ដោយ ៖ ហេង សូរិយា
ថ្ងៃទី 23-03-2012 ម៉ោង 16:03:24 ខេត្ដបាត់ដំបង ៖ យុវជនម្នាក់ ឈ្មោះ ភុំ រតនា ភេទប្រុស អាយុ១៩ ឆ្នាំ រស់នៅភូមិថ្មី ឃុំកំពង់ព្រៀង ស្រុកសង្កែ ខេត្ដបាត់ដំបង បានជាប់ពី បទរំលោភសេពសន្ថវៈលើនារីរង គ្រោះឈ្មោះ ហ.ស.វ. អាយុ១៩ឆ្នាំ រស់នៅភូមិពាមឯក ឃុំពាមឯក ស្រុក ឯកភ្នំ ខេត្ដបាត់ដំបង ត្រូវបាន កម្លាំងអធិការដ្ឋាននគរបាលស្រុកសង្កែ ឃាត់ខ្លួនបញ្ជូនមកស្នងការដ្ឋាននគរ បាលខេត្ដបាត់ដំបង ដើម្បីរៀបចំសំណុំ រឿងតាមនីតិវិធីចាត់ការបញ្ជូនទៅកាន់ តុលាការខេត្ដ ។
លោកអនុសេនីយ៍ឯក ខៀវ វណ្ណស៊ី អធិការរងនៃអធិការដ្ឋាននគរបាលស្រុក សង្កែបានឱ្យដឹងថា នៅវេលាម៉ោង១៥ និង៣០នាទី ថ្ងៃទី១៧ ខែមីនា ឆ្នាំ២០១២ នៅចំណុចក្រុមទី៥ ភូមិថ្មី ឃុំកំពង់ព្រៀង ស្រុកសង្កែ ខេត្ដបាត់ដំបង មានករណី រំលោភសេពសន្ថវៈមួយកើតឡើងបង្ក ដោយជនសង្ស័យឈ្មោះ ភុំ រតនា ភេទ ប្រុស អាយុ១៩ឆ្នាំ រស់នៅភូមិថ្មី ឃុំ កំពង់ព្រៀង ស្រុកសង្កែ ខេត្ដបាត់ដំបង បានរំលោភសេពសន្ថវៈលើជនរងគ្រោះ ឈ្មោះហ.ស.វ. អាយុ១៩ឆ្នាំ រស់នៅភូមិ ពាមឯក ឃុំពាមឯក ស្រុកឯកភ្នំ ខេត្ដ បាត់ដំបង រហូតបានសម្រេច ។
នៅថ្ងៃទី២០ ខែមីនា ឆ្នាំ២០១២ ក្រោយពីទទួលបានពាក្យបណ្ដឹងរបស់ ម្ដាយជនរងគ្រោះឈ្មោះញ៉ិល កញ្ញា អាយុ៤២ឆ្នាំ រស់នៅ ភូមិពាមឯក ឃុំពាមឯក ស្រុកឯកភ្នំ ខេត្ដបាត់ដំបង និងដោយមានការណែនាំពីលោកស្នងការ លោកស្នងការរង ប្រធានការិយាល័យ កណ្ដាលនគរបាលយុត្ដិធម៌ លោកបាន ចាត់តាំងកម្លាំងជំនាញធ្វើការនាំខ្លួនមក សាកសួរ ជនជាប់ចោទបានសារភាពថា ខ្លួនបានប្រព្រឹត្ដចាប់នារីរងគ្រោះហ.ស.វ. រំលោភសេពសន្ថវៈពិតប្រាកដមែន ។
តាមចម្លើយសារភាពរបស់ជនជាប់ ចោទ ភុំ រតនា បានឱ្យដឹងថា នៅព្រឹក ថ្ងៃទី១៧ ខែមីនា ឆ្នាំ២០១២ ខ្លួនបាន ទូរស័ព្ទទៅនារី ហ.ស.វ. ចំនួន២ដង ដោយសួរថា តើមកលេងផ្ទះខ្លួនមែនឬ អត់? នាងឆ្លើយថា ខ្ញុំនឹងទៅក្រោយពេល បង្រៀនចប់ទើបខ្ញុំទៅលេង រួចខ្លួនក៏បិទ ទូរស័ព្ទ ។ នៅប្រហែលម៉ោង១០និង៣០ នាទីថ្ងៃត្រង់ ពេលដែលខ្លួនត្រឡប់មកពី រោងការវិញបានឃើញនារី ហ.ស.វ. នៅ លើថ្នល់(ផ្លូវជាតិលេខ៥)ពីមុខផ្ទះខ្លួន ខ្លួនក៏បបួលចូលលេងផ្ទះតែម្ដង ។ រហូត ដល់ម៉ោងជិត១រសៀល ខ្លួនបានបបួល នារី ហ.ស.វ. ទៅអង្គុយលេងនៅខ្យូស ក្រោយផ្ទះចម្ងាយ៣០ម៉ែត្រជាប់នឹង កន្លែងដេករបស់ខ្លួន ។ គាប់ជួនពេល នោះមានភ្លៀងធ្លាក់ខ្លាំង ខ្លួនបានឱបថើប បឺតមាត់នារី ហ.ស.វ. ហើយដោយការ ទ្រាំមិនក៏ចាប់រំលោភតែម្ដងរហូតបាន សម្រេច ។
លោកវរសេនីយ៍ឯក ជេត វណ្ណនី ស្នងការរងប្រធានការិយាល័យកណ្ដាល នគរបាលយុត្ដិធម៌បានមានប្រសាសន៍ ថា នៅខេត្ដបាត់ដំបងកម្លាំងសមត្ថកិច្ច នគរបាលខិតខំយកចិត្ដទុកដាក់ចេញ ល្បាតទាំងយប់ទាំងថ្ងៃក្នុងកិច្ចប្រតិបត្ដិ ការបង្ការមិនឱ្យមានបទល្មើសលួចឆក់ ប្លន់កើតឡើង សំដៅធានាបាននូវភូមិ- ឃុំមានសុវត្ថិភាព ប៉ុន្ដែផ្ទុយទៅវិញ យើងកត់សម្គាល់ឃើញថា បទល្មើស ឧក្រិដ្ឋកើតមានជាបន្ដបន្ទាប់នោះ គឺបទ ល្មើសរំលោភសេពសន្ថវៈ ។ លោកក៏ សូមអំពាវនាវដល់បងប្អូន ក្មួយប្រុស ក្មួយស្រី សូមមេត្ដាអាណិតដល់ក្រុម គ្រួសាររបស់អ្នកផង គាត់លំបាកផ្លូវ កាយរកស៊ីចិញ្ចឹមកូន ផ្លូវចិត្ដខ្មាសគេ ពេញស្រុកពេញភូមិដោយសារតែកូន ប្រព្រឹត្ដមិនល្អ ។ ករណីនេះជនជាប់ចោទ សមត្ថកិច្ចបានរៀបចំសំណុំរឿងបញ្ជូន ទៅតុលាការខេត្ដ ៕
