ថ្ងៃទី 19 ខែឧសភា ឆ្នាំ2012, ម៉ោង 09:51 AM ប៉ាវ
ភ្នំពេញ៖ ចាប់ពីថ្ងៃទី១០ ដល់ថ្ងៃទី២០ ខែឧសភា ជារៀងរាល់ឆ្នាំ បណ្តាប្រទេសនានានៅលើពិភពលោក តែងនាំគ្នាប្រារព្ធទិវាមោទនភាពអ្នកស្រឡាញ់ភេទដូចគ្នា។ ឆ្នាំនេះ នៅកម្ពុជា ក៏ដូចឆ្នាំមុនៗដែរ បានប្រារព្ធទិវាមោទនភាពអ្នកស្រឡាញ់ភេទដូចគ្នា ដោយមានការចូលរួមពីសមាជិកមកពីប្រទេសអាស៊ានទាំង ១០ និងអន្តរជាតិ
ជាច្រើនទៀត តាមរយៈការជួបប្រជុំ និងសិក្ខាសាលានានា។
ក្រុមបុរសស្រឡាញ់បុរស រស់នៅជាមួយមេរោគអេដស៍ Positive MSM បានប្រកាសថា ក្រុមអ្នកស្រឡាញ់ភេទដូចគ្នា នឹងជួបជុំគ្នានៅល្ងាចថ្ងៃអាទិត្យ ទី២០ ខែឧសភា ឆ្នាំ២០១២ នៅក្នុងវត្តដំបូកខ្ពស់ ក្នុងរាជធានីភ្នំពេញ ដើម្បីអុជទៀន រម្លឹកដល់ព្រឹត្តិការណ៍ ទិវាភ្លើងទៀន រម្លឹកវិញ្ញាណក្ខន្ធអ្នកកើតជំងឺអេដស៍" នៅម៉ោង ៥ ដល់ម៉ោង ៦ ល្ងាច ថ្ងៃទី២០ ខែឧសភា ឆ្នាំ២០១២៕