ដោយ ៖ ឡុង សំបូរ ថ្ងៃទី 15 ឧសភា 2012ម៉ោង 09:16:36
ខេត្ដស្ទឹងត្រែង ៖ កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរ បាលខេត្ដស្ទឹងត្រែង បានចុះឃាត់ខ្លួនស្ទាវឡើងកម្នាក់ពីបទរំលោភសេពសន្ថវៈមិនបាន សម្រេច ដែលបានប្រព្រឹត្ដទៅលើយុវតីវ័យ១៦ឆ្នាំម្នាក់ នៅក្នុងបន្ទប់ស្នាក់នៅរបស់នាងនៅក្នុងការដ្ឋានស្ថាបនា ផ្លូវរបស់ក្រុមហ៊ុនស៊ាងហៃគ្រុប កាលពី វេលាម៉ោង៨និង១០នាទីយប់ ថ្ងៃទី១០ ខែឧសភា ឆ្នាំ២០១២ បន្ទាប់ពីទទួលបាន ពាក្យបណ្ដឹងពីក្រុមគ្រួសារយុវតីរងគ្រោះ នាព្រឹកថ្ងៃទី១៣ ខែឧសភា ឆ្នាំ២០១២ ។ការិយាល័យនគរបាលព្រហ្មទណ្ឌកម្រិត ធ្ងន់ខេត្ដ បានប្រាប់ឱ្យដឹងថា ការចុះឃាត់ ខ្លួនជនសង្ស័យក្នុងអំពើចាប់រំលោភ សេពសន្ថវៈមិនបានសម្រេចនោះបាន ប្រព្រឹត្ដទៅនៅវេលាម៉ោង៣ ក្នុងការដ្ឋាន ស្ថាបនាស្ពាន និងផ្លូវរបស់ក្រុមហ៊ុន ស៊ាងហៃ គ្រុប ស្ថិតនៅក្នុងភូមិសំអាង ឃុំ សំអាង ស្រុកថាឡាបរិវ៉ាត់ ខេត្ដស្ទឹងត្រែង។
ប្រភពខាងលើបានបន្ដឱ្យដឹងទៀតថា ជនសង្ស័យដែលត្រូវឃាត់ខ្លួននោះឈ្មោះ ថា តុលា អាយុ២២ឆ្នាំ មុខរបរជាកម្មករ ធ្វើផ្លូវរបស់ក្រុមហ៊ុនស៊ាង ហៃ មានទីលំនៅ ភូមិព្រែក សង្កាត់ស្ទឹងត្រែង ក្រុងស្ទឹង ត្រែង ត្រូវជាកូនប្រុសរបស់លោកហ្វឿង ពឿង ជាមន្ដ្រីនគរបាលនៅក្នុងការិយា ល័យនគរបាលអន្ដរាគមន៍នៃស្នងការ ដ្ឋាននគរបាលខេត្ដស្ទឹងត្រែង។ ចំណែក យុវតីរងគ្រោះឈ្មោះឡ.ច.ន វ័យ១៦ឆ្នាំ ជាចុងភៅចម្អិនម្ហូបអាហារ នៅក្នុង ក្រុមហ៊ុនស៊ាងហៃ ដូចគ្នាមានទីលំនៅ ភូមិថាឡា ឃុំថាឡា ស្រុកថាឡាបរិវ៉ាត់ បានរងរបួសស្ទើរពេញរាងកាយជាពិសេស នៅលើភ្នែកផ្ទៃមុខ និងនៅក ។
ប្រភពដដែលបានបន្ដទៀតថា ការ ចុះឃាត់ខ្លួនជនសង្ស័យឈ្មោះ ថា តុលា នេះគឺធ្វើឡើងបន្ទាប់ពីការិយាល័យព្រហ្ម ទណ្ឌកម្រិតធ្ងន់ ទទួលបានពាក្យបណ្ដឹង ពីក្រុមគ្រួសាររបស់យុវតីរងគ្រោះនាថ្ងៃ ទី១៣ ខែឧសភា ឆ្នាំ២០១២ ដែលបាន ប្ដឹងពីបទរំលោភសេពសន្ថវៈមិនបាន សម្រេចទៅលើយុវតីរងគ្រោះដែលជា អនីតិជន នៅក្នុងបន្ទប់ស្នាក់នៅផ្ទាល់ ខ្លួនរបស់នាងក្នុងការដ្ឋានស្ថាបនាផ្លូវ របស់ក្រុមហ៊ុនស៊ាងហៃ កាលពីថ្ងៃទី១០ ខែឧសភា ឆ្នាំ២០១២ វេលាម៉ោង៨និង ១០នាទីយប់កន្លងទៅ។
នៅវេលាម៉ោង៨និង១០នាទីយប់ ថ្ងៃទី១០ ខែឧសភា ឆ្នាំ២០១២ ក្នុងបន្ទប់ ស្នាក់នៅរបស់យុវតីរងគ្រោះក្នុងការដ្ឋាន ស្ថាបនាផ្លូវជាតិលេខ២១៤តភ្ជាប់ពីគល់ ស្ពានមេគង្គស្ទឹងត្រែងឆ្ពោះទៅកាន់ខេត្ដ ព្រះវិហាររបស់ក្រុមហ៊ុនស៊ាងហៃគ្រុប ដែលមានទីតាំងនៅក្នុងភូមិសំអាង ឃុំសំអាង ស្រុកថាឡាបរិវ៉ាត់ នារីរង គ្រោះត្រូវបានគេចាប់រំលោភប៉ុន្ដែមិន បានសម្រេច ។
ក្រុមគ្រួសារយុវតីរងគ្រោះបានប្រាប់ឱ្យដឹងថា នាងឈ្មោះ ឡ.ច.ន អាយុ១៦ ឆ្នាំជាអ្នកចម្អិនម្ហូបអាហារឱ្យក្រុមហ៊ុនស៊ាងហៃគ្រុប មានទីលំនៅភូមិ ថាឡា ឃុំថាឡា ស្រុកថាឡាបរិវ៉ាត់ ខេត្ដស្ទឹង ត្រែង ។ ចំណែកឯបុរសស្ទាវឡើង.កជា ជនល្មោភកាមឈ្មោះ ថា តុលា ហៅភ័ក្រ ហៅតុលា អាយុ២២ឆ្នាំ ជាកម្មករធ្វើផ្លូវ ស្នាក់នៅបន្ទប់ជាប់យុវតីរងគ្រោះក្នុង ការដ្ឋាន និងមានទីលំនៅក្នុងភូមិព្រែក សង្កាត់ស្ទឹងត្រែង ក្រុងស្ទឹងត្រែង។
យុវតីរងគ្រោះ ឡ.ច.ន បានប្រាប់ នគរវត្ដនៅគ្លីនិកព្យាបាលឱ្យដឹងថា មុន ពេលកើតហេតុបន្ទាប់ពីរូបនាងសម្រាកពីការដាំស្លរួចមកនាងបានចូល មកក្នុង បន្ទប់គេងរបស់នាងដូចសព្វដង ។ គ្រានោះស្រាប់តែបុរសឈ្មោះ ភ័ក្រ ហៅ តុលា បានដើរសំដៅមកបន្ទប់នាង ហើយ ចូលទៅដេកលើគ្រែក្នុងបន្ទប់របស់នាងទាំងគ្មានការអនុញ្ញាត ។ ឃើញដូច្នេះ នាងបានរត់ស្ទុះចេញមកក្រៅ ឯបុរសនោះ ក៏បានដើរចេញមកវិញដែរ ។ លុះជន នោះចេញផុតពីមាត់ទ្វារបន្ទប់នាងក៏ បានដើរចូលទៅក្នុងបន្ទប់របស់នាងវិញ ស្រាប់តែបុរសចិត្ដពុះកញ្ជ្រោលនេះបានស្ទុះមកច្រានទ្វារចូល ហើយចាប់នាង ឱបជាប់រួចថើបញក់ញី និងរុញច្រាន នាងផ្អឹបទៅនឹងគ្រែដេក ។ នៅគ្រានោះ នាងបានតបតដោយប្រតាយប្រតប់ រើបម្រះ និងស្រែកហៅឱ្យគេជួយ ទើប ជននោះចាប់ច្របាច់.ក និងខ្វារមុខទះ កំផ្លៀងនាងខ្លាំងៗធ្វើឱ្យនាងសន្លប់បាត់ ស្មារតី ។ នៅពេលនោះជននេះបានលើក នាងដាក់លើគ្រែ ហើយលើកកាំបិតបម្រុង កាប់នាង ប៉ុន្ដែនាងបានដឹងខ្លួនទាន់ក៏បាន គេចនិងបានអ្នកជិតខាងមកជួយទាន់ ពេលវេលាកុំអីមិនដឹងថា វាសនានាងនឹង ត្រូវទៅជាយ៉ាងណាឡើយ ។
យុវតីរងគ្រោះបានអះអាងថា ការចាប់ រំលោភសេពសន្ថវៈ និងការប៉ុនប៉ងធ្វើ ឃាតមកលើរូបនាងរបស់បុរសកំណាចនោះមិនបានសម្រេចទេដោយសារអ្នក រួមអាជីព ដែលស្នាក់នៅក្នុងការដ្ឋានចិន ធ្វើផ្លូវទាំងអស់ផ្អើលរត់មកជួយទាន់ពេលវេលា ប៉ុន្ដែនៅក្រោយពេលកើតហេតុ បុរសនោះមិនត្រូវបានគេចាប់ខ្លួនទេ។ នាងបន្ដថា នាងបានទូរស័ព្ទប្រាប់រឿង រ៉ាវដែលបានកើតឡើងនេះដល់ឪពុក ក្រោយរបស់នាងឱ្យបានដឹងហើយឪពុក នាងបាននាំនាងទៅប្ដឹងនគរបាលប៉ុស្ដិ៍រដ្ឋ បាលឃុំសំអាង ។ ឯនាងក៏ត្រូវបានបញ្ជូន មកសម្រាកព្យាបាលមុខរបួសនៅគ្លីនិក មួយកន្លែងក្នុងក្រុងស្ទឹងត្រែងទាំងយប់ដែរ។
មូលហេតុដែលយឺតយ៉ាវនៅក្នុងចំណាត់ ការលើករណីនេះក៏ដោយសារការិយា ល័យនគរបាលព្រហ្មទណ្ឌមិនទាន់ទទួល បានពាក្យបណ្ដឹងពីខាងភាគីជនរងគ្រោះ ។
នៅរសៀលថ្ងៃទី១៣ ខែឧសភា ឆ្នាំ ២០១២ កម្លាំងការិយាល័យជំនាញបាន ចុះឃាត់ខ្លួនជនសង្ស័យក្នុងករណីប៉ុនប៉ង រំលោភខាងលើនេះ បញ្ជូនមកកាន់ស្នង ការដ្ឋាននគរបាលខេត្ដ ដើម្បីសាកសួរ និងកសាងសំណុំរឿងបញ្ជូនទៅតុលាការ ខេត្ដវិនិច្ឆ័យទោសទៅតាមកម្រិតនៃ ស្ថានទម្ងន់ទោស ៕នគរវត្ត
