ថ្ងៃទី 09 ឧសភា 2012ម៉ោង 16:37:16
ខេត្ដបន្ទាយមានជ័យ ៖ បច្ចុប្បន្ននេះ គេសង្កេតឃើញថា សកម្មភាពដឹក ជញ្ជូនឈើប្រភេទគ្រឿងផ្ទះចម្រុះតាម រថយន្ដយីឌុបយកមកចែកចាយតាម បណ្ដាដេប៉ូមួយចំនួនក្នុងខេត្ដបន្ទាយ មានជ័យ មានសកម្មភាពយ៉ាងគគ្រឹក គគ្រេងទាំងយប់ទាំងថ្ងៃប្រៀបដូចទឹក បាក់ទំនប់អ៊ីកចឹង ។បើតាមប្រភពព័ត៌មានពីកម្មករឈើ នៅក្នុងដេប៉ូខេត្ដបន្ទាយមានជ័យបាន ប្រាប់អ្នកយកព័ត៌មានឱ្យដឹងថា សកម្ម ភាពដឹកជញ្ជូនឈើតាមរថយន្ដយីឌុប របស់ក្រុមហ៊ុនទាំងនោះយកមកចែក ចាយក្នុងដេប៉ូលក់ឈើខេត្ដបន្ទាយមាន ជ័យនេះ គឺមានស្ទើរតែរាល់ថ្ងៃ មិន សូវដាច់នោះទេ ដោយឈើទាំងនោះ គេដឹងថាដឹកចេញពីខេត្ដឧត្ដរមានជ័យ និងខេត្ដព្រះវិហារ កំពង់ធំនិងខេត្ដក្រចេះ ជាដើម ។ ជាមួយគ្នានោះអ្វីដែលគេកត់ សម្គាល់ឃើញការដឹកជញ្ជូនឈើរបស់ ក្រុមហ៊ុនធ្វើឡើងហាក់បីដូចជាលាក់លៀម អាថ៌កំបាំង ។ ដោយឈើទាំងនោះគេដឹក ចេញពេលយប់អធ្រាត្រ លុះមកដល់ ខេត្ដបន្ទាយមានជ័យមេឃភ្លឺល្មម ។
បន្ទាប់មកគេឱ្យកម្មករប្រញាប់ ប្រញាល់ចាប់ផ្ដើមរើឈើចេញពីរថយន្ដ យកមកដាក់ក្នុងដេប៉ូលក់ឈើដែល កុម្ម៉ង់ទិញពីក្រុមហ៊ុនមានដូចជានៅ ចំណុចរង្វង់មូលស្រីគ្រប់លក្ខណ៍ ឬនៅ ចំណុចដេប៉ូលក់ឈើជាប់កំណាត់ផ្លូវ ជាតិលេខ៥៦ ហៅផ្លូវលេខ១ ស្ថិតនៅ ភូមិ២ សង្កាត់កំពង់ស្វាយ ក្រុងសិរី សោភ័ណ ដែលមានម្ចាស់ដេប៉ូ ឈ្មោះ យឿង ជិន និងយឿង ។ នោះជូនពេលខ្លះ ដឹកមកដល់ពេលយប់អធ្រាត្រគឺឱ្យកម្មករ រើ ទាំងយប់ផងដែរ ។
បើតាមប្រភពព័ត៌មានពីសមត្ថកិច្ច ជំនាញម្នាក់សុំមិនបញ្ចេញឈ្មោះបាន ប្រាប់អ្នកយកព័ត៌មានឱ្យដឹងថា សកម្ម ភាពដឹកជញ្ជូនឈើរបស់ក្រុមហ៊ុនទាំង នោះយកមកចែកចាយក្នុងខេត្ដបន្ទាយ មានជ័យ ជាឈើមានច្បាប់ទម្លាប់ត្រឹម ត្រូវ ។ ប៉ុន្ដែអ្វីជាការសង្ស័យដឹកជញ្ជូន ឈើយ៉ាងគគ្រឹកគគ្រេងធ្វើឡើងក្នុង រូបភាពស្របច្បាប់ផង និងល្មើសច្បាប់ ផង ក្នុងនោះលួចដឹកបង្កប់ឈើប្រភេទ លេខ១ជាដើម ។ មិនតែប៉ុណ្ណោះដឹក ផ្ទុកលើសចំណុះចំនួនឈើដែលច្បាប់ អនុញ្ញាតឱ្យទៅទៀត ។ ក្នុងច្បាប់អនុញ្ញាត គឺមិនលើសពី៣០ម៉ែត្រគូបនោះឡើយ។ ការលួចបន្លំដឹកដាក់លើសចំនួនម៉ែត្រ គូបនេះ បើតាមការសន្និដ្ឋានក្នុង១ រថយន្ដៗដឹកពេញព្រៀបដាក់ហួសទ្រុង យ៉ាងហោចណាស់ផ្ទុកបានពី៤០ទៅ៥០ ម៉ែត្រគូបឯណោះ ។
សកម្មភាពដឹកឈើយ៉ាងរលូនដូច្នេះ មិនមែនអស់លោកមេព្រៃ និងសមត្ថ កិច្ចពាក់ព័ន្ធមិនដឹងនោះទេ តែពួកគេទាំង នោះធ្វើជាបិទភ្នែកមើលមិនឃើញបើក ដៃឱ្យក្រុមហ៊ុនដឹកឈើហួសកម្រិត ហើយ ពួកគេសម្ងំទទួលលាភសក្ការៈពីក្រុម ហ៊ុន ។ ជាមួយគ្នានោះអ្វីដែលធ្វើឱ្យមាន ផលប៉ះពាល់ធ្ងន់ធ្ងរពីការដឹកឈើនោះ គឺ ផ្លូវថ្នល់ស្ពានដែលរាជរដ្ឋាភិបាលបាន ខិតខំកសាងឡើងស្អាតល្អ ប្រឈមនឹងការ ខូចខាតយ៉ាងដំណំដោយផ្លូវស្ពានទាំងនោះ ទទួលរងទម្ងន់ធ្ងន់លើសរាប់តោន ។
មជ្ឈដ្ឋានប្រជាពលរដ្ឋនាំ គ្នាលើកឡើង និងងឿងឆ្ងល់ថា បច្ចុប្បន្ននេះរាជរដ្ឋាភិ បាល កំពុងតែយកចិត្ដទុកដាក់ការពារ ព្រៃឈើនិងទប់ស្កាត់ពីសំណាក់ឈ្មួញ ទុច្ចរិតដែលកាប់បំផ្លាញព្រៃឈើនិងរក ស៊ីឈើខុសច្បាប់ ។ ដោយពួកគាត់លើក ឡើងទៀតថា រាជរដ្ឋាភិបាលរឹតបន្ដឹង យ៉ាងនេះទៅហើយ តើហេតុអ្វីបាន ចេះតែមានការដឹកជញ្ជូនឈើយកមក លក់ទាំងឡានៗនៅខេត្ដបន្ទាយមានជ័យ ទាំងយប់ទាំងថ្ងៃ មិនចេះដាច់ទាល់តែ សោះ តើឈើទាំងនោះគេកាប់មកពីណា ។ ពួកគាត់លើកឡើងទៀតថា សកម្មភាព នេះ ទំនងជាមន្ដ្រីសមត្ថកិច្ចជំនាញព្រៃ ឈើថ្នាក់ក្រោមត្រូវរ៉ូវជាមួយឈ្មួញដើម្បី បិទបាំងបទល្មើសទទួលលាភសក្ការៈ លួច បន្លែបន្លំប្រើប្រាស់តាមរយៈរូបភាព ស្របច្បាប់ ។
លោកនាយរដ្ឋបាលសង្កាត់ព្រៃឈើ ក្រុងសិរីសោភ័ណបានប្រាប់ឱ្យដឹងថា ក្រុមហ៊ុន២មានច្បាប់ទម្លាប់ដឹកជញ្ជូន ត្រឹមត្រូវ ហើយឈើទាំងនោះជាឈើព្រៃ សម្បទានសេដ្ឋកិច្ចរបស់ក្រុមហ៊ុននៅ ខេត្ដឧត្ដរមានជ័យ ។ ការដឹកផ្ទុកឈើ ច្បាប់មិនបានហាមឃាត់ថា ត្រូវដឹកក្នុង មួយខែប៉ុន្មានជើងនោះទេ ទោះបីក្រុម ហ៊ុនដឹកមួយថ្ងៃ៥ជើងក៏បានវាអាស្រ័យ លើ PC ក្រុមហ៊ុនប៉ុណ្ណោះ។ ការលើក ឡើងរបស់នាយរដ្ឋបាលសង្កាត់ព្រៃឈើ ក្រុងសិរីសោភ័ណថា ការដឹកផ្ទុកឈើ ប៉ុន្មានម៉ែត្រគូប ក៏បានតើគួរឱ្យជឿបាន ទេ ពីព្រោះថា ការដឹកផ្ទុកលើសទម្ងន់វា ខុសនឹងច្បាប់រដ្ឋ ពីព្រោះថាស្ពានថ្នល់វា នឹងរងការខូចខាតបាក់ស្រុតដោយសារ តែទទួលរងការដឹកលើសទម្ងន់រាប់តោន ហើយបច្ចុប្បន្ន ជារដ្ឋាភិបាលបានចំណាយ ថវិកាជាតិជាច្រើនសន្ធឹកសន្ធាប់សម្រាប់ កសាងផ្លូវស្ពាននេះឡើង ។
ជាមួយយគ្នានោះបើតាមម្ចាស់ ដេប៉ូ មួយរូបសុំមិនបញ្ចេញឈ្មោះបានឱ្យដឹង ថា ក្រុមហ៊ុនដែលចែកចាយឈើនៅ ខេត្ដបន្ទាយមានជ័យ មិនមែនមានតែ២ ក្រុមហ៊ុននេះទេ គឺវាមានរហូតប្រមាណ ៨ក្រុមហ៊ុនឯណោះ ។
រថយន្តដែលដឹកឈើដាក់តាមដេប៉ូទី១មានឈ្មោះវ៉ាទី២មានឈ្មោះប៉ូទី៣មានឈ្មោះសារ៉ូន៕
