ថ្ងៃទី 19 ខែឧសភា ឆ្នាំ2012, ម៉ោង 02:03 PM ភួន
ភ្នំពេញ៖ រាជរដ្ឋាភិបាលកម្ពុជា តាមរយៈក្រសួងមហាផ្ទៃបាន នឹងកំពុងរៀបចំ ត្រៀមបញ្ជូនជនជាតិចិន កោះតៃវ៉ាន់ ទាំង៤៩នាក់ ទៅឱ្យរដ្ឋាភិបាលកោះតៃវ៉ាន់វិញ នាពេលឆាប់ៗខាងមុខនេះ បន្ទាប់ពីពួកគេត្រូវបានបង្ក្រាប និងចាប់ខ្លួន ពីសំណាក់កម្លាំងនគរបាលក្រសួងមហាផ្ទៃ កាលពីរសៀល និងយប់ថ្ងៃទី១៨ ខែឧសភា ឆ្នាំ២០១២ ។
នៅរសៀលថ្ងៃទី១៩ ខែឧសភានេះ លោកឧត្ដមសេនីយ៍ឯក គៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិ បានថ្លែងឱ្យដឹងថា ជនជាតិចិនកោះតៃវ៉ាន់ ទាំង៤៩នាក់ ក្នុងនោះស្ដ្រី៦នាក់ នឹងត្រូវ បញ្ជូនទៅកាន់កោះតៃវ៉ាន់វិញ នាពេលឆាប់ៗខាងមុខនេះ តែលោកមិនទាន់បានបញ្ជាក់កាលបរិច្ឆេទច្បាស់លាស់នៅឡើយទេ ។
អ្នកនាំពាក្យ អគ្គស្នងការនគរបាលជាតិរូបនេះ បញ្ជាក់ថា ជនជាតិចិនកោះតៃវ៉ាន់ ទាំងនោះបាន ធ្វើសកម្មភាព ជំរិតទារលុយពីជនជាតិចិននៅក្រៅប្រទេសតាមប្រព័ន្ធបច្ចេកវិទ្យា ហើយ ត្រូវបានកម្លាំងនគរបាលរបស់ក្រសួងមហាផ្ទៃ ធ្វើការស្រាវជ្រាវ ហើយឈានទៅរកការចាប់ខ្លួនបានជាបន្ដបន្ទាប់ កាលពីរសៀលម្សិលមិញ ។
ប្រតិបត្ដិការចាប់ជនជាតិចិនកោះតៃវ៉ាន់ នេះបានធ្វើឡើងបន្ទាប់ពីសមត្ថកិច្ចជំនាញ ស្រាវជ្រាវរកឃើញថា ពួកគេទាំងនេះ បានចូល មកប្រទេសកម្ពុជាហើយបង្កើតជាក្រុមធ្វើសកម្មភាពជំរិតទារលុយពីបណ្ដាជនជាតិចិនផ្សេងទៀត ដែលនៅក្រៅប្រទេស។
កាលពីខែកញ្ញាឆ្នាំ២០១១កម្លាំងសមត្ថកិច្ចក៏បានបង្ក្រាប និងចាប់ខ្លួនជនជាតិចិនកោះតៃវ៉ាន់ ដែលជាបក្ខពួក របស់ក្រុមនេះម្ដងរួចហើយ ប្រមាណជិត២០០នាក់ ហើយក៏បានបញ្ជូនទៅឱ្យរដ្ឋាភិបាលកោះតៃវ៉ាន់ផងដែរ ៕អង្គរធំ
នៅរសៀលថ្ងៃទី១៩ ខែឧសភានេះ លោកឧត្ដមសេនីយ៍ឯក គៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិ បានថ្លែងឱ្យដឹងថា ជនជាតិចិនកោះតៃវ៉ាន់ ទាំង៤៩នាក់ ក្នុងនោះស្ដ្រី៦នាក់ នឹងត្រូវ បញ្ជូនទៅកាន់កោះតៃវ៉ាន់វិញ នាពេលឆាប់ៗខាងមុខនេះ តែលោកមិនទាន់បានបញ្ជាក់កាលបរិច្ឆេទច្បាស់លាស់នៅឡើយទេ ។
អ្នកនាំពាក្យ អគ្គស្នងការនគរបាលជាតិរូបនេះ បញ្ជាក់ថា ជនជាតិចិនកោះតៃវ៉ាន់ ទាំងនោះបាន ធ្វើសកម្មភាព ជំរិតទារលុយពីជនជាតិចិននៅក្រៅប្រទេសតាមប្រព័ន្ធបច្ចេកវិទ្យា ហើយ ត្រូវបានកម្លាំងនគរបាលរបស់ក្រសួងមហាផ្ទៃ ធ្វើការស្រាវជ្រាវ ហើយឈានទៅរកការចាប់ខ្លួនបានជាបន្ដបន្ទាប់ កាលពីរសៀលម្សិលមិញ ។
ប្រតិបត្ដិការចាប់ជនជាតិចិនកោះតៃវ៉ាន់ នេះបានធ្វើឡើងបន្ទាប់ពីសមត្ថកិច្ចជំនាញ ស្រាវជ្រាវរកឃើញថា ពួកគេទាំងនេះ បានចូល មកប្រទេសកម្ពុជាហើយបង្កើតជាក្រុមធ្វើសកម្មភាពជំរិតទារលុយពីបណ្ដាជនជាតិចិនផ្សេងទៀត ដែលនៅក្រៅប្រទេស។
កាលពីខែកញ្ញាឆ្នាំ២០១១កម្លាំងសមត្ថកិច្ចក៏បានបង្ក្រាប និងចាប់ខ្លួនជនជាតិចិនកោះតៃវ៉ាន់ ដែលជាបក្ខពួក របស់ក្រុមនេះម្ដងរួចហើយ ប្រមាណជិត២០០នាក់ ហើយក៏បានបញ្ជូនទៅឱ្យរដ្ឋាភិបាលកោះតៃវ៉ាន់ផងដែរ ៕អង្គរធំ