ថ្ងៃទី 9 ឧសភា 2012
ដោយ: សុខ ភក្តី
CEN
ភ្នំពេញ: នៅព្រឹកព្រលឹមថ្ងៃទី៩ ខែឧសភា ឆ្នាំ២០១២ ព្រះរាជពិធីច្រត់ព្រះនង្គ័ល បានប្រារព្ធឡើងយ៉ាងឱឡារិក នៅទីលានព្រះស្រែ វាលព្រះមេរុ ខាងជើងជាប់ព្រះបរមរាជវាំង។ ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី យាងចូលរួមជាព្រះរាជាធិបតីភាពដ៏ខ្ពង់ខ្ពស់ ដោយអមដោយសម្តេច ហេង សំរិន ប្រធានរដ្ឋសភា ព្រមទាំងមន្ត្រីរាជការ សមាជិករដ្ឋសភា ព្រឹទ្ធសភា មន្ត្រីរដ្ឋាភិបាល និងមហាជនជាច្រើនផ្សេងទៀត។
ក្នុងពិធីនៅព្រឹកនេះ មិនមានវត្តមានរបស់សម្តេចជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា រួមទាំងសម្តេចនាយករដ្ឋមន្ត្រី ហ៊ុន សែន អនុប្រធានគណបក្សប្រជាជនកម្ពុជាឡើយ។
ព្រះរាជពិធីច្រត់ព្រះនង្គ័លនៅឆ្នាំនេះ ព្រះអម្ចាស់ នរោត្តម ចក្រាវុឌ្ឍ ជាស្តេចមេឃ និងអ្នកអម្ចាស់ក្សត្រី ស៊ីសុវត្ថិ ចាន់ស៊ីដា ជាព្រះមេហួ។
នៅថ្ងៃ៤រោច ខែពិសាខ រៀងរាល់ឆ្នាំ តែងតែប្រារព្ធព្រះរាជពិធីច្រត់ព្រះនង្គ័ល ដើម្បីជាពិធីមង្គលមួយ ដែលព្រះករុណា ព្រះមហាក្សត្រ ចាត់ទុកថា ជាការចាប់ផ្តើមប្រកក់ប្រសិទ្ធីដល់ប្រជាកសិករ ក្នុងការធ្វើស្រែចម្ការ នៅរដូវវស្សាឲ្យទទួលបានទិន្នផលខ្ពស់។
ក្រៅពីការភ្ជួររាស់ សាប ព្រោះ ដែលស្តេចមេឃ និងព្រះមេហួ ធ្វើជានិមិត្តរូបនៃការចាប់ផ្តើមរដូវធ្វើស្រែចម្ការ ក្នុងព្រះរាជពិធីច្រត់ព្រះនង្គ័ល ក៏មានការផ្សងប្រផ្នូលលើការដាំដុះ ស្រែ ស្រូវចម្ការ តាមរយៈគោឧសភរាជ ( គោរបស់ព្រះមហាក្សត្រ )។
ការផ្សងប្រផ្នូលនេះ មានគោ ១ នឹម លែងឲ្យបរិភោគ វត្ថុ ៧ មុខ រួមមាន៖ ស្រូវ ពោត សណ្តែក ល្ង ស្មៅ ទឹក និងស្រា។ ក្រោយមក អាចារ្យប្រឡោហិត នឹងទស្សទាយ ទៅតាមតម្រា ពីការបរិភោគវត្ថុនីមួយៗ របស់គោឧសភរាជនោះ។
នៅទីលានព្រះស្រែ វាលព្រះមេរុ កន្លែងប្រារព្ធព្រះរាជពិធីច្រត់ព្រះនង្គ័ល ក៏មានតាំងបង្ហាញនូវផលិតផលកសិកម្ម និងកសិឧស្សាហកម្ម ព្រមទាំងអនុផលព្រៃឈើ មកពីតាមបណ្តាខេត្ត រាជធានី ដោយមាន ៤៥ ស្តង់ផងដែរ៕ S
ដោយ: សុខ ភក្តី
CEN
គោឧសភរាជ បរិភោគអាហារ ៧ មុខ ក្នុងព្រះរាជពិធីច្រត់ព្រះនង្គ័ល កាលពីឆ្នាំកន្លងមក
ក្នុងពិធីនៅព្រឹកនេះ មិនមានវត្តមានរបស់សម្តេចជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា រួមទាំងសម្តេចនាយករដ្ឋមន្ត្រី ហ៊ុន សែន អនុប្រធានគណបក្សប្រជាជនកម្ពុជាឡើយ។
ព្រះរាជពិធីច្រត់ព្រះនង្គ័លនៅឆ្នាំនេះ ព្រះអម្ចាស់ នរោត្តម ចក្រាវុឌ្ឍ ជាស្តេចមេឃ និងអ្នកអម្ចាស់ក្សត្រី ស៊ីសុវត្ថិ ចាន់ស៊ីដា ជាព្រះមេហួ។
នៅថ្ងៃ៤រោច ខែពិសាខ រៀងរាល់ឆ្នាំ តែងតែប្រារព្ធព្រះរាជពិធីច្រត់ព្រះនង្គ័ល ដើម្បីជាពិធីមង្គលមួយ ដែលព្រះករុណា ព្រះមហាក្សត្រ ចាត់ទុកថា ជាការចាប់ផ្តើមប្រកក់ប្រសិទ្ធីដល់ប្រជាកសិករ ក្នុងការធ្វើស្រែចម្ការ នៅរដូវវស្សាឲ្យទទួលបានទិន្នផលខ្ពស់។
ក្រៅពីការភ្ជួររាស់ សាប ព្រោះ ដែលស្តេចមេឃ និងព្រះមេហួ ធ្វើជានិមិត្តរូបនៃការចាប់ផ្តើមរដូវធ្វើស្រែចម្ការ ក្នុងព្រះរាជពិធីច្រត់ព្រះនង្គ័ល ក៏មានការផ្សងប្រផ្នូលលើការដាំដុះ ស្រែ ស្រូវចម្ការ តាមរយៈគោឧសភរាជ ( គោរបស់ព្រះមហាក្សត្រ )។
ការផ្សងប្រផ្នូលនេះ មានគោ ១ នឹម លែងឲ្យបរិភោគ វត្ថុ ៧ មុខ រួមមាន៖ ស្រូវ ពោត សណ្តែក ល្ង ស្មៅ ទឹក និងស្រា។ ក្រោយមក អាចារ្យប្រឡោហិត នឹងទស្សទាយ ទៅតាមតម្រា ពីការបរិភោគវត្ថុនីមួយៗ របស់គោឧសភរាជនោះ។
នៅទីលានព្រះស្រែ វាលព្រះមេរុ កន្លែងប្រារព្ធព្រះរាជពិធីច្រត់ព្រះនង្គ័ល ក៏មានតាំងបង្ហាញនូវផលិតផលកសិកម្ម និងកសិឧស្សាហកម្ម ព្រមទាំងអនុផលព្រៃឈើ មកពីតាមបណ្តាខេត្ត រាជធានី ដោយមាន ៤៥ ស្តង់ផងដែរ៕ S
