ថ្ងៃទី 10 មេសា 2012
ដោយ: សូផុន
CEN
បន្ទាយមានជ័យ: ពលករខ្មែរ ដែលឆ្លងដែនខុសច្បាប់ ទៅធ្វើការនៅប្រទេសថៃ បានសម្រុកវិលមកភូមិកំណើត នៅប្រទេសកម្ពុជាវិញ នាឱកាសបុណ្យចូលឆ្នាំថ្មីប្រពៃណីជាតិខ្មែរ ដែលមួយថ្ងែៗមានពី ៤០០ ទៅ ៦០០ នាក់ តាមច្រកព្រំដែនប៉ោយប៉ែត ក្នុងខេត្តបន្ទាយមានជ័យ។
មន្រី្តប៉ូលិសការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋានខេត្តបន្ទាយមានជ័យ ដែលធ្វើការជាមួយនគរបាលប៉ូលិសច្រកទ្វារអន្តជាតិប៉ោយប៉ែត បានប្រាប់គេហទំព័រ CEN ថា តាមធម្មតា ពលករខ្មែរ ត្រូវអាជ្ញាធរថៃចាប់បញ្ជូនត្រឡប់ពី ១៥០ ទៅ ២០០ នាក់ ក្នុងមួយថ្ងៃ។ នៅរយៈពេល ៤ ថ្ងែមកនេះ ពលករពី ៤០០ ទៅ ៧០០ នាក់ បានត្រូវបញ្ជូនត្រឡប់វិញ ពោលគឺចាប់ពីចុងសប្តាហ៍មុន ដល់ថៃ្ងចន្ទដើមសប្តាហ៍នេះ មានពលករខ្មែរជិត ៥.០០០ នាក់ហើយ បានវិលមកវិញ។
របៀបនៃការចាប់បញ្ជូនត្រឡប់ គឺពលករខ្មែរ បានចេញមកឲ្យសមត្ថកិច្ចថៃចាប់បញ្ជូន ឬសមត្ថកិច្ចថៃតាមចាប់នៅក្នុងការដ្ឋានការងាររោងចក្រ និងមួយចំនូនទៀតចាប់តាមផ្លូវធើ្វដំណើរ ហើយខ្លះត្រូវប៉ូលិសថៃចាប់ដាក់គុក និងខ្លះ ត្រូវបញ្ជូនត្រឡប់មកកម្ពុជាវិញភ្លាមៗ។
នគរបាលខេត្តបន្ទាយមានជ័យ បានឲ្យដឹងថា ក្នុងឆ្នាំ២០១១កន្លងមក ពលករខ្មែរ ដែលបញ្ជូនត្រឡប់មកវិញមានជាង ១១ ម៉ឺននាក់ ក្នុងនោះ មានកុមារជាង ១ ម៉ឺននាក់។ ពួកគេឆ្លងដែនខុសច្បាប់ទៅថៃ។ ភាគច្រើនពលករខ្មែរ មកពីខេត្តបន្ទាយមានជ័យ បាត់ដំបង កំពង់ធំ ព្រៃវែង និងសៀមរាប។
នៅប៉ុន្មានថ្ងៃនេះ ទិដ្ឋភាពនៅជិតរង្វង់មូលប៉ោយប៉ែតរញ៉េរញ៉ៃ ពេលពលករចេញពីធ្វើការនៅថៃ នគរបាល និងមន្ត្រីបានធ្វើកត់សម្គាល់ ដោយនិយាយថា ពលករច្រើនតែមុខដដែលៗ លែងខ្វល់ពីវាសនាល្អ ឬអាក្រក់ហើយពេលធ្វើការនៅថៃ។
តែយ៉ាងណាក៏ដោយ សមត្ថកិច្ចបានជួយសម្រូលបែបបទ និងការធ្វើដំណើរ កុំឲ្យចំណាយខ្ពស់ ពេលជិះយានយន្តពីប៉ោយប៉ែត ទៅស្រុកកំណើត៕ S
ដោយ: សូផុន
CEN
ពលករ ខ្មែរ ធ្វើការ នៅ ថៃ សម្រុក មក ស្រុក ពេល ចូលឆ្នាំ ខ្មែរ
មន្រី្តប៉ូលិសការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋានខេត្តបន្ទាយមានជ័យ ដែលធ្វើការជាមួយនគរបាលប៉ូលិសច្រកទ្វារអន្តជាតិប៉ោយប៉ែត បានប្រាប់គេហទំព័រ CEN ថា តាមធម្មតា ពលករខ្មែរ ត្រូវអាជ្ញាធរថៃចាប់បញ្ជូនត្រឡប់ពី ១៥០ ទៅ ២០០ នាក់ ក្នុងមួយថ្ងៃ។ នៅរយៈពេល ៤ ថ្ងែមកនេះ ពលករពី ៤០០ ទៅ ៧០០ នាក់ បានត្រូវបញ្ជូនត្រឡប់វិញ ពោលគឺចាប់ពីចុងសប្តាហ៍មុន ដល់ថៃ្ងចន្ទដើមសប្តាហ៍នេះ មានពលករខ្មែរជិត ៥.០០០ នាក់ហើយ បានវិលមកវិញ។
នៅប៉ុន្មានថ្ងៃនេះ ទិដ្ឋភាពនៅជិតរង្វង់មូលប៉ោយប៉ែតរញ៉េរញ៉ៃ ពេលពលករចេញពីធ្វើការនៅថៃ នគរបាល និងមន្ត្រីបានធ្វើកត់សម្គាល់ ដោយនិយាយថា ពលករច្រើនតែមុខដដែលៗ លែងខ្វល់ពីវាសនាល្អ ឬអាក្រក់ហើយពេលធ្វើការនៅថៃ។
តែយ៉ាងណាក៏ដោយ សមត្ថកិច្ចបានជួយសម្រូលបែបបទ និងការធ្វើដំណើរ កុំឲ្យចំណាយខ្ពស់ ពេលជិះយានយន្តពីប៉ោយប៉ែត ទៅស្រុកកំណើត៕ S
