ដោយ ហ៊ុំ ចំរើន
2012-05-18
វិទ្យុអាស៊ីសេរី
ចៅក្រមសាលាដំបូងខេត្តស្វាយរៀង បានកោះហៅដើមបណ្ដឹងក្នុងរឿងក្ដីលោក ឈូក បណ្ឌិត មកបកស្រាយបំភ្លឺជុំវិញហេតុការណ៍បាញ់បោះដែលបង្កឲ្យកម្មកររោង ចក្រស្បែកជើងឈ្មោះ កៅវ៉េ (Kaoway) រងរបួសចំនួន ៣នាក់។
ចៅក្រមសាលាដំបូងខេត្តស្វាយរៀង នៅព្រឹកថ្ងៃទី១៨ ឧសភា បានបើកសវនាការមួយពិនិត្យទៅលើដើមបណ្ដឹងក្នុងរឿងក្ដីលោក ឈូក បណ្ឌិត ដើម្បីបកស្រាយបំភ្លឺក្នុងករណីបាញ់បោះបង្ករបួសស្នាមទៅលើកម្មករ ៣នាក់ ក្នុងនោះរួមមានទី១ ឈ្មោះ កញ្ញា ប៊ុន ចិន្ដា ឬ អ៊ុន ចិន្ដា ទី២ កញ្ញា នុត សុខន និងទី៣ កញ្ញា កែវ នា។ ហេតុការណ៍នេះកើតទ្បើងកាលពីថ្ងៃទី២០ ខែកុម្ភៈ ឆ្នាំ២០១២ កន្លងមក។
ដើមបណ្ដឹង គឺកញ្ញា នុត សុខន អាយុ ២៣ឆ្នាំ រស់នៅភូមិស្វាយគុយ ឃុំមេសថ្ងក ស្រុកចន្ទ្រា ខេត្តស្វាយរៀង បានឲ្យដឹងទាំងទឹកមុខក្រៀមក្រំថា តុលាការបានសួរនាំលើព្រឹត្តិការណ៍ដែលកញ្ញាបានឃើញផ្ទាល់ភ្នែក ដូចជាករណីបាញ់បង្ករបួសស្នាម និងអង្គហេតុផ្សេងៗ។
ចំណែកឯប្រធានសហភាពការងារកម្ពុជា (CLC) គឺលោក អាត់ ធន់ មានប្រសាសន៍ថា នេះជាលើកទី២ហើយ ដែលដើមបណ្ដឹងចូលមកស្រាយបំភ្លឺនៅសាលាដំបូងខេត្តស្វាយរៀងនេះ។ តែទោះជាយ៉ាងណាក៏ដោយ លោកបានទាមទារឲ្យតុលាការជំនុំជម្រះក្ដីឲ្យមានតម្លាភាពឈរលើ គោលការណ៍ច្បាប់។
ហេតុការណ៍បាញ់បោះដែលបណ្ដាលឲ្យកម្មកររោងចក្រស្បែកជើងរងរបួស ចំនួន ៣នាក់នេះ បានអូសបន្លាយអស់រយៈពេលជាច្រើនខែមកហើយ។ តែយ៉ាងនេះក្ដី អង្គការសង្គមស៊ីវិលកំពុងតែឃ្លាំមើលយ៉ាងយកចិត្តទុកដាក់ចំពោះបញ្ហា នេះ។ រហូតមកដល់ពេលនេះ តុលាការនៅពុំទាន់ចាប់ជនបង្ករបួសស្នាមយកមកផ្ដន្ទាទោសនៅឡើយទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
2012-05-18
វិទ្យុអាស៊ីសេរី
ចៅក្រមសាលាដំបូងខេត្តស្វាយរៀង បានកោះហៅដើមបណ្ដឹងក្នុងរឿងក្ដីលោក ឈូក បណ្ឌិត មកបកស្រាយបំភ្លឺជុំវិញហេតុការណ៍បាញ់បោះដែលបង្កឲ្យកម្មកររោង ចក្រស្បែកជើងឈ្មោះ កៅវ៉េ (Kaoway) រងរបួសចំនួន ៣នាក់។
១៨-ឧសភា-២០១២៖ កម្មការិនី ប៊ុន ចិន្ដា ឬ អ៊ុន ចិន្ដា បង្ហាញ ស្នាម ត្រូវ គ្រាប់ កាំភ្លើង ក្នុង ពេល កញ្ញា តវ៉ា នៅ ខេត្ត ស្វាយរៀង។ (RFA/Hum Chamroeun)
ដើមបណ្ដឹង គឺកញ្ញា នុត សុខន អាយុ ២៣ឆ្នាំ រស់នៅភូមិស្វាយគុយ ឃុំមេសថ្ងក ស្រុកចន្ទ្រា ខេត្តស្វាយរៀង បានឲ្យដឹងទាំងទឹកមុខក្រៀមក្រំថា តុលាការបានសួរនាំលើព្រឹត្តិការណ៍ដែលកញ្ញាបានឃើញផ្ទាល់ភ្នែក ដូចជាករណីបាញ់បង្ករបួសស្នាម និងអង្គហេតុផ្សេងៗ។
ចំណែកឯប្រធានសហភាពការងារកម្ពុជា (CLC) គឺលោក អាត់ ធន់ មានប្រសាសន៍ថា នេះជាលើកទី២ហើយ ដែលដើមបណ្ដឹងចូលមកស្រាយបំភ្លឺនៅសាលាដំបូងខេត្តស្វាយរៀងនេះ។ តែទោះជាយ៉ាងណាក៏ដោយ លោកបានទាមទារឲ្យតុលាការជំនុំជម្រះក្ដីឲ្យមានតម្លាភាពឈរលើ គោលការណ៍ច្បាប់។
ហេតុការណ៍បាញ់បោះដែលបណ្ដាលឲ្យកម្មកររោងចក្រស្បែកជើងរងរបួស ចំនួន ៣នាក់នេះ បានអូសបន្លាយអស់រយៈពេលជាច្រើនខែមកហើយ។ តែយ៉ាងនេះក្ដី អង្គការសង្គមស៊ីវិលកំពុងតែឃ្លាំមើលយ៉ាងយកចិត្តទុកដាក់ចំពោះបញ្ហា នេះ។ រហូតមកដល់ពេលនេះ តុលាការនៅពុំទាន់ចាប់ជនបង្ករបួសស្នាមយកមកផ្ដន្ទាទោសនៅឡើយទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
