ្ឋបឹងកក់។
លោក រ៉ុង ឈុន បានបញ្ជាក់ថា “នៅថ្ងៃទី២២ ខែឧសភា ឆ្នាំ២០១២ អាជ្ញាធរក្រុងភ្នំពេញ ចាប់តំណាងអ្នកបឹងកក់ចំនួន១៣នាក់ ខណៈពួកគាត់កំពុងធ្វើសន្និសីទកាសែត ស្ដីពីការសាងសង់ផ្ទះមានចំនួន១៨គ្រួសារឡើងវិញ ដោយគ្មានដីកាពីតុលាការ ជាការរំលោភច្បាប់ និងសិទ្ធិមនុស្ស។ នៅថ្ងៃទី២៤ ខែឧសភា ឆ្នាំ២០១២ តុលាការសាលាដំបូងរាជធានីភ្នំពេញ បានបើកសវនាការយ៉ាងតក់ក្រហល់ ដោយកាត់សេចក្ដីដាក់ទោសតំណាងពលរដ្ឋទាំង១៣នាក់ រងគ្រោះដោយសារការរំលោភដីធ្លី ហើយរងគ្រោះថែមមួយទៀត ឱ្យជាប់គុកមានរយៈពេល២ឆ្នាំ និង៦ខែ ប៉ុន្តែការអនុវត្តពេល១ឆ្នាំ មាន១នាក់ ២ឆ្នាំមាន៥នាក់ និង២ឆ្នាំ ៦ខែមាន៧នាក់ ដោយការកាត់សេចក្ដីរបស់តុលាការក្រុងភ្នំពេញ គឺជារឿងអយុត្តិធម៌សម្រាប់ប្រជាពលរដ្ឋរងគ្រោះ”។
លោក រ៉ុង ឈុន បានបញ្ជាក់ទៀតថា “ប្រព័ន្ធតុលាការ មិនបានអនុត្តន៍អំណាចខ្លួនឱ្យស្របតាមមាត្រា១២៨ថ្មី នៃរដ្ឋធម្មនុញ្ញដែលចែងថា អំណាចតុលាការជាអំណាចឯករាជ្យ និងត្រូវធានារក្សាអនាគត និងការពារសិទ្ធិសេរីភាពរបស់ប្រជាពលរដ្ឋ។ ការយកប្រព័ន្ធតុលាការ ទៅបម្រើផលប្រយោជន៍អ្នកមានអំណាច និងអ្នកមានលុយ ជាការរំលោភរដ្ឋធម្មនុញ្ញ”។
ប្រធានសមាគមគ្រូបង្រៀនកម្ពុជាឯករាជ្យ បានសូមព្រះមហាក្សត្រធ្វើព្រះតំរិះ ចំពោះការកាត់សេចក្ដីរបស់ចៅក្រម និងព្រះរាជអាជ្ញាដាក់ទោសប្រជាពលរដ្ឋរងគ្រោះ ដោយសារសកម្មភាពទាមទារស្របច្បាប់ រកយុត្តិធម៌ពីក្រុមហ៊ុនរំលោភយកដីធ្លី និងផ្ទះសម្បែងរបស់ពួកគាត់ ហើយសូមឱ្យព្រះអង្គដាក់វិន័យចៅក្រម និងព្រះរាជអាជ្ញាឱ្យបានធ្ងន់ធ្ងរបំផុត ដែលប្រើប្រាស់អំណាច ដាក់ទោសប្រជាពលរដ្ឋដោយអយុត្តិធម៌។ ទង្វើរបស់អាជ្ញាធរក្រុងភ្នំពេញ និងប្រព័ន្ធតុលាការមិនគោរពច្បាប់ នាំឱ្យកុមារាកុមារីបែកពីម្ដាយ គ្មានផ្ទះសម្បែងជ្រកកោន និងបាត់បង់ការសិក្សា ជារឿងអាម៉ាស់សម្រាប់ប្រទេសកម្ពុជា។
នៅចុងបញ្ចប់នៃលិខិត លោក រ៉ុង ឈុន បានសង្ឃឹមថា ព្រះអង្គនឹងធ្វើព្រះរាជអន្តរាគមន៍ដោះលែង តំណាងអ្នកបឹងកក់ទាំង១៥នាក់ឱ្យមានសេរីភាព និងដាក់វិន័យលើចៅក្រម និងព្រះរាជអាជ្ញាដែលរំលោភច្បាប់៕