Sunday, June 10, 2012

ខឹង​​ម្តាយ​​មក​តាម​ហៅ​​ឲ្យ​ត្រឡប់​​ទៅ​ផ្ទះ​វិញ លេប​ថ្នាំ​ងងុយ​ដេក​ អស់​១០​គ្រាប់


ថ្ងៃទី​ 11 ខែមិថុនា ឆ្នាំ2012, ម៉ោង 02:47 AM ហេង សុខា
1

រាជធានី​ភ្នំពេញ ៖ កម្មការិនី​រោងចក្រ​កាត់​ដេ​រ​ម្នាក់​តាំង​ពី​មក​ធ្វើការ​នៅ​ក្រុង​ភ្នំពេញ មិន​ដែល​ត្រឡប់​ទៅ​ផ្ទះ​នៅ​ស្រុក​កំណើត​វិញ​ទេ រហូត​ម្តាយ​ជិះ​តាក់​ស៊ី មក​តាម​ហៅ​ត្រឡប់​ទៅ​ផ្ទះ​វិញ នៅ​តែមិ​ន​ព្រម​ទៅ​រត់​ទៅ​ពួន​នៅផ្ទះ​មិត្តភក្កិ​លេប​ថ្នាំ​ងងុយ​ដេក​អស់​១០ ​គ្រាប់​ សម្លាប់​ខ្លួន ។
ហេតុការណ៍នេះ កើតឡើងនៅវេលាម៉ោង៦ល្ងាច ថ្ងៃទី១០ មិថុនា នៅបន្ទប់ជួលម្តុំលូ៥ ស្ថិតក្នុងភូមិដំណាក់ធំ សង្កាត់​ស្ទឹងមានជ័យ ខណ្ឌមានជ័យ ។
កម្មការិនីរូបនោះមានឈ្មោះ ហួន ណាក់ អាយុ២២ឆ្នាំ ស្នាក់នៅកន្លែងកើតហេតុខាងលើ មានស្រុកកំណើតនៅភូមិ​ព្រះ​ស្តេច ឃុំចាម ស្រុកកំពង់ត្របែក ខេត្តព្រៃវែង បានប្រាប់មិត្តភក្តិថា ខឹងម្តាយវាយ២អំបោស​ ទើបគេលេបថ្នាំ​សម្លាប់​ខ្លួន​បែបនេះ ។
បើតាមសម្តីរបស់ស្ត្រីជាម្តាយបានឲ្យដឹងថា កូនស្រីរបស់គាត់ ចាប់តាំងពីមកធ្វើការរោងចក្រនៅក្រុងភ្នំពេញ មិនដែល​ត្រឡប់​ទៅលេងផ្ទះនៅស្រុកកំណើតទេ សូម្បីពេលបុណ្យចូលឆ្នាំប្រពៃណីខ្មែរ ក៏មិនទៅលេងផ្ទះដែរ ។ ដោយសារ​តែ​មិន​ឃើញ​កូនត្រឡប់ទៅផ្ទះសោះ ទើបនៅថ្ងៃកើតហេតុគាត់សុខចិត្តជិះតាក់ស៊ីមក​ហៅកូនឲ្យត្រឡប់​ទៅផ្ទះវិញ តែនាង​នៅតែ​មិនព្រមទៅវិញទេ ពេល​នោះ គាត់បានស្តីបន្ទោសថាឲ្យ កូនស្រីក៏រត់ទៅនៅជាមួយមិត្តភក្កិបាត់ ។
ប្រភពព័ត៌មានបន្តទៀតថា រហូតដល់ម៉ោងខាងលើ ទើបដឹងថា នាងលេបថ្នាំងងុយដេកអស់១០គ្រាប់សម្លាប់ខ្លួន ត្រូវមិត្ត​ភក្កិដឹកតាមរ៉ឺម៉កម៉ូតូយកទៅ សង្រ្គោះនៅមន្ទីរពេទ្យព្រះកុសុមៈ ឲ្យគ្រូពេទ្យលាងក្រពះបានរួចផុតពីសេចក្តីស្លាប់ហើយ ៕អង្គរធំ

 
Design by Free WordPress Themes | Bloggerized by Lasantha - Premium Blogger Themes | Best Buy Coupons