ថ្ងៃទី 09 ខែមេសា ឆ្នាំ2012, ម៉ោង 04:14 PM ចាន់ សុខលន់
មន្រ្តីអាវុធហត្ថក្រុងប៉ោយប៉ែត បានឲ្យដឹងថា បន្ទាប់ពីទទួលពាក្យ បណ្តឹងពីជនរងគ្រោះប៊ឺង ធឿន ភេទស្រី អាយុ៣០ឆ្នាំ រស់នៅភូមិនិងឃុំភ្នំតូច ស្រុកមង្គលបូរី ខេត្តបន្ទាយមានជ័យ កាលពីថ្ងៃទី៤ ខែមេសា ឆ្នាំ២០១២ បានដាក់ពាក្យបណ្តឹងឲ្យសមត្ថកិច្ចជួយអន្តាគមន៍ រហូតមកដល់វេលាម៉ោង១៧ល្ងាច ថ្ងៃទី៩ មេសា ឆ្នាំ២០១២នេះ ទើបសមត្ថកិច្ចក្រុងប៉ោយប៉ែត ស្រាវជ្រាវតាមចាប់ខ្លួនបានម្នាក់ ចំណែកបក្សពួកម្នាក់ទៀត បានគេចខ្លួនបាត់ស្រមោលតែម្តង។
សមត្ថកិច្ចដដែលបានប្រាប់ឲ្យដឹងថា ជនសង្ស័យដែលបានចាប់ខ្លួននេះមានឈ្មោះរ៉ុម រត្ន័ ភេទប្រុស អាយុ២០ឆ្នាំ រស់នៅភូមិក្បាលស្ពាន១ សង្កាត់និងក្រុងប៉ោយប៉ែត ។ នៅចំពោះមុខសមត្ថកិច្ចជនសង្ស័យបានសារភាពថា ខ្លួន និងបក្ខពួកពិតជាបានធ្វើសកម្មភាពដូចការចោទប្រកាន់ខាងលើមែន ។
ដោយយោងតាមចម្លើយជនសង្ស័យខាងលើ ត្រូវសមត្ថកិច្ចកសាងសំណុំរឿងបញ្ជូនទៅកាន់ទីបញ្ជាកា រដ្ឋានកងរាជអាវុធហត្ថខេត្តបន្ទាយមានជ័យដើម្បីចាត់បន្តទៅតាមនីតិវិធី។ ចំពោះជនសង្ស័យដែលកំពុងរត់គេចខ្លួនសមត្ថកិច្ចកំពុង តែតាមប្រមាញ់ចាប់ផងដែរ។
គួរបញ្ជាក់ផងដែរថា ចំពោះពលករដែលចេញមកតាមច្រករបៀង តែងតែជួបបញ្ហាបាត់របស់របរ ស្ទើរតែរៀងរាល់ថ្ងៃ ហើយពេលខ្លះចាប់បានតែពេលខ្លះរកមិនឃើញចាប់មិនបានតែម្តង ព្រោះអីក្រុមចោរធ្វើ សកម្មភាពនៅតាមតែច្រករបៀង ប៉ុណ្ណោះ៕
