ដោយ ៖ វិច្ឆិកា ថ្ងៃទី 19 ឧសភា 2012ម៉ោង 16:51:03
ខេត្ដបន្ទាយមានជ័យ ៖ បុរសម្នាក់ប្រើ ហិង្សាទៅលើប្រពន្ធត្រូវបាននគរបាល ការិយាល័យព្រហ្មទណ្ឌកម្រិតស្រាលនៃ ស្នងការដ្ឋាននគរបាលខេត្ដបន្ទាយមាន ជ័យចាប់បញ្ជូនទៅតុលាខេត្ដ នៅព្រឹក ថ្ងៃទី១៩ ខែឧសភា ឆ្នាំ២០១២ នេះដើម្បី ចាត់ការតាមផ្លូវច្បាប់ពីបទប្រព្រឹត្ដហិង្សា ចេតនាដោយសហព័ទ្ធ ។ បុរសរូបនេះបាន ធ្វើសកម្មភាពវ៉ៃតប់ប្រពន្ធប្រព្រឹត្ដនៅ ថ្ងៃទី១៧ ខែឧសភា ឆ្នាំ២០១២ នៅភូមិ តាអ៊ិន២ ឃុំស្រះរាំង ស្រុកមង្គលបុរី ខេត្ដបន្ទាយមានជ័យ ។លោកវរសេនីយ៍ទោ ជូ ផារិន នាយ ការិយាល័យព្រហ្មទណ្ឌកំរិតស្រាលបានឱ្យ ដឹងថា ជនដៃដល់ឈ្មោះ ម៉ៃ វណ្ណៈ អាយុ ៣៤ឆ្នាំ ប្រកបមុខរបរធ្វើស្រែ។ ចំណែក ប្រពន្ធរងគ្រោះមានឈ្មោះ ណាំ ចិត្រ អាយុ ៣៥ឆ្នាំ គ្រួសារនេះរស់នៅភូមិ-ឃុំខាង លើ ។
លោកវរសេនីយ៍ទោ ជូ ផារិន បាន បន្ដទៀតថា មុនពេលកើតហេតុគឺបុរស ជាប្ដីនេះបានត្រឡប់មកពីផឹកស្រាស្រវឹង ជាមួយពួកម៉ាកនៅក្រៅផ្ទះ ។ លុះត្រឡប់ មកដល់ផ្ទះវិញចូលទៅលួចលុយប្រពន្ធ ក្នុងទូ២០ម៉ឺនរៀល ដើម្បីយកទៅផឹកស្រា បន្ដទៀត ដោយប្រពន្ធមកទាន់ឃើញប្ដី បើកទូយកលុយស្រែកគំហកដាក់ប្ដីឱ្យ ប្រគល់លុយមកប្រពន្ធវិញ។ ពេលនោះ ហើយទើបកើតជារឿងឈ្លោះប្រកែកដាក់ គ្នាទៅវិញទៅមកធ្វើឱ្យផ្អើលដល់អ្នក ជិតខាង ។
គេឃើញអ្នកទាំង២នាក់រឹតតែតឹង សរសៃកដាក់គ្នាទៅវិញទៅមកយ៉ាងខ្លាំង ធ្វើឱ្យប្ដីទ្រាំមិនបានដាល់ប្រពន្ធជាច្រើន ដៃចំកណ្ដាលមុខ បណ្ដាលហើមជាំមុខ និងចាប់បោចសក់ប្រពន្ធបោកនឹងសសរ ផ្ទះថែមទៀតផង ។ ដោយអ្នកជិតខាង ឃើញដូច្នេះនាំគ្នាចាប់ឃាត់ប្ដីកុំឱ្យវ៉ៃ ប្រពន្ធទៀត ។
បន្ទាប់មកប្រពន្ធបានទៅប្ដឹងសមត្ថ កិច្ចឱ្យមកចាប់ប្ដីដៃដល់រូបនេះដើម្បី យកទៅចាត់ការតាមផ្លូវច្បាប់នាងជា ប្រពន្ធប្រាប់សមត្ថកិច្ចថាមិនអាចលើក លែងប្ដីរូបនេះបានទេគឺប្រគល់ឱ្យសមត្ថ កិច្ចចាត់ចែងតាមនីតិវិធីច្បាប់។ បន្ទាប់ ពីសមត្ថកិច្ចទទួលពាក្យបណ្ដឹងស្ដ្រីជា ភរិយារួចមក សមត្ថកិច្ចបានចុះទៅឃាត់ ខ្លួនបុរសជាប្ដីនេះតែម្ដង ៕នគរវត្ត