ដោយ ៖ វិច្ឆិកា ថ្ងៃទី ៣០ មេសា 2012ម៉ោង 13:03:20
ប៉ោយប៉ែត ៖ ក្មេងប្រុសម្នាក់ត្រូវ បានជីតារបស់ខ្លួនប្រទះឃើញឆក់ខ្សែ ភ្លើងដេកស្លាប់នៅមាត់ស្រះចិញ្ចឹមត្រី ខាងក្រោយផ្ទះដែល២០ម៉ែត្រប៉ុណ្ណោះ ។ ករណីស្លាប់របស់កុមារានេះត្រូវបានបុរសចំណាស់ដែលជាជីតាអះអាងថា ដោយសារតែចៅរបស់គាត់បានយកខ្សែភ្លើងចាស់ៗដែលក្លាយជាស្នួហាលខោ អាវទៅហើយនោះទៅតដាក់អំពូលភ្លើង ដើម្បីចាប់ចង្រិតយកមកឱ្យត្រីស៊ីហើយគេមិនបានប្រុងប្រយ័ត្នក៏ ប៉ះចំតំណឆក់ស្លាប់តែម្ដង ។ហេតុការណ៍ដ៏គួរឱ្យរន្ធត់នេះ កើតឡើង កាលពីវេលាម៉ោង៤និង១៥នាទីរសៀល ថ្ងៃទី២៦ ខែមេសា ឆ្នាំ២០១២ នៅ ចំណុចមាត់ស្រះក្រោយផ្ទះជីតាដែល ស្ថិតនៅក្នុងភូមិនិមិត្ដថ្មី សង្កាត់និមិត្ដ ក្រុងប៉ោយប៉ែត ខេត្ដបន្ទាយមមានជ័យ។ ជនរងគ្រោះមានឈ្មោះវណ្ណា ឆៃយ៉ា ភេទប្រុស អាយុ១៥ឆ្នាំ រស់នៅភូមិឃុំ ខាងលើ ។
នៅមុនពេលកើតហេតុតាមការឱ្យ ដឹងពីម្ដាយរបស់ក្មេងប្រុសរងគ្រោះបាន ប្រាប់ឱ្យដឹងថា នៅល្ងាចនោះរូបគាត់ កំពុងអង្គុយបោកខោអាវនៅក្រោយផ្ទះលុះ បោករួចរាល់ហើយក្រឡេករកមើលខ្សែ ភ្លើងស្នួហាលខោអាវមិនឃើញក៏បាន ស្រែកសួរកូនស្រីដែលត្រូវជាបងរបស់ជនរងគ្រោះថា អ្នកណាយកស្នួហាល ខោអាវទៅណា? កូនស្រីក៏បានឆ្លើយតប វិញថា កាលពីថ្ងៃខ្ញុំបានឃើញ វណ្ណា ឆៃយ៉ា (ជនរងគ្រោះ) បានស្រាយចេញ ហើយប្រាប់ថា យកទៅតអំពូលភ្លើងដាក់ ចង្រិតនៅផ្ទះរបស់លោកតាដើម្បីឱ្យត្រីស៊ីតាំងពីយូរ ហើយមិនឃើញមកវិញ ទេ ។ ពេលឮដូច្នោះរូបគាត់ជាម្ដាយបាន ដើររកកូន ។ លុះ១៥នាទីក្រោយមកជីតា របស់ជនរងគ្រោះក៏បានប្រទះឃើញចៅ ប្រុសរបស់គាត់ដេកស្លាប់នៅនឹងមាត់ ស្រះដោយមានមានស្នាមខ្លោចប្រអប់ ដៃទាំងសងខាងនិងពោះ ព្រោះតែត្រូវ ខ្សែភ្លើងឆក់ ហើយស្ដ្រីជាម្ដាយបញ្ជាក់ ថា កូនប្រុសរបស់គាត់នេះមិនដឹងជា ស្លាប់តាំងពីពេលណាមកទេ ។ បន្ទាប់ពី យកសាកសព ក្មេងរងគ្រោះមកដាក់ ក្នុងផ្ទះនិងស្រាវខ្សែភ្លើងមកទុករួចហើយ ក្រុមគ្រួសាជនរងគ្រោះក៏បានរាយការណ៍ប្រាប់សមត្ថកិច្ចប៉ុស្ដិ៍ សង្កាត់និមិត្ដឱ្យចុះមកត្រួតពិនិត្យនិងធ្វើកោសល្យវិច័យ ភ្លាមដែរ ។
លោកម៉ារិននាយប៉ុស្ដិសង្កាត់ និមិត្ដ បានបញ្ជាក់ថា សាកសពក្មេងរងគ្រោះ ពិតជាស្លាប់ដោយសារឆក់ខ្សែភ្លើងឆក់ មែនមិនមានពាក់ព័ន្ធនឹងអំពើឃាត កម្មឡើយ ហើយសមត្ថកិច្ចក៏បានប្រគល់ សពឱ្យសាច់ញាតិធ្វើបុណ្យទៅតាម ប្រពៃណីនៅល្ងាចនោះផងដែរ៕
