ដោយ ៖ វណ្ណៈ ថ្ងៃទី 20 ឧសភា 2012ម៉ោង 19:40:24
កំពង់ចាមៈ ស្ត្រីម្នាក់បានស្លាប់យ៉ាងអាណោអាធ័ម បន្ទាប់ពីស្ត្រីរូបនេះព្យា យាមតោងឡើងលោតទំលាក់ខ្លួនចុះទឹកពីលើស្ពានគីហ្ស៊ូណា ហើយមិនផុត បែរជាធ្លាក់ចូលទៅទើលើថាសស្ពានកាលពីវេលាម៉ោង១ ថ្ងៃទី២០ ខែឧសភា ឆ្នាំ២០១២ ស្ថិតនៅសរសទី៩ កណ្តាលស្ពានគីហ្ស៊ូណា ។លោក គឹម វុទ្ធី មន្ត្រីប៉ូលិសយាមស្ពានបានឱ្យដឹងថា ស្រី្តរងគ្រោះមិនត្រូវបានស្គាល់ អត្តសញ្ញាណឡើយ ហើយមានអាយុប្រហែល៤០ឆ្នាំ មានសក់រួញត្រឹមក ពាក់អាវ ពណ៌ផ្កាឈូកដៃវែង ខោក្រឡាការ៉ូជើងវែងពណ៌ប្រផេះ និងពាក់ស្បែកជើង ពណ៌ លឿង ។ ជនសង្ស័យទំនងជាមនុស្សមិនគ្រប់ទឹក អានាថា គ្មានទីពុំនាក់ ស្នាក់អាស្រ័យច្បាស់លាស់។
ប្រភពបានបន្តថា នៅមុនពេលកើតហេតុលោក និងមន្ត្រីប៉ូលិសម្នាក់ទៀតបានអង្គុយ យាមគោលដៅស្ពាន ហើយបានឃើញស្ត្រីម្នាក់រងគ្រោះ ធ្វើដំណើរពីក្បាលស្ពានខាងកើតមកដល់ប៉មយាមស្ពានរបស់ លោក ហើយពេលនោះត្រូវបានស្ត្រីខាងលើ ឈប់សួរនាំលោកលេង ហើយលោកក៏បានសួរ ទៅស្ត្រីនោះវិញថាទៅណា ស្ត្រីនោះប្រាប់លោកថា ចាំកូនកំពុងប៉ះម៉ូតូនៅខាងក្រោម ។
ប្រភពដដែលបន្តថា នៅគ្រានោះលោកជាប់រវល់ភារកិច្ច ទើបលោកដើរចេញ ហើយ លោកក៏បានក្រឡេកភ្នែកងាកក្រោយឃើញស្ត្រីខាងលើ ព្យាយាមឡើងលើបង្កាន់ដៃស្ពាន រួច លើកដៃបាយៗដាក់លោក រួចទំលាក់ខ្លួនចុះក្រោមតែម្តង។
លោកបន្តថា សកម្មភាព របស់ស្ត្រីខាងលើលោកមិនអាចជួយអន្តរាគមន៍ទាន់ពេលទេ ប៉ុន្តែពេលនោះលោកបានរត់មក មើលកន្លែងលោតក៏ឃើញស្ត្រីរងគ្រោះ ធ្លាក់ទើលើថាសស្ពានទី៩ដេកស្លាប់ផ្កាប់មុខ ដោយក្បាលនិងដៃម្ខាងធ្លាក់សំយ៉ុងទៅរកទឹក ។ លោកបន្តទៀតថា ស្ត្រីរងគ្រោះនេះសង្ស័យ ជាមនុស្សមិនគ្រប់ទឹកហើយអាចជាអ្នកមកពីស្រុកមេមត់ទៀតផង ។ អ្នករត់ម៉ូតូឌុបម្នាក់ បានឱ្យដឹងថា ឧស្សាហ៍ឃើញស្ត្រីរងគ្រោះនេះ ដើរចុះឡើងលើស្ពានរយៈពេលពីរបីថ្ងៃ មកហើយ ។ ដំណឹងនេះចាត់ទុកជាការផ្សព្វផ្សាយជូនដល់បងប្អូនប្រជាពលរដ្ឋទាំងអស់ ណាដែលបាត់សមាជិកគ្រួសារ សូមអញ្ចើញមកទទួលសពយកទៅធ្វើបុណ្យតាមប្រពៃណី៕nokowat