សម្ដេចក្រុមព្រះ ចុះ​ឃោសនា​តាម​បណ្ដា​​ខេត្ត​​មួយ​ចំនួន

ថ្ងៃទី​ 18 ខែឧសភា ឆ្នាំ2012, ម៉ោង 03:14 PM ប៉ាវ

2

​ ភ្នំពេញ: នៅ​​ថ្ងៃទី​១៨ ខែឧសភា ឆ្នាំ​២០១២ ការិយាល័យ​​​​អ្នកនាំពាក្យ​គណបក្ស​នរោត្តមរណឫទ្ធិ បានចេញ​សេចក្ដីជូនដំណឹង​ថា សម្ដេចក្រុមព្រះ នរោត្តម រណឫទ្ធិ ប្រធាន​គណបក្ស នរោត្តម រណឫទ្ធិ នឹង​យាង​ទៅកាន់​បណ្ដា​ខេត្ត​មួយចំនួនក្នុងឱកាស​យុទ្ធនាការ​ឃោសនាបោះឆ្នោត ជ្រើសរើស​ក្រុម​ប្រឹក្សា​ឃុំ​-​សង្កាត់ ឆ្នាំ​២០១២ ដើម្បី​ជួបជុំ
​សកម្មជន ប្រជាពលរដ្ឋ​អ្នកគាំទ្រ និង​ថ្លែង​សារ​នយោ​បាយ ​។​
នៅថ្ងៃបើកយុទ្ឋនាការ​ឃោសនាដំបូងនេះ គណបក្ស នរោត្តម រណឫទ្ធិ មិនមានដង្ហែក្បួនទេ ដោយសារ​បញ្ហា​ខ្វះថវិកា។
​តាម​កម្មវិធី នៅវេលា​ម៉ោង ៩ ព្រឹក​ថ្ងៃទី​១៩ ខែឧសភា ឆ្នាំ​២០១២ សម្ដេចក្រុមព្រះ​នឹង​យាង​ទៅ​ឃុំ​ល្វា ស្រុក​ព្រះស្ដេច ខេត្តព្រៃវែង​។ នៅវេលា​ម៉ោង ៩ ព្រឹក​ថ្ងៃទី​២៣ ខែឧសភា ព្រះអង្គ​នឹង​យាង​ទៅ​ស្រុក​សន្ទុក ខេត្តកំពង់ធំ​៕អង្គរធំ