រថយន្តរាប់រយគ្រឿងដាច់កន្ទុយភ្នែកកកស្ទះ នៅកំពុងចម្លង អ្នកលឿងរដូវឆេងម៉េង ។ការកកស្ទះនេះបានចាប់ផ្តើមឡើងនៅវេលាម៉ោង១រសៀល ហើយបន្តរហូតដល់ម៉ោងជាង៥ល្ងាចថ្ងៃទី១ មេសា ដោយរថយន្ត រាប់រយគ្រឿង បានចាប់កកស្ទះពីចំណុចក្បាលសាឡាងអ្នកលឿង រហូតដល់ខាងមុខសាខាធនាគារអេស៊ីលីដា ដែលមានចំងាយជិត១ គីឡូម៉ែត្រ។
ប្រភពពត៌មានពីមន្ត្រីបម្រើការនៅកំពង់ចម្លង អ្នកលឿង បានឱ្យដឹងថា ការកកស្ទះនេះគឺមិនមែនជាលើកទី១នោះ ទេ ព្រោះវាបានកើតមានឡើងជារៀងរាល់ឆ្នាំរួចមកហើយ ដោយបងប្អូនប្រជាពលរដ្ឋខ្មែរដែលមានសែស្រឡាយចិន ទៅសែន ផ្នូរដូនតាក្នុងរដូវឆេងម៉េង តែងតែសម្រុកត្រឡប់ទៅផ្ទះវិញនៅឯភ្នំពេញក្នុងថ្ងៃតែមួយដែ លជាថ្ងៃឈប់សម្រាក រហូតធ្វើឱ្យមានការកកស្ទះ ចរាចរណ៍រាប់ម៉ោង។
ប្រភពដដែលបានបន្តទៀតថា មូលហេតុដែលបណ្តាលឱ្យមានការកកស្ទះចរាចរណ៍នេះគឺមិនមែនមកពី ខាងសាឡាងនោះទេ គឺបណ្តាលមកពីបងប្អូនប្រជាពលរដ្ឋដែលនាំគ្នាទៅសែនឆេងម៉េង នាំគ្នាសំរុកមកវិញក្នុងថ្ងៃតែមួយច្រើនពេក គួបផ្សំនឹងរថយន្តដឹកទំនិញផ្សេងៗទៀត ទើបធ្វើឱ្យមានការកកស្ទះបែបនេះ បើទោះបីជាសាឡាងចេញចម្លងអ្នកដំណើររហូត ដល់ទៅ៤គ្រឿងហើយក៏ដោយ។
ចំណែកឯប្រជាពលរដ្ឋជាអ្នកដំណើរដែលកំពុងតែកកស្ទះចរាចរណ៍ ដោយសារតែសាឡាងចម្លងមិន ទាន់នោះបាននិយាយថា ពួកគាត់មានការធុនទ្រាន់ខ្លាំងណាស់ព្រោះត្រូវមកកក ស្ទះនៅក្បាលសាឡាងអ្នកលឿងនេះជារៀងរាល់ឆ្នាំ ដែលម្តងៗមានរយៈពេលរាប់ម៉ោង ហើយពេលខ្លះគឺតាំងពីព្រឹករហូតដល់ល្ងាចក៏មាន តែមិនអាចធ្វើអ្វីបានគឺមានតែទ្រាំទាំងគេទាំង យើងដូចគ្នា។ តែពួកគាត់សង្ឃឹមថានៅចុងឆ្នាំ២០១៤ដើមឆ្នាំ២០១៥ ពេលដែលស្ពានអ្នកលឿងសាងសង់រួចនោះ ការកកស្ទះ ចរាចរណ៍បែបនេះនឹងមិនមានទៀតនោះទេ ហើយក៏សូមអំពាវនាវដល់ក្រុងអ្នកសាងសង់ស្ពានអ្នកលឿងនេះ មេត្តាពន្លឿនការងារ សាងសង់ឱ្យបានឆាប់ផង ដើម្បីឱ្យប្រជាពលរដ្ឋមានភាពងាយស្រួលក្នុងពេលធ្វើដំណើរ និងលែងជួបរឿងកកស្ទះចរាចរណ៍បែបនេះទៀត ៕
