ដោយ ៖ សណ្ដោស ថ្ងៃទី 15 ឧសភា 2012ម៉ោង 08:35:59
ខេត្ដព្រៃវែង ៖ យុវជនម្នាក់ត្រូវខ្សែ ភ្លើងឆក់ខណៈដែលឡើងផ្សារដំបូលដែក ឱ្យថៅកែហើយត្រូវបានគេដឹកយកមក ង្គ្រោះនៅមន្ទីរពេទ្យអ្នកលឿង ប៉ុន្ដែជា អកុសលជនរងគ្រោះបានស្លាប់បាត់ទៅហើយ ។ ហេតុការណ៍នេះបានកើតឡើង នៅវេលាម៉ោង១០និង៣០ព្រឹក ថ្ងៃទី១៤ ខែឧសភា ឆ្នាំ២០១២ នៅសិប្បកម្ម ក្រឡឹង និងធ្វើក្បាលបូមទឹកយីហោយន់ ចន ស្ថិតនៅភូមិទី៥ ឃុំព្រែកខ្សាយខ ស្រុកពាមរក៍ ខេត្ដព្រៃវែង ។តាមសាក្សីនៅកន្លែងកើតហេតុបាន ឱ្យដឹងថា ជនរងគ្រោះដែលបាត់បង់ជីវិត មានឈ្មោះសេត ធូ ភេទប្រុស អាយុ២៣ ឆ្នាំ មានទីលំនៅឃុំល្វា ស្រុកព្រះស្ដេច ខេត្ដព្រៃវែង ។
តាមការរៀបរាប់របស់អ្នករួមអាជីព ជាមួយជនរងគ្រោះខាងលើបានប្រាប់ភ្នាក់ ងារយកព័ត៌មាននគរវត្ដឱ្យដឹងថា នៅ វេលាម៉ោងកើតហេតុខាងលើ ជនរង គ្រោះបានយកឧបករណ៍ឡើងទៅផ្សារ ដំបូលផ្ទះឱ្យថៅកែរបស់ខ្លួន ។ តែដោយ មានកំហុសបច្ចេកទេសខ្សែភ្លើងបានប៉ះ ជាមួយសង្ក័សីបណ្ដាលឱ្យឆក់យុវជនខាង លើរួចធ្លាក់ពីលើដំបូលមកដីតែម្ដង ។
បច្ចុប្បន្នសាកសពត្រូវបានរក្សាទុក នៅមន្ទីរពេទ្យបង្អែកអ្នកលឿង រង់ចាំ សមត្ថកិច្ចធ្វើកោសល្យវិច័យ និងក្រុម គ្រួសារមកទទួលយកទៅធ្វើបុណ្យតាម ប្រពៃណី ។
គួរបញ្ជាក់ថា ការស្លាប់របស់យុវជន ខាងលើ មិនដឹងថាខាងសិប្បកម្មយីហោ យន់ ចន ទទួលខុសត្រូវបែបណាទេ ៕