ដោយ ៖ វិច្ឆិកា ថ្ងៃទី 01 មិថុនា 2012ម៉ោង 08:37:33
ខេត្ដបន្ទាយមានជ័យ ៖ តាមប្រភពព័ត៌មានពីនគរបាលការពារព្រំដែនគោកលេខ៨០៧ប្រចាំការនៅច្រក បឹងត្រកួនបានឱ្យដឹងថា នៅវេលាម៉ោង១និង ១៥នាទីរសៀលថ្ងៃ ទី៣០ ខែឧសភា ឆ្នាំ២០១២ នគរបាលអន្ដោប្រវេសន៍របស់ថៃបានធ្វើសកម្មភាពរុះរើទីស្នាក់ការ ត្រួតពិនិត្យរបស់ពួកគេនៅចំណុចបង្គោល សីមាលេខ៣៦ទល់មុខប៉ុស្ដិ៍ច្រកបឹងត្រកួន ស្ថិតក្នុងភូមិបន្ទាយមានរិទ្ធ ឃុំគោក រមៀត ស្រុកថ្មពួក ខេត្ដបន្ទាយមានជ័យ ចំណែកខាងដីថៃក្នុងភូមិសាស្ដ្រស្រុក តាប់ប្រយ៉ា ខេត្ដស្រះកែវ ប្រទេសថៃ ។ប្រភពព័ត៌មានដដែលបានបញ្ជាក់ ថា ក្នុងការរុះរើទីស្នាក់ការប៉ុស្ដិ៍ត្រួតពិនិត្យ របស់ប៉ូលិសអន្ដោប្រវេសន៍នេះ ភាគី ថៃមានគោលបំណងសាងសង់អំពីថ្មវិញដោយប៉ុស្ដិ៍ចាស់នោះធ្វើអំពីឈើ ប៉ុន្ដែ ភាគីកម្ពុជាដែលនៅឈរជើងតំបន់បឹង ត្រកួនបានឃើញពីសកម្មភាពរបស់ ភាគីថៃដូច្នេះ ក៏ចុះទៅធ្វើការហាមឃាត់ ទប់ស្កាត់មិនឱ្យថៃរុះរើប៉ុស្ដិ៍ផ្លាស់ប្ដូរទ្រង់ ទ្រាយសំណង់នោះទេ គឺរក្សាទុកស្ថាន ភាពដើមដដែល ព្រោះបង្គោលសីមា លេខ៣៦គឺជាបង្គោលព្រំដែនមានភាពមិនប្រក្រតីដែលគណៈកម្មាធិការត្រួត ពិនិត្យព្រំដែននៃភាគីទាំង២មិនទាន់ឯកភាពគ្នានៅឡើយ ។ បន្ទាប់ពីខាងកម្ពុជា ចុះទៅហាមឃាត់ភាគីថៃមិនបានធ្វើ សកម្មភាពអ្វីទៀតទេ ។
គួរបញ្ជាក់ថានៅចំណុចខាងលើនោះ កន្លងមកអាជ្ញាធរខេត្ដបន្ទាយមានជ័យ និងអាជ្ញាធរខេត្ដស្រះកែវបានជួបប្រជុំ គ្នាម្ដងរួចមកហើយពាក់ពន្ធ័ខាងភាគីថៃ ស្នើសុំខាងកម្ពុជាសុំរុះរើកសាងប៉ុស្ដិ៍ ចាស់ដែលធ្វើពីឈើមកថ្មវិញតែខាង ភាគីកម្ពុជាមិនឯកភាពទៅតាមការ ស្នើសុំរបស់ភាគីថៃនោះទេ ប៉ុន្ដែភាគី ថៃនៅតែព្យាយាមលួចសាងសង់ ។ រាល់ សកម្មភាពទាំងនោះត្រូវខាងអាជ្ញាធរមាន សមត្ថកិច្ចកម្ពុជាឈរជើងនៅចំណុច ខាងលើចុះទៅហាមឃាត់ជានិច្ច ៕នគរវត្ត
