ដោយ ៖ អ.សុផល ថ្ងៃទី 02 ឧសភា 2012ម៉ោង 15:49:38
ខេត្ដកំពង់ចាម ៖ ក្រុមប្លន់ប្រដាប់ អាវុធដែលតែងតែធ្វើព្យុះភ្លៀងប្លន់ប្រជា ពលរដ្ឋទាំងក្នុងប្រទេស និងក្រៅប្រទេស ត្រូវបានកម្លាំងសមត្ថកិច្ចសហការស្រាវ ជ្រាវបង្ក្រាបចាប់ខ្លួនជាបន្ដបន្ទាប់ និង បញ្ជូនខ្លួនដេទៅពន្ធនាគារផ្ដន្ទាទោសតាម ច្បាប់ ។ លោកវរសេនីយទោ ជឹម សេងហុង ស្នងការរងនគរបាលខេត្ដកំពង់ចាមបាន ឱ្យដឹងថា ដោយមានបញ្ជាដឹកនាំរបស់ នាយឧត្ដមសេនីយ៍ នេត សាវឿន អគ្គ ស្នងការនគរបាលជាតិលោក កង សុខន អគ្គស្នងការរងនគរបាលជាតិទទួលបន្ទុក ផែនយុត្ដិធម៌ និងមានការណែនាំផ្ទាល់ពី ឧត្ដមសេនីយ៍ត្រី ឆាយ គឹមសុន ស្នងការ នគរបាលខេត្ដកំពង់ចាម ដើម្បីផ្លាស់ប្ដូរ ព័ត៌មាន ដីកា មុខសញ្ញាឧក្រឹដ្ឋរវាងខេត្ដ នឹងខេត្ដ ព្រមទាំងនាយកដ្ឋាននគរបាល ព្រហ្មទណ្ឌក្រសួងមហាផ្ទៃនៅថ្ងៃទី២៩ ខែ មេសា ឆ្នាំ២០១២ ស្នងការនគរបាល ខេត្ដព្រៃវែងសហការជាមួយស្នងការរាជ ធានីភ្នំពេញ បានចាប់ខ្លួនឈ្មោះ ផង់ ហន ហៅច្រាង និងបក្ខពួកចំនួន៥នាក់ទៀត និងដកហូតអាវុធមួយចំនួនផងដែរ ។
លោកវរសេនីយ៍ទោ សាន សុភា នាយការិយាល័យនគរបាលព្រហ្មទណ្ឌ កម្រិតធ្ងន់ខេត្ដកំពង់ចាមបានឱ្យដឹងថា កាលពីថ្ងៃទី១៦ ខែមេសា ឆ្នាំ២០០៩ ម៉ោង៦ និង៤៥នាទី មានករណីប្លន់ហាង ប្ដូរប្រាក់ដែលគេដឹងថា ជាហាងរបស់ ឈ្មោះ ង្វៀង វ៉ាន់ហ៊ីវ ប្រពន្ធឈ្មោះ ហូ គឹមអ៊ញ់ ជនជាតិវៀតណាម រស់នៅភូមិ តឹងវ៉ា ឃុំតាំងឡឹប ស្រុកតាំងបៀង ខេត្ដ តៃនិញ ប្រទេសវៀតណាម ហើយជន សង្ស័យខាងលើនេះបានគេចខ្លួនមកពួន នៅក្នុងទឹកដីប្រទេសកម្ពុជា ។ ក្នុងនោះ ក្រុមចោរប្លន់ប្រដាប់អាវុធប្លន់យកប្រាក់ ដុល្លារបានចំនួន៦៧.០០០ដុល្លារ ប្រាក់ ដុងចំនួន២៥០.០០០.០០០ដុង មាស ១២តម្លឹង បា្លទីន៦០តម្លឹង ។ លោក សាន សុភា បន្ដថា ក្រោយអំពើប្លន់ខាង លើសមត្ថកិច្ចបានសហការស្រាវជ្រាវ រហូតដល់ថ្ងៃទី២៧ ខែមេសា ឆ្នាំ២០១២ កម្លាំងស្នងការនគរបាលខេត្ដព្រៃវែង បានបើកកិច្ចប្រតិបត្ដិការណ៍ចាប់ក្រុម ចោរប្លន់បានម្នាក់ឈ្មោះ អេង សាអ៊ុំ ហៅ ស្រអែម ភេទប្រុស អាយុ២៩ឆ្នាំ មានទី លំនៅភូមិក្រូច ឃុំជាងដែក ស្រុកកំពង់ ត្របែក ខេត្ដព្រៃវែង តាមដីកាតុលាការ ខេត្ដព្រៃវែង ។
តាមចម្លើយសារភាពឈ្មោះ អេង សាអ៊ុំ សមត្ថកិច្ចក៏បានស្រាវជ្រាវរក បក្ខពួកដើម្បីចាប់ខ្លួនបន្ថែមទៀត ហើយ រហូតដល់ថ្ងៃទី២៥ ខែមេសា ឆ្នាំ២០១២ ក៏បានចាប់ខ្លួនបានបក្ខពួកម្នាក់ទៀតឈ្មោះ ផន ភាន់ ភេទប្រុស អាយុ៣៨ឆ្នាំ រស់នៅ ភូមិពញាកើត ឃុំជាងដែក ស្រុកកំពង់ ត្របែក ខេត្ដព្រៃវែង នឹងចាប់ខ្លួនម្នាក់ ទៀតឈ្មោះ តុន ជីវន ហៅមាស ភេទ ប្រុស អាយុ២៩ឆ្នាំ រស់នៅភូមិអន្លង់ចក ឃុំ-ស្រុកកំពង់ត្របែក ខេត្ដព្រៃវែង ។
លោកនាយការិយាល័យបានបន្ដថា នៅថ្ងៃទី២៩ ខែមេសា ឆ្នាំ២០១២ សម ត្ថកិច្ចបានស្រាវជ្រាវបានបក្ខពួកជាចោរ ប្លន់ខាងលើបានចំនួន២នាក់បន្ថែមទៀត មានឈ្មោះ សាន់ សារ៉ង ហៅតៅ ភេទ ប្រុស អាយុ៤០ឆ្នាំ មានទីលំនៅភូមិខ្លែង ឃុំថ្កូវ ស្រុកកំពង់ត្របែក ខេត្ដព្រៃវែង និងឈ្មោះ ផង់ ហន ភេទប្រុស អាយុ៣៨ ឆ្នាំ មានទីលំនៅភូមិបឹងក្រទិព ឃុំជើង ដែង ស្រុកកំពង់ត្របែក ខេត្ដព្រៃវែង ដោយកម្លាំងនគរបាលខេត្ដព្រៃវែង សហការជាមួយនាយកដ្ឋានព្រហ្មទណ្ឌ ក្រសួងមហាផ្ទៃ និងនគរបាលខណ្ឌឫស្សី កែវ ។
តាមចម្លើយសារភាពរបស់ ផង់ ហន ឱ្យដឹងថា កន្លងមកបក្ខពួកខ្លួនបានធ្វើ សកម្មភាពប្លន់ជាច្រើនលើកដូចជានៅ*ថ្ងៃ (មិនចាំ) ខែមេសា ឆ្នាំ២០០៩ ប្លន់ នៅភ្នំដិល ស្រុកបាធាយ ខេត្ដកំពង់់ចាម នៅថ្ងៃទី១៦ ខែមេសា ឆ្នាំ២០០៩ ប្លន់ នៅប្រទេសវៀតណាម នៅថ្ងៃទី១៤ ខែ វិច្ឆកា ឆ្នាំ២០០៩ ប្លន់នៅស្រុកចម្ការលើ ខេត្ដកំពង់ចាម នៅថ្ងៃទី១១ ខែមិនា ឆ្នាំ ២០១០ ប្លន់នៅក្នុងរាជធានីភ្នំពេញ ថ្ងៃទី ៣១ ខែមករា ឆ្នាំ២០០៨ ប្លន់ផ្ទះឈ្មោះ ទូច ស្ថិតនៅភូមិត្រើយមិង ឃុំឫស្សីស្រុក ស្រុកស្រីសន្ធរ ខេត្ដកំពង់ចាម ។
លោកវរសេនីយ៍ឯក ជឹម សេងហុង បានបញ្ជាក់ថា ឈ្មោះ ផង់ ហន ហៅ*ចាង ជាមេក្លោងប្លន់ប្រដាប់អាវុធ និងបក្ខពួក បានធ្វើសកម្មភាពប្លន់នៅក្នុងខេត្ដព្រៃ វែងចំនួន៩លើក ប្លន់នៅខេត្ដតាកែវ២ លើក ប្លន់នៅខេត្ដកំពង់ចាម៥លើក ក្នុង នោះបាញ់សម្លាប់ម្ចាស់ផ្ទះម្នាក់នៅកន្លែង ពួកគេធ្វើសកម្មភាព ។ ដោយឡែកក្រុម ប្លន់ដ៏សកម្មនេះបានប្លន់នៅខេត្ដកណ្ដាល និងនៅរាជធានីភ្នំពេញជាច្រើនលើក ។
លោកស្នងការរងរូបនេះបានបន្ថែម ថា ដោយអនុវត្ដគោលនយោបាយភូមិ- ឃុំមានសុវត្ថិភាពឱ្យមានប្រសិទ្ធភាព ស្នងការដ្ឋាននគរបាលខេត្ដកំពង់ចាមបាន ផ្លាស់ប្ដូរព័ត៌មាន មានដីកា ព័ត៌មានមុខ សញ្ញាសេសសល់ក្នុងករណីរឿងដោយ សហការជាមួយបណ្ដាខេត្ដ-រាជធានី និង ដោយមានការណែនាំពីអគ្គស្នងការនគរ បាលជាតិទើបក្រុមឧក្រិដ្ឋជនប្លន់ប្រដាប់ អាវុធទាំងនេះត្រូវបានបង្ក្រាបបានទាំង សំបុក ៕
