ថ្ងៃទី 30 ខែមិថុនា ឆ្នាំ2012, ម៉ោង 04:51 PM ចាន់ សុខលន់
ក្រុមអ្នកភូមិសែសិន បានប្រាប់" អង្គរធំ មេឌា "ថា សំរាមទាំងនោះ គឺបានមកពីអាជីវករលក់បន្លែ ផ្លែឈើ នៅផ្សារសិរីសោភ័ណ្ឌ ដែលបានយកមកចាក់ពាសវាលពាសកាល ធ្វើឲ្យស្អុយរលួយ នៅពេលត្រូវភ្លៀងម្តងៗ ធ្វើឲ្យកន្ល៉ែងនោះ បែកភក់ ហើយជះក្លិនស្អុយជាខ្លាំង។ ហើយទោះជាពួកគាត់ឃាត់យ៉ាងណា ក៏ពួកគេមិនស្តាប់ឡើយ។
ពាក់ព័ន្ធទៅនឹងសំរាមនេះ ពួកគាត់ បានសំណូមពរ ដល់មន្ត្រីបរិស្ថានខេត្តបន្ទាយមានជ័យ គួរចាត់វិធានការទប់ស្កាត់ភាពអនាធិបតេយ្យ នៃការចាក់សំរាមស្អុយរលួយដាក់មុខផ្ទះពួកគេ ធ្វើឲ្យប៉ះពាល់ដល់សុខភាព និងបរិស្ថានពួកគាត់យ៉ាងធ្ងន់ធ្ងរ។
ពួកគាត់ក៏បានសំណូមពរដល់លោកអ៊ុំ រាត្រី អភិបាលក្រុងសិរីសោភ័ណ្ឌ មេត្តាជួយសម្រួលដល់ក្រុមហ៊ុនដឹកសំរាម និងអ្នកដេញថ្លៃភាស៊ីផ្សារសិរីសោភ័ណ្ឌ ជួយកើបសំរាមចេញម្តងទៅ ដើម្បិសម្អាតទីក្រុងសិរីសោភ័ណ្ឌ ឲ្យបានស្អាត ចៀសវាងភ្ញៀវទេសចរ ឆ្លងកាត់ រិះគន់ក្រុងសិរីសោភ័ណ្ឌជាក្រុងសំរាម៕អត្ថបទអង្គរធំ
