ពីម្សិលមិញ បណ្តាញព័ត៌មានថៃ MCOT កាលបានស្រង់ សម្ដីលោកស្រី យីងឡាក់ នាយករដ្ឋមន្រ្តីថៃ មកចុះផ្សាយថា លោកស្រីរួមជាមួយឧត្ដមសេនីយ៍ យុទ្ធថាសាក់ សាស៊ីប្រាផាន និងរដ្ឋមន្រ្តីការបរទេស បានធ្វើការជួបប្រជុំពិភាក្សាជាមួយក្រុមបច្ចេកទេសច្បាប់រួចហើយ អំពីរឿងក្តីប្រាសាទព្រះវិហារនេះ ហើយថា លោកស្រីនឹងខិតខំ
ប្រឹងប្រែងឲ្យអស់ពីសមត្ថភាពដើម្បីតវ៉ានៅតុលាការយុត្តិធម៌អន្តរជាតិ ដោយសន្យាថា នឹងការពារបូរណភាពទឹកដីថៃ។
កាលពីឆ្នាំ២០១០ ប្រទេសកម្ពុជាបានដាក់បណ្តឹងទៅតុលាការយុត្តិធម៌អន្តរជាតិ ឲ្យធ្វើការបកស្រាយឡើងវិញចំពោះសាលក្រមរបស់ខ្លួនកាលពីឆ្នាំ ១៩៦២។ តុលាការ អន្តរជាតិនេះបានសម្រេចឲ្យកងទ័ពកម្ពុជា និងថៃដកចេញពីតំបន់ជុំវិញប្រាសាទព្រះវិហារតាំពីឆ្នាំមុនមកម៉្លេះ តែរហូតមកដល់ពេលនេះ ភាគីទាំងពីរ ពុំទាន់បានអនុវត្តតាមការសម្រេចនេះនៅឡើយទេ៕អង្គរអំ
