ដោយ ៖ ស.សារ៉េត ថ្ងៃទី 19 ឧសភា 2012ម៉ោង 17:25:27
ខេត្ដប៉ៃលិន ៖ បុរសម្នាក់បានខឹង ឪពុកដាស់ពីដំណេកយកមកវាយ៤-៥ ដៃ និងស្ដីបន្ទោសក៏សម្រេចិត្ដទាញ កាំបិតចាក់ពោះខ្លួនឯងធ្លាយពោះវៀន កាលពីវេលាម៉ោង៦និង១៥នាទីលា្ងចថ្ងៃទី១៨ ខែឧសភា ឆ្នាំ២០១២ ស្ថិតនៅខាង ត្បូងវត្ដបរហ៊ុយ ក្នុងភូមិបរហ៊ុយ សង្កាត់ បរយ៉ាខា ក្រុង-ខេត្ដប៉ៃលិន ។តាមសម្ដីរបស់ម្ដាយជនរងគ្រោះ ឈ្មោះ ផាន់ ណា អាយុ៤៧ឆ្នាំបានប្រាប់ នគរវត្ដអោយដឹងថា កូនប្រុសរបស់ គាត់ដែលបានគិតខ្លីទាញកាំបិតចាក់ សម្លាប់ខ្លួននោះមានឈ្មោះ នូវ វ៉ិត ភេទប្រុស អាយុ២១ឆ្នាំ មុខរបរធ្វើចម្ការ រងរបួសត្រង់ពោះ២កាំបិតចេញពោះវៀន ស្ថិតនៅក្នុងផ្ទះរបស់ជនរងគ្រោះ។ ចំណែកឪពុកជនរងគ្រោះឈ្មោះ ទូច អិត អាយុ៤៩ឆ្នាំ មុខរបរធ្វើចម្ការ មិនបាន មកមើលជនរងគ្រោះជាកូនរបស់ខ្លួន នៅមន្ទីរពេទ្យទេព្រោះខ្លាចសមត្ថ កិ ច្ចឃាត់ខ្លួន ។ ប្រភពពីម្ដាយឈ្មោះ ផាន់ ណា បានឱ្យដឹងថា ពេលប្ដីរបស់គាត់ កំពុងផឹកស៊ីមកពីឆ្ងាយម្ដងៗដឹងតែមក រករឿងកូនៗ ។ ប្រភពបានបន្ដទៀតថា ជនរងគ្រោះនៅសល់ជាតិស្រវឹងមិនទាន់អស់ពីខ្លួនក៏នាំគ្នាទៅទិញ សាច់មកបន្ថែម និងម្ហូបនៅសល់ក្នុងផ្ទះ ហើយនាំគ្នាក្លែម ជាមួយនឹងស្រាជួបជុំអ្នកជិតខាង ក៏ ស្រាប់តែមានរឿងកើតជាអំពើហិង្សា បន្ដិចបន្ដួចហើយចូលទៅដេក ។ ដោយ សារកូនប្រុសរបស់គាត់(ជនរងគ្រោះ)ចចេសរឹងរូសមិនព្រមស្ដាប់សម្ដី ឪពុក គាត់ក៏ដើរទៅដាស់ពីកកន្លែងដេកយក មកវាយខាងក្រៅផ្ទះចំមុខជាច្រើនដៃ។ ជនរងគ្រោះមិនអាចធ្វើអ្វីទៅលើឪពុក ខ្លួននឯងមិនកើតក៏ដាច់ចិត្ដយកកាំបិតមកចាក់ខ្លួនឯង តែសំណាងល្អត្រូវបាន រថយន្ដសង្គ្រោះមន្ទីរពេទ្យបង្អែកខេត្ដទៅដឹកជនរងគ្រោះមកព្យាបាល នៅមន្ទីរ ពេទ្យបានទាន់ពេល តែដោយស្ថានភាព មិនស្រួលដោយឃើញហូរឈាមច្រើន ពេកលោកគ្រូពេទ្យបញ្ជាឱ្យរថយន្ដដឹក ជនរងគ្រោះយកទៅព្យាបាលនៅមន្ទីរ ពេទ្យខេត្ដបាត់ដំបង ។
ប្រភពព័ត៌មានពីអ្នកភូមិម្នាក់ សុំ មិនបញ្ចេញឈ្មោះបាននិយាយថា ឪពុក និងកូនជាជនរងគ្រោះនេះផឹកស្រាមិន ចាញ់គ្នាប៉ុន្មានទេ ក្នុងមួយថ្ងៃផឹកយ៉ាង តិចពី៤ទៅ៦ដងទើបមានការឈ្លោះ ប្រកែកគ្នាដោយគេដឹងថា ឪពុកផឹកស្រា រករឿង រីកូនជាជនរងគ្រោះផឹកស្រាអាង កាប់ចាក់ ។ ប៉ុន្ដែហេតុការណ៍នេះដោយ សារបុរសដែលតូចចិត្ដដោយសារឪពុកវាយតប់ពីព្រោះតែគាត់មិនអោយកូន ដើរផឹកស៊ី ហើយតូចចិត្ដឪពុកក៏ចាប់ យកកាំបិតចាក់ចូលពោះ២កាំបិតចេញពោះវៀនក៏ចេញមកក្រៅហើយគ្រូពេទ្យ បានយកផ្ដិលគ្របពីលើរួចរុំនឹងក្រមា ។ ឥឡុវត្រូវបានគ្រូពេទ្យជួយសង្គ្រោះដោយវះកាត់តពោះវៀនបានទាន់ ពេលវេលា ប៉ុន្ដែដោយអាការធ្ងន់ធ្ងរពេកក៏បញ្ជូន ទៅខេត្ដបាត់ដំបង ៕នគរវត្ត
