ដោយ ៖ វិច្ឆិកា ថ្ងៃទី 20 ឧសភា 2012ម៉ោង 15:39:56
ខេត្តបន្ទាយមានជ័យ៖ សិស្សសាលាវិទ្យាល័យប៉ោយប៉ែតជាច្រើននាក់បាន នាំគ្នាទៅងូតទឹកស្រះនៅចំណុចភូមិទួលពង្រ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីវេលាម៉ោង៤ល្ងាច ថ្ងៃទី១៩ ខែឧសភា ឆ្នាំ២០១២ ស្រាប់តែប្រ ទះឃើញសាកសពស្ត្រីម្នាក់អណ្តែតក្នុងទឹកស្រះហើមស្ពី ទើបភ្ញាក់ផ្អើលដល់អ្នក ភូមិ និង រាយការណ៍ប្រាប់នគរបាលប៉ុស្ថិ៍សង្កាត់ប៉ោយប៉ែតឲ្យចុះទៅ ត្រួតពិនិត្យជាក់ស្តែង។លោកវរសេនីយ៍ត្រី អ៊ំ សុផល អធិការនគរបាលក្រុងប៉ោយប៉ែតបានឲ្យដឹងថា បន្ទាប់ពី សមត្ថកិច្ចទទួលព័ត៌មានពីសិស្សសាលាថាបានប្រទះឃើញសពស្ត្រីម្នាក់ អណ្តែតក្នុងទឹកស្រះនៅចំណុចខាងលើរួចមក លោកក៏ចាត់កម្លាំងជំនាញឲ្យ ចុះទៅសហការជាមួយកម្លាំងប៉ុស្ថិ៍ដើម្បី ត្រួតពិនិត្យសពប៉ុន្តែសពមានសភាពហើម ស្អុយរលេះរលួយធ្វើសមត្ថកិច្ចពិបាកនឹងធ្វើកោសល្យវិច័យ និងពិបាកសន្និដ្ឋាន ។
លោកអធិការនគរបាលក្រុងប៉ោយប៉ែតបានបន្តឲ្យដឹងទៀតថា សមត្ថកិច្ចស្រាវជ្រាវទើប ដឹងថាស្ត្រីរងគ្រោះមានឈ្មោះម៉ែ សារ៉ាយ អាយុ៥១ឆ្នាំ ដែលមានប្តី ឈ្មោះ ជួន ឡា អាយុ ៥៣ ឆ្នាំ រស់នៅភូមិប្រជាធម្មកើត សង្កាត់ក្រុងប៉ោយប៉ែត នៅចម្ងាយពីផ្ទះ ស្ត្រីរងគ្រោះ ទៅដល់កន្លែង កើតហេតុ ប្រហែល១.៥០០ ម៉ែត្រ។
លោកវរសេនីយ៍ត្រី អ៊ុំ សុផល បានបន្តឲ្យដឹងទៀតថា បើតាមការរៀបរាប់ពីគ្រួសារ សពបានប្រាប់សមត្ថកិច្ចថាស្ត្រីរងគ្រោះបាត់ពីផ្ទះកាលពីវេលាម៉ោង ១ រសៀល ថ្ងៃទី១៦ ខែឧ សភា ឆ្នាំ២០១២មកម្ល៉េះ ខណៈដែលគាត់បាត់ពីផ្ទះ គ្រួសារបាននាំគ្នាដើររកសព្វទីកន្លែង តែរកមិនឃើញ ។ លុះនៅល្ងាចថ្ងៃទី១៩ ខែឧសភា ទើបមានដំណឹងថា មានគេប្រទះឃើញសពគាត់អណ្តែកក្នុងទឹកស្រះ។ បន្ទាប់មកក្រុមគ្រួសារ និងសមត្ថកិច្ច បាននាំសពយកមកទុកធ្វើបុណ្យតាមប្រពៃណីនៅក្នុងវត្តប្រជាធម្មនៅ ព្រឺកថ្ងៃទី២០ ហើយក៏ មាន ព្រះរាជអាជ្ញាអមសាលាដំបូងខេត្ត នាំកម្លាំងសមត្ថកិច្ចជំនាញមកពិនិត្យសពម្តងទៀតផងដែរ៕nokowat
